горјан тозија – Kurir.mk

Разрешени се Тозија и Хајредини

Ивана Ефремовски — Thu, 22 Oct 2020 19:43:16 +0000

На вечерашната владина седница разрешени се директорот на Агенцијата за филм, Горјан Тозија и В.Д. директорот на Јавното претпријатие за стопанисување со објекти за спорт во сопственост на Република Македонија, Шпенд Хајредин, пишува Centar.mk. Разрешувањето следува по претходен предлог на Љупчо Николовски – Вицепремиерот за борба против корупција, за одржлив развој и човечки ресурси.

Антикорупциска барала разрешување на Тозија, од Владата се прогласиле за ненадлежни

Ивана Ефремовски — Wed, 21 Oct 2020 14:20:07 +0000

Поднесовме иницијатива во врска со постапувањето на в.д. директорот на Агенцијата за филм Горјан Тозија, со што побаравме одговорност и разрешување, истакна денеска Владимир Георгиев членот на антикорупциската Комисија, прашан дали добиле одговор од Владата за барањето на Државната комисија за спречување корупција. Тој информираше дека од Владата добиле одговор дека поради пандемијата не именувала друг директор но и дека не наведуваат дека ќе го разрешат. Од Владата им посочиле дека одговорноста која ја побарала ДКСК е предмет на позитивното законодавство во државата и дека тоа е во надлежност на други органи. -Ние сметаме дека Владата е надлежна, бидејќи според законот за филмска дејност Владата е таа што го именува и го разрешува директорот. Оваа претставка е доставена и до вицепремиерот за корупција и очекуваме да видиме што ќе се случи, истакна Георгиев.

Селективно се делат пари во Агенцијата за филм: Актерите и режисерите го кренаа гласот против Тозија

Ивана Ефремовски — Thu, 23 Jul 2020 13:08:44 +0000

Актери и режисери се кренаа против директорот на Агенцијата за филм, Горјан Тозија. Гневни се оти милиони евра завршуваат во џебовите на одредени филмски работници и тоа по неколку пати годишно. Која е комисијата што селектира, зошто Тозија работи против нас, прашува актерот и режисер Висар Вишка. -Се разбира дека главата на таа институција е првиот виновник. Неколку пати му е кажано дека треба да смени а не да продолжи по старо, но истото продолжува. Сега ја крие комисијата, кое што е тотално неразбирливо во една државна институција да криеш комисија, демек ја чува од некакви влијанија или незнам. Ако некој неможе да ги сноси секакви надворешни влијанијата од надвор тој не треба да биде во една комисија или да биде глава на една институција. Секој со чист образ треба да стои поради својата одлука и да може да ја одбрани својата одлука. И тој намерно го прави,бидејќи секогаш се крие позади некаква комисија кој никој не ја знае, а уствари одлуките не се ни на комисијата не ни знаеме кој одлучува, а ние интимно знаеме кој одлучува и кој ќе добие пари уште пред да се објават резултатите, вели за Алфа, Висар Вишка. Вишка не гледа спас во надлежните, инспекторат и од министерството, оти сите се поставени од една иста Влада. -Тој е одбран од Влада на Република Македонија. Тој директно ги координира сите кои се таму одбрани од Влада. Многу е смешно што кога продуцентите ќе наидат на проблем, ни се случи неколку пати, одат пред Министерството за култура кое нема никакви ингеренции да ни помогне, бидејќи ниту ја избира комисијата ниту го директорот. Тоа е директно од Влада. Владата треба да превземе нешто, тврди Висар Вишар. Жртва не се авторите, туку делата, пишува и режисерот Антонио Митриќески. Чувството е дека македонскиот филм е заробен во некој маѓепсан затворен круг и дека постојано едни исти автори се фаворизираат, а некои други се маргинализираат. Тозија до сега молчи во врска со распределбата на проектите.

Македонците од Словенија му одговорија на Тозија: Ќе те пријавиме во неколку европски институции!

