Гордана Силјаноска Давкова – Kurir.mk

Силјановска Давкова: Оставките на министрите на ДУИ се само политички маневар, се знае како се поднесува оставка преку премиерот до Собранието

Ивона Петрова — Mon, 31 Jul 2023 17:32:43 +0000

Се работи за тн. оставки или симулација на оставки, бидејќи Уставот е јасен секој министер може да поднесе оставка и преку премиерот истата се дсотавува до претседателот на Собранието, а тој веднаш и ги доставува до пратениците и на следната седница се констатираат оставките, рече професорката Гордана Силјановска Давкова, пратеник од ВМРО-ДПМНЕ на вечерашното гостување на Вести плус што се емитува на телевизија Канал 5, а коментирајќи ги како што велат од ДУИ условените оставки на нивните министри, кои би се ефектуирале доколку ВМРО-ДПМНЕ гласа за промена на Уставот. Според неа нивниот чекор е само „политички маневар“. Силјановска се осврна и на тоа што значи Бугарија да има нови барања по промената на Уставот на Македонија. „Преговорите во рамки на тн. историска комисјиа се непресушен извор на барања истото е и во рамки на поглавјата, бидејќи во протоколите ќе дојде израз договореното или не договореното. Значи господар на прстените е Бугарија“, кажа Силјановска. Прво ќе се прашаат граѓаните дали да се менува Уставот и да се внесат Бугарите, вели Силјановска и додава „јасно е дека ги претставуваме граѓаните, на изборите ќе побараме да кажат што мислат за овие уставни измени, преамбулата не е место каде се гарантираат правата нашиот Устав им гарантира права на сите во член од истиот.“ Според професорката во Македонија не треба да се зборува за дискриминација по етничка основа. „Дискриминари се оние кои плаќаат или не плаќаат струја. Во Македонија се дикриминари граѓаните како поединци. Крајно време е да го ставиме акцентот на стручнот и компетентност и сите ќе останат тука никој нема да си оди од Македонија“, вели Силјановска. На Македонија, укажува таа, најмногу и е важно владеењето на правото. „Во сите устави има други во смисла на народи, и кај нас во Уставот има дел кој вели и правата на други и тука се сите и правата им се заштитени со член 48 и амандман 8 од Уставот“, кажа Силјановска.

Силјановска Давкова: Пратеничката група на ВМРО-ДПМНЕ нема да гласа за уставните измени

Дарко Андоновски — Thu, 20 Oct 2022 18:08:26 +0000

Во вечерашното гостување во емисијата „Само интервју“ на Канал 5 Телевизија гостуваше пратеничката од редовите на ВМРО-ДМНЕ, Гордана Силјановска Давкова, таа посочи дека пратеничката група на ВМРО-ДПМНЕ нема да гласа за Уставните измени. „Пратеничката група на ВМРО-ДПМНЕ нема да гласа за уставните измени, бидејќи и сега бугарското малцинство е заштитено. Во преамбулата убаво си пишува и други народи. Ако вие сите ги внесувате во Уставот, тогаш апсолутно преамбулата ќе се сведе само на набројување“, рече Силјановска Давкова. Таа би разбрала промена на Уставот доколку малцинството бугарско е дискриминирано. „Јас би разбрала промена на Уставот, кога бугарското малцинство би било дискриминирано, но македонскиот Устав е еден од ретките Устави за разлика од Бугарскиот каде има цел еден дел кај слободите и правата што се однесува на правата на малцинствата. Таму не пишува дека тоа се однесува само на оние што се набројани во преамбулата, туку на сите малцинства вклучувајќи го и бугарското.“, кажа Силјановска Давкова. Силјановска Давкова потенцираше дека во Договорот за пријателство и добрососедство од 2017-та година нема ниту еден збор и барање за внесување на Бугарите во Уставот.

