гордана нацева – Kurir.mk

Нацева: Не секоја држава има можност да биде домаќин на Европско натпреварување

Бошко Тасиќ — Sat, 15 Oct 2022 04:43:07 +0000

Поранешната македонска репрезентативка Гордана Нацева ја има улогата на амбасадор од нашата земја на претстојното Европско првенство кое за 20 дена и официјално ќе стартува, а еден од домаќините ќе биде нашиот главен град. „Чест и задоволство е што денеска сум овде. Свесни сме колку голема работа ни се случува и што значи да се биде домаќин на европско. Не секоја држава ја има таа можност. Ја поздравувам РФМ за органзиацијата и сметам дека се одржува во исклучително важен момент за женскиот ракомет. Ова ќе биде голем мотив и силен импулс за сите нас. Не секоја генерација има чест да игра во својата земја на големо натпреварување. Со верба во себе и помош од трибините верувам дека можеме да бидеме изненадување. По долго време македонската публика ќе може да присуствува на натпревар на кои играат екипи од ракометната елита.Предизвик за нас е да бидеме добри домаќини и дека сите гости ќе понесат најубави спомени од гостувањето во нашата земја“, изјави Гордана Нацева. Македонија првиот меч го игра на 5. ноември против Франција, во нашата група се наоѓаат уште Холандија и Романија.

Нацева: Да го искористиме ЕП за промовирање на спортот кај најмладите

Ивона Петрова — Thu, 29 Sep 2022 11:54:03 +0000

Гордана Нацева, амбасадорот на Европското првенство 2022, сака ова големо натпреварување да се искористи во насока на на зголемување на бројот на младите кои се бават со спорт. – Благодарност за довербата што ми ја дадовте да бидам амбасадор на ЕП, ми претставува чест, задоволство и одговорност да бидам дел од организацијата. Ќе се обидам што подобро да го промовираме ова првенство. Чувствувам голем предизвик, ако не и и ист како кога бев дел од репрезентацијата на Македонија. Секогаш сум сакала достоинствено да ја претставам својата држава, да бидеме модели и примери за младите генерации. Спортот е борба по резултат, но спортот значи и претставување на државата, културата, гостопримството, на нашите убави работи со кои можеме да се претставиме и да се гордееме. Да ја претставиме државата во најдобро светло. Посебно моја заложба е да допреме до секое девојче кое сака да се бави со спорт, треба да ја подигнеме свеста на сите млади да спортуваат. Да се потрудиме сите заеднички, овој момент да го искористиме за промовирање на таа идеја. Сметам дека ќе бидеме добри домаќини, а ракометот ќе го задржи приматот на најдобар спорт кај нас, изјави Нацева. Таа на македонските ракометарки им порача да дадат се од себе и дека да се игра дома на едно големо натпреварување е најголема мотивација за постигнување добри резултати. Во периодот од 4 до 20 ноември годинава Ракометната федерација на Македонија ќе биде ко-организатор на Европското првенство за ракометарки, заедно со федерациите на Словенија и на Црна Гора.

Гордана Нацева ќе биде амбасадор на ЕП 2022

Ристе Здравков — Fri, 02 Sep 2022 13:26:03 +0000

Македонија ќе биде домаќин на Европското сениорско првенство во женска конкуренција на крајот на годината заедно со Словенија и Црна Гора. Скопје покрај тоа што ќе биде домаќин на групната фаза, во нашиот главен град ќе се одржи и главната рунда, по што најдобрите се селат во Љубљана. ЕХФ од земјите организатори побара да одберат еден амбасадор, а од Македонија тоа ќе биде Гордана Нацева. „Пред да се заблагодарам за амбасадор на првенството. Да го изразам задоволството за динамичниот Управен одбор, драго ми е што присуствував за време на анализите на машките и женските национални тимови. Поздрав до Савевски, до Бранче и Раде, прават неверојатно нешто со репрезентациите, исто поздрав до Лазаров. Со ваква посветеност ќе остане број еден федерација во Македонија. Ова е голема привилегија, задоволство, чест и одговорност, секогаш сум сакала да ја преставам Македонија во најдобро светло, резултатски и вака како држава“, рече Нацева.