Ивана Ефремовски — Sun, 14 Jun 2020 18:37:50 +0000

Македонската Влада упорно молчи за навредите на директорот на Агенцијата за филм Горјан Тозија, кој пак преку писмо до јавноста се извини на хрватскиот народ, но не и за навредите кон словенечкиот премиер Јанес Јанша, пишуваат во отворено писмо Македонците во Словенија. Затоа, тие сметаат дека и македонската Влада стои зад истите ставови искажани од страна на Тозија кој во своите објави го нарече премиерот на Словенија Јанеш Јанша, фашист. Поради игнорантскиот однос на Владата, тие во писмото информираат дека ќе ги известат сите европски институции.

„Димитров ги штити само интересите на СДСМ“

Ристе Здравков — Sun, 14 Jun 2020 14:50:13 +0000

Се обидува ли Владата да го забошоти скандалот со директорот на Агенцијата за филм Горјан Тозија? Откако тој се извини на Хрватска за навредите и кон државата и кон премиерот Пленковиќ, Тозија смета дека не потребно да се извини и на Словенија и Унгарија, и на првите луѓе Орбан и Јанша, велат од здружението на Хрвати во Македонија. -Во писмото, Тозија ги обвини порталите дека сакале екскузивност, на сметка на нарушување на добрите односи меѓу Македонија и Хрватска. Навистина смешно, небаре порталите му ги пишуваа неговите зборови дека хратскат влада е „куп на криминалци“ и „фашисти“. Тука се поставува прашањето каде е во целата оваа работа министерот за надворешни работи Никола Димитров и неговиот однос кон нашите пријатели од Хрватска, Унгарија и Словенија. Димитров досега јавно не се произнесе за овој случај, ниту пак побара одговорност од Тозија за нарушување на угледот на државата како владин фунцкионер. Димитров како шеф е најповикан да се извини на Хрватска ако се знае дека оваа пријателска земја е наш голем подджувач на Македонија а згора на тоа е актуелен претседавач со ЕУ. Истото важи и за Словенија и Унгарија. Не така одамна, Димитров побрза да и се извини на Грција затоа што замислете, министерката за труд и социјала Рашела Михрахи стоела пред табла „Република Македонија“, истакнуваат од здружението. Како што се зборуваше во владини кругови, токму Димитров и беше главен заговарач Мизрахи да биде тргната од Владата. Тоа и се случи па само неколку часа пред Собранието да се распушти, министерката беше Разрешена. Се чини дека двојните стандарди на власта станаа секојдневие, без разлика дали се работи за премиер, шеф на дипломатија или пак обичен „филмаџија“, додаваат од таму.

Хрватска ќе бара извинување од Македонија поради непримерните изјави на директорот на Агенцијата за филм Горјан Тозија

