Гордана Јанкуловска – Kurir.mk

Адвокатката Алексиќ смета дека спроведување на Јанкулоска е надвор од законската процедура

Магдалена Андонова — Tue, 29 Sep 2020 13:06:26 +0000

Адвокатка на Гордана Јанкулоска, Сања Алексиќ денеска пред новинарите изјави дека спроведување на Јанкулоска е надвор од секоја законска процедура од причина што таа е оневозможена да побара одлагање на издржувањето на казната по било кој друг основ од Законот за извршување на санкции. -Знам дека со ваквата изјава нема да се промени ништо, тоа е завршена работа. Јанкулоска во текот на вчерашниот ден некаде околу 15 часот ја примила одлуката на Врховниот суд, која што ни бранителите ја немаат се уште примено, и само после десетина минути се појавиле полициски службеници коишто и кажале дека мора да тргне со нив за да биде однесена на издржување на казната во затворот Идризово, изјави Алексиќ денеска пред Кривичниот суд. Додаде дека Јанкулоска во текот на вчерашниот ден нема примено упатен акт со којшто би била запознаена со терминот кога треба да се јави добороволно и да се подготви за одењето во затворот во Идризово. -Ние немаме правно средство сега на кој начин да реагираме на она што веќе е направено во текот на вчерашниот ден. Ќе можевме да реагираме доколку и се врачеше упатен акт со можност за мобла за одлагање по некои од другите основи коишто се предвидени во Законот за извршување на санкции, рече Алексиќ. Јанкулоска, додаде Алексиќ, секако знаела дека ќе треба да се јави на издржување на затворската казна во затворот Идризово, меѓутоа имала и можност да побара одлагање на издржување на казната според Законот за извршување на санкции. -Значи имаше еден упатен акт добиено, и истата со лична молба се обрати поради возраста на нејзиното дете да биде одложено издржувањето на казната. Освен тој упатен акт којшто беше со конкретен датум друг упатен акт нема добиено. И во тоа јас како нејзин бранител ја гледам повредата на нејзиното право, рече адвокатката Алексиќ и додаде дека во овој момент се непријатно изенадени заради прекршувањена нејзините права. Гордана Јанкулоска беше осудена на шест години, заедно со поранешниот премиер Никола Груевски кој доби две години за поттикнување на кривично дело, а заменикот министер Ѓоко Поповски доби шест години за злоупотреба на службена должност. Апелацискиот суд и ја намали казната на Јанкуловска на четири години. (МИА)

Стојановска: “Сосема случајно” чoвек пред капијата во затворот ја снимаше Гордана, му се гади на народот од Заев

Тале Кристо — Tue, 29 Sep 2020 08:35:47 +0000

Од најновите гадости на мафијата на Заев издвојуваме... На денот кога им падна цел образовен систем, побрзаа Гордана да ја стават во затвор, реагира преку својата Фејсбук страница пратеничката од редовите на ВМРО-ДПМНЕ Дафина Стојановска.. Притоа, "сосема случајно", имаше човек кој пред полицијата на главната капија ја снимаше кога влегуваше во затворот, за да ги задоволи гадните апатети на мафијата и саможивното чуство дека направиле зло и наместо убиец ставиле невин човек во затвор. Притоа, да не заборавиме дека Миле и Спиро беа тепани во затвор. Денес и’ се кршат сите права на Горде. Има ли во оваа земја народен правобранител или и тој ќе оди по принципот “наведната глава сабја не ја сече”? Заев, му се гади на народот од вас. Колку побрзо го дознаете тоа, толку побрзо ќе се приземјите. И едно знајте, стапот секогаш има два краја, пишува Стојановска во својата Фејсбук објава. https://www.facebook.com/StojanoskaDafina/posts/2712104169032429

Димитриевска Кочоска: Безобразно и некоректно е ова што и се прави на Гордана Јанкуловска

Ивана Ефремовски — Mon, 28 Sep 2020 17:13:42 +0000

Гордана Димитриевска Кочоска, член на ИК на ВМРО-ДПМНЕ во своето гостување во емисијата на телевизија 24 зборуваше за Гордана Јанкуловска која денеска беше однесена во затвор и кажа дека според неа тоа е безобразно и некоректно што и се прави на нејзе. -Имаме спроведување на едно лице да отслужи затворска казна за нешто што веќе долго време се користи од страна на сегашната власт, така да ова е безобразно, некоректно. Јас ова сега го слушам за вас и чесно ќе беше доколку тој мерцедес навистина се продадеше и се тргнеше настрана и после може да дискутираме тоа дали е праведно или не е праведно да се уживаат повластиците и да се искористува нешто за кое што некој друг е обвинет е комплетно за мене неприфатливо и не би имало што повеќе да додадам во врска со сето ова, истакна Димитриевска Кочоска.