Силјановска Давкова: Немало понеодговорна власт, како да се алергични на владеењето на правото

Катерина Бојаџиева — Wed, 12 Oct 2022 18:37:52 +0000

Jас одговорно тврдам низ историјата немало послаба власт, полоша власт, понеодгворна власт, поодалечна власт, истакна Гордана Силјановска Давкова пратеник од редовите на ВМРО-ДПМНЕ во емисијата Што не е јасно на телевизија Алфа. Околу аферата со премиерот и наодот на антикорпуциска е многу буквално толкување. Според Давкова самото постоење и уживање на функцијата прв човек има свое влијание. Таа посочи дека сеуште некој луѓе не научија дека функцијата неспојлива со вршење на профитна дејност. Нејзино гледиште е како да се алергични владеењето на правото. Па сите нивни најблиски се распослани по министерствата, по агенциите и дури во услови на криза може да видите која фирма добри стои која лошо, Кога ќе му тргне лошо на МЕПСО, ги префрлаат во оние кои добро стојат. Како да поверувате дека од сите вработени токму нивните на локално ниво ќе ги препознаат како високо потребен кадар за министерството за надворешни работи или онаа чудна приказна и со безбедносниот сертификат од највисок ранг, ама и со капацитетот на способностите да советувате во четири-пет министерства на триесетина години, ајде ви се молам. Затоа треба да ставиме крај на партизираните вработувања, треба на конкурс да ги примаме луѓето во сите институции во спротивно клиентелизмот е неразделно врзан за корупцијата и криминалот. Нам ни се случува фамилијаризација на државата или ако сакате приватизација на државата. Тоа не води кон владеење на правото, ниту е пак европски тренд иако така убаво звучи, истакна таа.

Силјановска Давкова по нападот во Собрание: Правото на говор нам ни е оневозможено- Со Закон за работни односи не можете да регулирате пензионирање на судии и јавни обвинители