Дарко Андоновски — Tue, 02 Jun 2020 17:29:37 +0000

Здружението на бранители на доброволци во Загреб од Вуковар му испрати отворено писмо до премиерот Андреј Пленковиќ, во кое бараат од него да реагира на објавата на директорот на Агенцијата за филм Горјан Тозија, во која зборуваше за честитката „ЗДД“, објавува хрватскиот портал „Отворено“. Нивното писмо го пренесуваме во целост: „Здружението на доброволци на Загреб, бранители на Вуковар, брои доброволци од Загреб, кои на почетокот на српско-црногорската и ЈНА агресијата врз Хрватска, лесно ја бранеа својата татковина, знаејќи дека не се брани на прагот, но потоа во Вуковар. Затоа, за нас е незамисливо тоа што нашата Хрватска татковина постојано се напаѓа од високо рангиран македонски државен службеник, т.е директорот на Агенцијата за филм. Со поздравата „За дома подготвена“ ја одбранивме и одбранивме Хрватска да биде успешна и горда земја на горди луѓе. Тој поздрав е вграден во темелите на оваа држава што ја водите. Затоа нема да премолчиме кога оние што се на позиција и чија должност е да ја бранат честа и угледот на Хрватска не го сторат тоа. Кога станавте шеф на хрватската Влада, требаше да положите заклетва: „Се колнам дека ќе ја извршам должноста член на Владата совесно и чесно, ќе го почитувам Уставот, законите и правниот поредок и ќе се залагам за целиот напредок на Република Хрватска“. Закон за Владата на Република Хрватска. Согласно член 110 од хрватскиот Устав, ние бараме да ја исполниш својата уставна обврска како Премиер на Хрватска и да реагираш и да го заштитиш угледот и честа на Република Хрватска од несовесните напади на Тозија. Ваша обврска е да побарате од македонската влада да коментира дали тие ја поддржуваат позицијата на нивниот службеник во кој тој јавно ја напаѓа Хрватска како фашистичка земја и хрватската влада како криминалци. За Горјан Тозија, ова не е прв напад врз Хрватска во кој тој се осмели да ја нарече земја што се бореше против српскиот фашизам со фашистички маки и крвта на своите воини фашистички, и светиот поздрав под кој се брани да се клевети. Во македонскиот печат имало безброј публикации за овој скандал. Зошто има тишина во Хрватска? Премиере, немате право да молчите! Бараме во согласност со хрватскиот Устав и позитивните закони на Република Хрватска, итно да реагирате на македонската влада и ставот на нивниот висок државен службеник и да ја заштитите честа и угледот на нашата татковина Хрватска “, се вели во писмото потпишано од Зорица Грегуриќ, претседател на Загребските волонтери на бранителите на Вуковар.

Од ВМРО-ДПМНЕ со обвинување кон Горјан Тозија

Ристе Здравков — Wed, 27 May 2020 18:10:09 +0000

СРАМЕН МОЛК ОД ВЛАСТА- ДАЛИ СТАВОТ НА ГОРЈАН ТОЗИЈА ЗА ХРВАТСКА Е И ВЛАДИНА ПОРАКА ИСПРАТЕНА И СО ПОШТЕНСКАТА МАРКА? Директор на Агенцијата за филм, Горјан Тозија со своите непримерни изјави, предизвикува дипломатски скандал и спор од невидени размери со Република Хрватска. Имено, Тозија, именуван владин државен функционер, ја нарекува Хрватска "Усташка држава", а на владеачката хрватска партија ХДЗ и го наметнува епитетот "фашистичка". Од него е побарано извинување, но Тозија ја превртува и спинува тезата и споменува имиња и филмски продуценти кои воопшто немаат допирна точка со сериозниот скандал! Досега со ставовите на овој владин функционер не се огради никој од државниот врв на Македонија со што се поставува прашањето дали изјавите на Тозија се идентични со ставот и на нашата власт? Уште повеќе што неодамна Македонска пошта пушти серија поштенски марки со карта на „голема Хрватска“ , односно карта на Независна држава Хрватска, марионетскиот усташки хрватски режим за време на Втора светска војна. И тоа токму на денот 9 Мај, Денот на Европа и Денот на победата над фашизмот. Сето ова наведува не само на несмасност во работењето на власта туку и доведува до сомнеж- какви пораки испраќа оваа власт на надвор имајќи ги предвид прво нивниот молк кон директните соседи, кон кои се поставува поданички и го брише историското минато, а потоа наметнува проблематизација кон традиционалните пријатели на Македонија со кои таа нема отворени прашања? Фејсбук статус на комисијата за култура на ВМРО-ДПМНЕ

Јаковљевиќ: Горјан Тозија ме измами, ми продаде стан кој не е негов (ВИДЕО)