Новинарот Димовски: Ако Јанкуловска е спроведена во затвор, незаконски е!

Ивана Ефремовски — Mon, 28 Sep 2020 16:39:36 +0000

Новинарот кој со години ја следи областа на правocyдството, Саше Димовски оценува дека екс-министерката за внатрешни работи, Гордана Јанкуловска е спроведена во затвор незаконски. „Ако е точно, НЕЗАКОНСКИ Е, без почитување на процедура! Налогот се врачува на обвинетиот 8 дена пред одење во затвор и ако не се јави, се апси! Пак велам, ако е точна веста, некој си поиграла со законот“, пишува тој. https://www.facebook.com/sase.dimovski.7/posts/10220857039790463

ВМРО-ДПМНЕ: Јанкуловска е жртва на политичка пресметка и нарачка на мафијашот Заев со опозицијата

Ивана Ефремовски — Mon, 28 Sep 2020 16:13:04 +0000

Гордана Јанкуловска е жртва на неправдите и политичкиот прогон на мафијата на Заев. Јанкуловска оди во затвор за автомобил кој го вози и користи Зоран Заев и неговата мафија и во исто време кога истата таа власт троши над 8 милиони евра за купување на нови службени возила, реагираат од ВМРО-ДПМНЕ. „Јанкуловска е жртва на неправдите на Заев и нејзиното одење во затвор е политичка пресметка и нарачка на мафијашот Заев со опозицијата. Додека власта се осветува кон мајка, сопруга и професионалец кој со години и служел на државата сеуште нема ниту збор за тоа каде завршувале парите од рекетот на Зоран Заев, имаме амнестија на очигледен поткуп на Заев, евро за Вицето евро за црквата, имаме целосен молк за поткупот на екс директорот на ФЗО Ден Дончев, обвинителството молчи за панамските пари и зделките со Заев за 2000 стана во Тетово, се молчи за измамата на штедачи на Еуростандард банка и редица други скандали кои се случуваат на дневно ниво. Забавата на Заев со човечки судбини нанесува зло и штета на државата. Денес треба да се збори за Јанкуловска во состојба кога имаме 40 илјади невработени на улица или кога имаме колапс на образовниот систем. Заев има потреба да се плаши единствено од правдата која ќе го стигне по падот на мафијата на власт“, се наведува во соопштението на ВМРО-ДПМНЕ.

Гордана Јанкуловска спроведена во затворот Идризово

Ивана Ефремовски — Mon, 28 Sep 2020 15:35:40 +0000

Канал 5 дознава дека екс-министерката Гордана Јанкуловска е спроведена во затворот Идризово.

Оваа информација им е потврдена и од МВР.

По пресудата на Врховниот суд , надлежниот судија издал налог за нејзино спроведување во затворот Идризово.

Поранешната министерка за внатрешни работи Гордана Јанкулоска, во октомври 2018 е осудена на шест години затвор од страна на судот во случајот „Тенк“ за набавката на блиндираниот Мерцедес.

Мицкоски за пресудата на Јанкуловска: Ја судеа без докази затоа што не одбра да биде слуга во скутот на Заев

Дарко Андоновски — Fri, 18 Sep 2020 12:00:05 +0000

Претседателот на ВМРО-ДПМНЕ Христијан Мицкоски преку статус на Фејсбук пишува дека поранешната министерка за внатрешни работи Гордана Јанкуловска е осудена без докази. -Мафијата на власт потроши над 8 милиони евра за службени возила, а за набавка на едно службено возило кое го користи власта на Заев, Гордана Јанкуловска ќе оди во затвор. Ја судеа без докази затоа што не одбра да биде слуга во скутот на Заев. Ова не е никаква правда, туку начин да се оттргне вниманието од вистинските скандали, криминали и неуспеси на мафијата на власт. Јанкуловска беше генерален секретар на ВМРО-ДПМНЕ и тука таргетот не е Јанкуловска, туку ВМРО ДПМНЕ. Оваа одлука на судот е ден по раскрвавената глава на Палевски, и откако целокупното судство и истото обвинителство ги пропушти и амнестираше сите скандали на мафијата. И не заборавајте, Горде е мајка на еден мал ангел, но и ова ќе помине, а срамот на Заев и мафијата за ваквата тортура ќе остане. Мафијата не треба да се плаши од освета, туку од правда, а таа ќе дојде, стои во неговиот пост на Фејсбук.