Катерина Бојаџиева — Tue, 28 Jun 2022 14:45:18 +0000

Сакам да ве известам дека тукушто го информирав господинот Илхан Ќучук канејќи го на седницата, оној кој што е главен во процесот Жан Моне дека овде се случува Жан Клод Ван Дам процес и дека треба тоа да го види и Медијаст рест. Јас сум една од неколкуте пратенички и пратеници кои два дена креваат рака, барајќи збор но не го добиваат, истакна Гордана Силјановска Давкова, пратеничка на Пратеничката група на ВМРО-ДПМНЕ. - Значи, не може да ставите дневен ред на гласање доколку има пријавени за дискусија и за процедурални забелешки. Еве зошто. Членот 29 од деловникот вели дека пратеникот има право и должност да присуствува на седницата на Собранието и на работните тела и да учествува во работата и одлучувањето. Тоа не се однесува само на координаторите бидејќи има 4 координатори, 21 комисија. Што вели членот 121 став 4 од Деловникот? Дека дури и пратеник кој не е член на работата на комисијата, а јас сум заменик член има право да присуствува на седницата на работното тело и да учествува во неговата работа без право на одлучување. Но, како што гледате правото на говор нам ни е оневозможено. Вчера напразно претседателот сакаше да каже дека се завршени процедуралните забелешки и дека преминуваме замислете на амандмани иако воопшто никој, ни министер ни заменикот не не запознале ни со самата содржина на законот. Што спориме ние? Прво, законот воопшто не може да биде донесен со европско знаме, бидејќи по членот 135 од Деловникот, кога предлогот на законот содржи одредби со кои се врчи усогласување со правото на ЕУ, со директиви и регулативи тогаш во воведот се наведуваат и податоците за изворниот акт на ЕУ со полн назив, број и датум. Згора, со предлогот на законот се поднесува и изјава за усогласеност потпишана од надлежниот министер и се наведува правниот акт на ЕУ со кој е извршено усогласувањето. Ако ова го нема, Претседателот на Собранието е должен да го врати предлог законот и да побара во рок од 15 дена да се направи согласно одредбите што ги кажав. Но се разбира тимот Талат Џафери и Арбер Адеми функционира поинаку односно го злоупотребува законот. Еве зошто овој закон не може да биде со европско знаме.можете да го отворите законот и во преглед на регулативи од други правни сисстеми и усогласеност со правото на ЕУ пишува „предлог законот е усогласен со препораките на оценската мисија за судска обука со основните начела на ООН број 94/12со Европската повелба за статусот на судиите и со Европската конвенција за човекови права“. Ниту еден од овие документи не извор на европското право, ниту е директива ниту е регулатива. Доказ? Свртете на изјавата за усогласеност на овој закон со законодавството на ЕУ, на коресподентната табела, се е празно. Значи, нема основ. Сега најважното. Што е споново овој закон? Со Закон за работни односи не можете да регулирате пензионирање на судии и јавни обвинители. Всушност, самиот Закон за работни односи тоа прецизно го утврдува кога ќе го отворите членот 104кој што се однесува на пензионирањето со 62 односно 64 години, тој може поинаку да се уреди доколку со друг закон поинаку не е уредено. Тој друг закон е матичниот Закон за судии и јавни обвинители што се носи со двотретинско мнозинство. Згора, ако отидете во Законот за судскиот совет тогаш ќе утврдите прво во амандманот 29, став 1, алинеја 1 на Уставот , судскиот совет ги избира и разрешува судиите и судиите поротници. Значи не може да одлучува за нивното пензионирање или одлагање на пензионирањето. Единствениот закон кој што може оваа материја да ја регулира е Законот за судии и јавни обвинители. Исто така би додала, зошто како lex specialis а не како lex generalis? Што е она што исто така е многу чудно. Кога ќе го отворите законот таму може да прочитате дека по исклучок од ставот 1 на овој член, тој е оној со 62 и 64 години, Советот на судиите односно Советот на јавните обвинители може да одлучи да се продолжи работниот век на судиите и јавните обвинители до 67 години возраст. Директно спротивно од законското решение на Законот за судии и јавни обвинители, директно спротивно и на Законот за работни односи бидејќи тој не вели ако со друг член не е утврдено поинаку туку вели само ако поинаку е утврдено во друг закон односно во lex specialis. Второто, уште пострашно. Пазете, „продолжувањето на работниот однос од овој член ќе се однесува и на оние судии и јавни обвинители кои навршиле 64 години и чии работен однос им бил продолжен до 30 јуни 2022 година“. Затоа е оваа трка, до 30 јуни. Ама ако нема правен основ како тоа им го продолжил работниот однос на овие судии. И најстрашно уште на крај, вели дека одредбите од овој закон со кои се дополнува членот 14 што го цитирав ќе се применуваат три години од денот на влегувањето на сила на овој закон. Ние немаме таканаречено сансет законодавство за една или две години туку законите важат ерга омнес и имаат неограничено временско правно дејство. Значи овде е јасно дека има неуставност. Замислете згора, целиот предлог закон е спротивен на членот 9 од Уставот. Недискриминација. Зошто утврдува дека Судскиот совет односно Советот на јавни обвинители може да продолжи нечиј мандат, како е тоа можно. Затоа сакем овој закон да оди по редовна постапка, затоа сакаме да покажеме дека оваа материја треба да се регулира во Законот за судии и јавни обвинители, а не во Законот за работни односи, додава Силјановска Давкова.

Силјановска Давкова: Лицата од 27ми април не се терористи, ниту пак извршиле терористички чин потребна е преквалификација на делото