Дарко Андоновски — Tue, 29 May 2018 12:22:10 +0000

Директорот на македонската агенција за филм Горјан Тозија, два пати продал ист стан во Загреб. Тозија во деведесетите години, додека работел како продуцент во филмската куќа Јадран филм, својот стан во Загреб, на улица „Зеленграј” број 67, еднаш го продал на семејство од Македонија, а потоа повторно го продал на свој пријател од Хрватска, Милан Јаковљевиќ, за наводно да излезе од коцкарски долгови. Истражувачката емисија „Блиц”, ексклузиво направи интервју со оштетениот Милан Јаковљевиќ. Горјан Тозија го продал станот на Милан во 1993 година, а една година претходно истиот стан го продал на семејството Лабош. -Кога ми го продаде станот, јас во тој момент немав информации дека пред мене, го продал станот и на други луѓе. Станот е два пати продаден и јас кога доаѓав овде, соседите пријавија во полиција, дека јас всушност сум провалил во станот. А јас бев сопственик, го имав договорот и имав платено данок. Тогаш започнавме судски процес, вели Јаковљевиќ во „Блиц”. Тозија одлучил да го измами својот пријател, бидејќи влегол во финансиски проблеми и криза. Јаковљевиќ го купил станот за да му помогне, но не ни помислувал дека станува збор за измама. -Кога го прашав него како можеше да ме измамиш, кога сме пријатели, тој ми одговори дека само ти ми веруваше, другите не ми веруваа, затоа те измамив, вели Јаковљевиќ во „Блиц”.

ЛИДЕР: Горјан Тозија направил ФИКОМ шема во Загреб?! Ист стан го продал на две семејства

Дарко Андоновски — Fri, 25 May 2018 17:16:36 +0000

Директорот на македонската агенција за филм, Горјан Тозија, ист стан во Загреб, го продал на две семејства. – покажува видеото, кое истражувачи од Хрватска го пратија до Лидер. На видеото, со документи и податоци е објаснето, како сегашниот директор на агенцијата за филм, ја спровел шемата која наликува на онаа која компанијата ФИКОМ, ја направи во Македонија.

„Уценувачот Тозија и група новинари лажат“: Ревизијата потврдува наменско трошење на средствата за серијата „Македонија“

Ивана Ефремовски — Fri, 29 Dec 2017 16:08:40 +0000

Јадран филм во врска со пријавата од Управата за финансиска полиција во соопштение до јавноста наведува дека Агенцијата за филм на Управата за финансиска полиција дала погрешни и лажни податоци. - Агенцијата не го пресметала вкупниот износ за продукцијата на серијата туку износот од 80 отсто од средствата намален за средствата кои се одземени од сметката на Јадран филм врз основа на незаконита одлука на в.д. директорот, па истата вака фалширани податоци ги дала на Финансиската полиција па со проста математика пресметала дека тоа е 65 отсто од средствата потрошени надвор од Македонија, што е сосема погрешна манипулација од страна на Агенцијата спротивно на Ревизискиот извештај и се оваа злоупотреба на факти се гледа на прв поглед, се наведува во соопштението. Оттаму додаваат дека ревизијата потврдува наменско трошење и оти за секој денар постои договор и не постои ниту еден единствен начин на ненаменско трошење на средствата. - Службената ревизија јасно го потврдува дека сите средства се трошени наменски и се потрошени за продукција на серијата. Со измами се служи само и единствено Горјан Тозија, наведуваат во соопштението. Појаснуваат дека презентирање потполно лажни бројки поврзани со трошок на средства за снимање во странство – согласно договорот и законот – дозволено е да се потрошат 35 отсто од средствата во странство и тоа во потполност е испочитувано што, како што стои во соопштението, го потврдува и ревизорскиот извештај. Според нив се работи за намерен фалсификат, а не за заблуда или незнаење. - Кампањата спроведена од страна на уценувачот Горјан Тозија во соработка со група новинари со лажни тези и обид за притисок врз официјалните тела на РМ ги преминува сите граници гледано во светски рамки и резултира со подигање на кривична пријава од страна на Управата за финансиска полиција, наведуваат од Јадран филм. Јадран Филм, како што се посочува, на 25.09.2017 година понуди двојна финансиска гаранција за секој потрошен денар за серијата (лични средства на сопственикот на Јадран филм и средства на компанијата), која ја достави до Агенцијата за филм со што оваа пријава станува беспредметна и груба игра на Горјан Тозија која служи само да ја замајува јавноста и да се обиде да го скрие својот рекетарски однос кон Јадран филм. Од Јадран филм наведуваат дека освен до сега видените делови од серијата, јасната вистина дека ја работат ТВ серијата Македонија можат да ја потврдат стотици соработници на неа.