Мафијата на власт потроши над 8 милиони евра за службени возила, а за набавка на едно службено возило кое го користи... Posted by Hristijan Mickoski on Friday, September 18, 2020

„Тенк“ на СЈО: Адвокатите на одбраната побараа изземање на судијката Кацарска

Ристе Здравков — Tue, 04 Sep 2018 08:55:09 +0000

Барање за изземање на судијката Добрила Кацарска побараа адвокатите од одбраната на поранешната министерка за внатрешни работи Гордана Јанкулоска на почетокот на денешното рочиште во раздвоената постапка во случајот „Тенк“ на Специјалното јавно обвинителство за набавката на „мерцедесот“ вреден 600 илјади евра. Судијката Кацарска даде пауза од половина час за претседателот на судот, Иван Џолев, да се произнесе за барањето на адвокатите. Адвокатите Сања Алексиќ и Боро Тасевски објаснија дека барањето за изземање се однесува на мислење добиено на 27 август од седум члена на Комисијата за заштита од дискриминација со кое таа го задолжува судот да ја отстрани веќе утврдената дискриминација во постапката. За денешното рочиште предвидено е да бидат сослушани шест сведоци предложени од обвинителството. Судијката Кацарска на почетокот на судењето за овој случај закажа 23 рочишта за помалку од 40 работни дена. На претходното рочиште беа сослушани вкупно седум сведоци предложени од Обвинителството, кои на некој начин биле вклучени во јавната набавка на блиндираното возило „мерцедес гард“ во вредност од 600 илјади евра во 2012 година.

Продолжува судењето за „Тенк“

Матеја Петровски — Tue, 04 Sep 2018 05:42:34 +0000

Во Кривичниот суд денеска продолжува судењето на поранешната министерка за внатрешни работи Гордана Јанкулоска во раздвоената постапка за случајот „Тенк“ на Специјалното јавно обвинителство. На денешното рочиште треба да бидат сослушани шест сведоци предложени од Обвинителството, утре да бидат изведувани писмени докази, а на 10 септември да се започне со сослушување на сведоците предложени од одбраната. На претходното рочиште беа сослушани вкупно седум сведоци предложени од Обвинителството, кои на некој начин биле вклучени во јавната набавка на блиндираното возило „мерцедес гард“ во вредност од 600 илјади евра во 2012 година. Сведоците одговараа на директни и вкрстени прашања од јавниот обвинител Стефчо Донев, адвокатката Сања Алексиќ и обвинетата Гордана Јанкулоска. Во исказите тие го објаснија спроведувањето на јавната набавка на блиндирано моторно возило, која била дел од годишниот план за работа, потоа тендерската документација и нејзиното составување, критериумите и евалуацијата на понудите, како и самото примопредавање на возилото. Шестмина од сведоците во 2012 година биле вработени во МВР, додека еден бил вработен во Мак Ауто Стар. Сведоците во своите искази кажаа дека, не ја познаваат лично обвинетата и немале никаков контакт со неа додека таа била на функцијата министер за внатрешни работи. (Миа)

Адвокатот на Јанкулоска: Бараме од советот разумно времетраење на рочиштата и според Европската конвенција за човекови права

Предраг Кукиќ — Wed, 29 Aug 2018 09:22:14 +0000

Со пролонгирано времетраење на рочиштето, а по завршувањето на работното време на судот одбраната смета дека се постапува на штета на обвинетата Јанкулоска во постапката со тоа што се врши повреда на нејзиното право на одбрана. Ова од причина што на обвинетата и се оневозможува правото на ефективна одбрана, а во насока на отсуство на разумно и доволно време за подготовка на соодветна одбрана, посочи денеска адвокатот на Гордана Јанкулоска, Боро Тасевски. Членот 6 од Европската конвенција за човекови права упатува на минимални утврдени права на секој обвинет во постапката, помеѓу кои предвидено е и обезбедување на време и услови за подготвување на одбрана. Овој член не е апликабилен само на подготвувањето на одбраната во претходната постапка (фаза на истрага), туку истиот се однесува и на можноста одбраната да биде подготвена за било кое дејствие кое е предвидено да се преземе на главната расправа, особено во фаза на доказна постапка во предмети каде се предложени голем број на материјални докази и сведоци. На ова се надоврзуваат и одредбите од чл. 359 од Законот за кривичната постапка кој упатува на текот на главната расправа, односно на фактот дека истата се одржува непрекинато и тече според редот што е определен во законот, а во случаите кога не е можно истата да е заврши на едно рочиште, претседателот (на советот) одлучува истата да продолжи следниот работен ден.