Катерина Бојаџиева — Wed, 27 Apr 2022 19:12:54 +0000

Прво ова дело е едно такво хибридно чудно скроено дело, второ може да зборуваме за насилство, за толпа, меѓутоа за терористичко загрозување на уставниот поредок за среќа со ниту еден мртов или без киднапирање, без окупирано собрание, не можеме да зборување за терористичко загрозување, вели универзитетската професорка и пратеничка Гордана Силјановска Давкова во отвореното студио пет години подоцна од настаните за 27ми април. Силјановска Давкова потенцираше дека со овој режиран случај всушност се влеа страв во коските кај граѓаните за да не реагираат по она што потоа власта го направи. -Овде се вели страв кон граѓаните, но не напротив овде се влеа страв во коски кај луѓето. Зошто? За да може да се изведе лесно она што потоа следеше и тоа е таа приказна. Пет години потоа ми се чини дека никој не верува од претседателот па до кој друг дека се случил тероризам, кажа таа. Силјановска Давкова ги искоментира изјавите дека претседателот тогаш планирал да прогласи вонредна состојба укажувајќи дека таквите изјави се перфидни зошто шефот на државата може да прогласи вонредна состојба само во два случаеви и тоа во случај на големи елементарни непогоди или некоја епидемија. -Толку перфидно и перверзно звучеа дека претседателот се спремал да прогласи вонредна состојба. Па дали знаете дека вонредна состојба може да се прогласи само во случај на големи елементарни непогоди, или во случај на некоја епидемија, нагласи Силјановска Давкова. За Силјановска Давкова овие лица не се терористи, ниту пак делото за кое се осудени е терористички чин, додавајќи дека потребна е преквалификација на истиот. -Сметам дека тие луѓе ниту се терористи, ниту делото може да се квалификува како терористички чин, значи потреба е преквалификација, децидна е Силјановска Давкова.

Силјановска Давкова: За конзул и амбасадор се именува лице со кариера, висок дипломатски статус и меѓународно признание, а не лице со партиска блискост и послушност кон лидерот

Ристе Здравков — Fri, 18 Feb 2022 18:03:58 +0000

Универзитетската професорка и пратеничка од ВМРО-ДПМНЕ Гордана Силјановска Давкова во гостување во емисијата „Што не е јасно?“ на телевизија Алфа за назначувањето на некомпетентни кадри за конзули вели дека и во самиот Закон за надворешна политика има одредби дека овие лица треба да имаат висок дипломатски статус, извонредно образование, меѓународна репутација, а не лица кои имаа само партиска блискост. Како да не прават разлика меѓу дипломатија, разузнавање и контраразузнавање, се за нив треба да биде тајно. Знаете компаративно дури и кога се во прашање амбасадорите, тие се амбасадори на државата и кога се во прашање козулите, па и другите функции транспарентно се одвива, особено пред собранието, бидејќи пратениците ги претставуваат граѓаните, а амбасадорите и конзулите треба да вршат работи во корист на граѓаните и кога се надвор кога живеат во дијаспората, не ми е јасно зошто постои комисија за надворешни работи, зошто нема комуникација. Впрочем и во законот за надворешни работи има одредби и за конзули и се знае дека за конзул може да биде именуван или некој ако зборуваме за кариера што има висок дипломатски статус, зошто оваа работа стручност и компетентност, бара тренинг, искуство или пак да се работи за личност која извонредно образование, меѓународна репутација, вели Силјановска Давкова. Според нејзе анализирајќи ги и биографиите на другите функционери може да се заклучи дека основна причина не е знаењето и стручниот дигнитет, туку партиската блискост, посочувајќи дека додека најумните си заминуваат надвор од државата, овде доминира незнаењето и партиската послушност. Само фрлете поглед кој е на клучните позиции, анализирајте ги нивните биографии и ќе видите дека не е се знаењето основната причина, научниот или стручен дигнитет, не е интегритетот, туку партиската блискост. Страшно е значи во една држава во која што најумните заминуваат, наместо да се стимулира знаењето како сила и моќ да доминира да царува незнаењето и послушноста кон партиските водачи, смета Силјановска Давкова.

Силјановска: Владата на Ковачевски е нелигитмна во самото настанување и има лица чии биграфии личат на флаери

Ристе Здравков — Sat, 15 Jan 2022 16:07:34 +0000

Најспоменуваниот поим беше легитимитет. Легитимитетот, прво, извира од граѓаните и се манифестира, потврдува или губи на избори. Специфичен го прави потрошниот карактер бидејќи се работи за игра меѓу влезни и излезни елементи барања на граѓаните и влезни како закони, политики и кога ќе дојде до дискрепанца помеѓу нив зборуваме за легитимицасика криза. И оваа влада е во тешка легимациска криза, рече Гордана Силјановска, пратеник од ВМРО-ДПМНЕ на собраниската дебата за составот на нова Влада. Таа објасни зошто владата е во тешка легитимациска криза. „Прво, не може оваа влада да го наследи легитимитетот од претходна влада, таа не може да ги делегира бидејќи премиерот си замина од лична одговорност, а не поради друга функција. Второ, кога се конститураше власта во неа беше Беса неа ја нема сега во Владата или значи гласачите сега не се гласачи на оваа коалиција и легитимитетот е нагризен, ја има Алтернатива за која не знаеме што мислат граѓаните за нејзино трансформирање во власт“, рече Силјановска. Дополнитело, Силјановска наведе и други недоследности, како дека министри кои беа носители на кандидатски листи ги нема и додаде дека најголемиот удар беа локалните избори. Исто така посочи дека и малите партии даваат условена поддршка што е спорно за легитимитет. „По дефиниција оваа влада е нестабилна влада, по она што се случува внатре во СДСМ и надвор, тешко дека е влада на СДСМ, туку е на Зоран Заев“, рече Силјановска. Според неа нема ништо и околу суштината. и кажа дека Европскиот центар за политики вели новата политичка криза тлее во Македонија по оставка на премиерот и огромна победа на опозицијата. „Тоа предизвикува инхерентни ризици и тоа ја намалува посветеноста на ЕУ процесот, судството не е на ниво, корупцијата царува, пандемијата ја влошува состојбата, на економски и социјален план нема резултати“, вели Силјансовска. Според неа легитимитетот на Ковачевски е всушност врзан неразделно од некој кој до вчера би палтрон, султан, објаснувајќи „мислам на најголемиот носител на моќта мислам на премиерот, а не го спомнавте, а ве преферираше одевте со него за да се манифестира блискоста. Говорејќи за персоналните решенија Силјановска рече „ако си оди Димитров бидејќи нема датум за ЕУ, со него треба да замине и Османи зошто датумот како да остана во црната кутија во авионот во кој очегледно немаше пилот“. „Се говори за владеење на правото. Дали колегата Тупанчевски ќе се дистанцира од оној договор дека независни експерти ќе извршат меѓународен мониторниг на процеси за кои постојат сомнењвања политички дека врз нив боло вршено политичко влијание како Монструм, Диво насеље. Тие може да се ревидираат само ако се најдат во Стразбир пред Судор за човекови права ова е директно мешање во судската власт“, заклучи Силјановска укажувајќи дека „оваа Влада во самото настанување е нелегитимна и има биографии кои личат на флаери“.

Силјановска Давкова: Костурот на државата е скршен, потребен ни е нов општествен договор каде ќе се цени индивидуата, стручноста и компетентноста, не бркање на младите

Ристе Здравков — Sat, 18 Dec 2021 11:55:24 +0000

Професорката и пратеник Гордана Силјановска Давкова, на денешната трибина на ВМРО-ДПМНЕ „Нов договор - заеднички патриотизам“, посочи дека потребно ни е враќање на европските темели каде се цени индивидуата, партизацијата на институциите и бркање на способните и стручните млади е реалност, скршен е костурот на државата, но тоа мора да се промени со новиот општествен договор за да не се распадне општеството. -Демократскиот политички лепак е граѓанството, затоа треба да се зборува за неговото височество граѓанинот и индивидуата како извор на суверенитетот, тој конститутивен елемент обединува, ние можеме да се натпреваруваме и да бидеме рамноправни пред Уставот и законите како индивидуи, а кај нас за жал дури и она начело кое можеше да биде многу важно правична и соодветна застапеност не функционира, посочи Силјановска Давкова. Таа вели дека начелото за правична и соодветна застапеност не значи дека лидерите на сегментите треба кого сакаат да вработуваат и кого сакаат да поставуваат на функции, туку истото значи дека треба да се почитува процентот на застапеноста во општеството, но никогаш без правичното, односно стручноста и компетентноста. Само ако луѓето се исти во критериумите одреден етникум би имал предност, а доколку се нема компетентност и стручно туку само волјата на лидерот на партијата тоа не е ни правично ни соодветно, појасни Силјановска Давкова. Таа објасни дека институциите во Македонија се наполнија со партиски војници, се’ се „фамилијализираше“ и така се скрши костурот на државата, па по тоа потребен ни е нов концепт и за да не се распадне општеството треба да посегнеме по европските темели, тоа е знаењето, стручноста и компетентноста на индивидуата. Се што персонифицираше знаење и компетитивност и стручност го избркаа намерно и сеуште ги гонат моите најдобри студенти, Албанци, Турци, Роми, Власи, Македонци, а останаа оние кои немаат избор, и оние кои единствено занимање им е да одлучуваат за другите, ете тоа мораме да го смениме, како, со еден нов општествен договор, истакна Силјановска Давкова на денешната трибина.

Силјановска Давкова: Претседателот на Собранието ВЕДНАШ ја доставува оставката до пратениците и до Претседателот на државата, а Собранието на првата наредна седница без претрес, КОНСТАТИРА ДЕКА МАНДАТОТ НА ПРЕМИЕРОТ МУ ПРЕСТАНУВА

Катерина Бојаџиева — Tue, 02 Nov 2021 07:20:22 +0000

Оставка? Што е ? Игра: остави или земи; дај и врати; понуди – повлечи; најави-отповикај...? Оставката е личен и морален чин, акт на политичка одговорност. Еден пример:харизматичната Маргарет Тачер, во 1990 година поднесе двојна оставка: на највисоката партиска функција, но и на премиерската. А ние, сеуште слушаме за отповиклива и неотповиклива оставка!, вели професорката Гордана Силјановска Давкова. -Кога некој нема збор, ве остава без зборови. Без зборови останав по божемната оставка на министерот Филипче. Не стигна до претседателот на Собранието преку претседателот на Владата. Веројатно почина од Ковид -19. Непосредно пред вториот круг, од премиерот чувме дека ќе поднесе оставка доколку Шилегов не победи во Скопје. Не победи. СДСМ ги изгуби градоначалничките избори во 42 општини, а победи во 16. И.... ? На пресот в зори, по завршеното гласање, по изјавата на Шилегов, премиерот, меѓу останатото рече: „Ја превземам одговорноста на себе. Поднесувам ОСТАВКА од премиерската фукција и од функцијата претседател на СДСМ“. А, потем, продолжи: „ им честитам на сите прогресивни граѓани кои се бореа силно за интеграција на С. Македонија“. Искрено, не гледам логична врска меѓу првиот и вториот дел, оти зошто би бил одговорен, ако изгубил од регресивни граѓани? Згора, како мери кој е прогресивен, а кој регресивен граѓанин? Но, не ми е прв пат да не можам да го разберам премиерот. Понекогаш им завидувам на сеприсутнине политички аналитичари кои лесно го разбираат и често го цитираат. До мене е, веројатно. Не можам да и доскочам на неговата елоквенција, моќен и оригинален политички говор. Искрено, Заев звучеше убедливо, а чув и оценки како „висок морален чин“ ама ... Јас, во рамките на професијата, потсетувам дека ОСТАВКА не се поднесува усмено, на телевизија. Може да се најави емотивно, како резултат на вознемирената совест, но се доставува во писмена форма до претседателот на Собранието и може да биде придружена со образложение (член 93, став (3) од Уставот и член 219, став (1), (2), (4) и член 220 од Деловникот. Личниот печат е нејзино основно обележје. Затоа, претседателот на Собранието, ВЕДНАШ ја доставува до пратениците и до Претседателот на државата, а Собранието, на првата наредна седница, без претрес, КОНСТАТИРА ДЕКА МАНДАТОТ НА ПРЕМИЕРОТ МУ ПРЕСТАНУВА. Што се однесува до оставката на највисоката партиска функција, таа е однос меѓу г-динот Заев, како Претседател и членството! Се надевам дека ДОКОЛКУ поднесе оставка, нема да има директни „ИЗБОРИ“ со еден кандидат. Локалните избори се лакмус за легитимитетот на политичките претставници и партиите, не само локално, туку и пошироко. Од тие причини, изгубените локални или регионални избори се знак за (о)спорен легитимитет и носителите на власта, за да не живеат во политичка неизвесност, често посегаат по предвремени парламентарни избори. Не помина ниту еден ден од „ОСТАВКАТА“, кога тргна поворката на бранители на премиерот од САМИОТ НЕГО, некои од политичката коалиција, убедувајќи го да ја повлече НЕПОДНЕСЕНАТА ОСТАВКА, односно ДА ГО ПОВЛЕЧЕ ДАДЕНИОТ ЗБОР, други, од „ невладиниот“ сектор, со сестрана надлежност, па дури и „откривање“ на „НЕЗАКОНСКО ФИНАНСИРАЊЕ“, преку пари однадвор и одвнатре“ на кампањата на опозицијата (случајно совпаѓање со истите наводи на Заев?) со умислени изјави дека „ оставката не ја прифаќаат граѓаните и граѓанките“, небаре граѓански портпарол и уставен фактор за (не)прифаќање оставки, трети, со собирање партиски потписи, четврти со подршка по мрежите..... прогресивни елементи. Деновиве ќе видиме дали има минимум шанса за пристојна демократија во која има минимум свест за објективна и субјективна одговорност. Демократијата се учи со вежбање, со лични примери. Се надевам дека нема да биде: по Филипче – Заев! Но, кога некој нема збор, ве остава без зборови. Ќе останеме ли пак без зборови. Ќе видиме набрзо. Вивна ЖАГОРОТ на „ незаменливите “ политички аналитичари кои, кога би имале образ, од срам за она што долго, па и овие две недели го зборуваа и предвидуваа, би „занемеле“, барем за извесен период. Ним не им прилега зборот „срам“, туку зборот „ арам“!, пишува професорката на Фејсбук.

Силјановска Давкова: Непознат феномен е министер за внатрешни работи да оди во предизборна кампања за локални избори како што прави Спасовски

Катерина Бојаџиева — Wed, 07 Jul 2021 21:15:01 +0000

Непознат феномен е министер за внатрешни работи да оди во предизборна кампања за локални избори. Министрите за внатрешни работи ако сте забележале ретко се појавуваат во јавноста и си ја тераат работата. Но, кај нас се е можно, истакна Гордана Силјановска Давкова, пратеник од ВМРО-ДПМНЕ и Коалицијата „За обнова на Македонија“ во емисијата „Заспиј ако можеш“ на Алфа телевизија коментирајќи ги настапите на Оливер Спасовски по трибините на СДСМ. Силјановска Давкова потсети како власта неколку години веќе по ред ги уверува граѓаните дека македонскиот идентитет е бетониран. „Тоа што власта го говори сега е за предизборни цели, зборовите на власта летаат насекаде, дури полесни се и од лисјата. Но, пожолтеа веќе тие лисја, никој веќе не им верува на зборовите на власта. И тоа особено ако секој ден кажаното го демантира некој настап. Од власта ќе кажат дека нема никаков проблем и потоа ќе се огласи некој од политичарите во соседството“, појасни Силјановска Давкова. Силјановска Давкова додаде дека Уставот на Македонија гарантира локална самоуправа како темелна вредност на уставниот поредок и идејата на локланта самоуправа е да биде противтежа на централната власт, но сега министрите да ги гледате на локално ниво, претпладне значи на централно ниво, а попладне на локално ниво тоа значи и злоупотреба на нардони средства, користење и на службени возила.