горно лисиче – Kurir.mk

Зона на смирен сообраќај и нови инфраструктурни проекти во Горно Лисиче

Ивана Ефремовски — Wed, 17 May 2023 12:11:27 +0000

На барање на граѓаните од Горно Лисиче, Општина Аеродром започна активности со кои трајно се решава едно важно сообраќајно прашање, а со кое пред се ја подигнуваме безбедноста во сообраќајот на граѓаните во овој дел од општината. Пред основното училиште „Гоце Делчев“ од денеска активно се работи на поставување хоризонтална и вертикална сообраќајна сигнализација, легнати полицајци, а се воспоставува и т.н. зона на мирен сообраќај каде брзината на движење се ограничува на 30 км/час. Дополнително, околу училиштето се поставува и заштитна ограда со што дополнително се решава проблемот за безбедноста на дечињата. -Подигнување на безбедноста во сообраќајот, значи и грижа за дечињата и придонес за побезбедна и посигурна општина, а инвестициите во сообраќајни и инфраструктурни решенија се одговор на сериозни локални предизвици со кои подолг временски период се соочуваат жителите на Аеродром, велат од општината.

Тешка сообраќајна несреќа во Горно Лисиче, повредени повеќе лица

Тале Кристо — Sat, 01 Apr 2023 10:05:00 +0000

На 31.03.2023 околу 06.55 часот на крстосница од ул.„Горно Лисиче“ и ул.„Лисец“ во населба Горно Лисиче, скопско, се случила сообраќајна несреќа помеѓу патничко возило „форд“, управувано од А.К.(24) од Скопје и патничко возило „фиат“, управувано од С.К.(33) од Скопје, двете со скопски регистарски ознаки. Во несреќата возачот А.К. се здобил со тешки телесни повреди, а возачот С.К. и неговите сопатнички М.К.(31) и две малолетни женски лица, сите од Скопје, се здобиле со телесни повреди, констатирани во Комплекс клиники „Мајка Тереза“. Увид извршила екипа од СВР Скопје.

Арсовска: Инвестираме во реконструкција на водоводната мрежа за поквалитетно водоснабдување во Горно Лисиче

Магдалена Андонова — Thu, 25 Aug 2022 11:52:40 +0000

Градоначалничката на Град Скопје, Данела Арсовска заедно со градоначалникот на општина Аеродром, Тимчо Муцунски и директорот на ЈП Водовод и канализација, Златко Перински, денеска извршија увид на почеток на градежните активности за реконструкција на водоводната мрежа на улицата Ѓорѓи Капчев во населеното место Горно Лисиче во општина Аеродром. Со реконструкцијата на оваа водоводна мрежа овозможуваме поквалитетно водоснабдување за жителите во Горно Лисиче. На овој потег изведуваме нова соодветна водоводна мрежа, по што ќе се напушти од употреба постоечката која е со незадоволителен профил. Вкупната заедничка инвестиција за реализација на овој проект во општина Аеродром изнесува над 9 милиони денари – истакна Арсовска. Водоводната мрежа на дел од улицата Ѓорѓи Капчев 1 и нејзините 4 крака се реконструира во вкупна должина од околу 580 метри, со што ќе се овозможи реконструкција на приклучувањето на објектите на таа нова мрежа. Реконструираната водоводна мрежа ќе се поврзе на веќе постоечката водоводна мрежа со профил Ф-150мм на улицата Ѓорѓи Капчев - истакна Перински. - Општина Аеродром заедно со Јавното претпријатие на Град Скопје, Водовод и канализација како заеднички инвеститори започнуваат со реализација на овој проект со цел подобро водоснабдување за жителите од населбата Горно Лисиче. Општина Аеродром го слуша гласот на граѓаните и ги подобрува услугите со инвестиции во инфраструктура – изјави Муцунски.

Муцунски: Нова водоводна мрежа во Горно Лисиче

Тале Кристо — Thu, 25 Aug 2022 10:38:39 +0000

Со инвестиција од над 9 милиони денари на Општина Аеродром и ЈП „Водовод и канализација“, стотици жители од населбата Горно Лисиче конечно добиваат приклучување на градската водоводна мрежа, објави на социјалната мрежа на Фејсбук градоначалникот на општина Аеродром Тимчо Муцунски. Заедно со градоначалничката на Град Скопје, Данела Арсовска, директорот на ЈП „Водовод и канализација“ Златко Перински и претседателот на Советот на Општина Аеродром, Дејан Митески утрово ја посетивме оваа локација и остваривме средби со локалните жители. Станува збор за проект чија цел е поставување на водоводна мрежа од околу 580 метри, а со истиот ќе се обезбеди поквалитетно водоснабдување за жителите од овој дел на Општина Аеродром. Во рамките на овој проект предвидено е да се реконструира водоводната мрежа на улиците Ѓорѓи Капчев и околните краци кои до сега не беа опфатени со овој вид мрежа (ул. Лисец, ул. Ѓорѓи Капчев 1 со краци, ул. Ѓорѓи Капчев 16, 16-а и 22, како и дел од ул. Божин Николов, ул. Тодор Чангов 52 и Ѓорѓи Капчев 35). Секој дел од Општина Аеродром е еднакво важен и ќе продолжиме со инвестициите согласно потребите на граѓаните. Продолжуваме да работиме посветено на создавање на модерна општина!, пишува Муцунски во својата објава.

Муцунски: Горно Лисиче ќе биде населба во Аеродром на која сите ќе се гордееме

Тале Кристо — Thu, 30 Sep 2021 18:01:50 +0000

Кандидатот за градоначалник на Општина Аеродром, Тимчо Муцунски денеска беше на средба со граѓаните на Горно Лисиче. На средбата Тимчо Муцунски ја промовираше својата програма и беше зборувано за реалните проблеми на Лисичани, кои со години не се решаваат. -Како градоначалник на Општина Аеродром, се обврзувам дека ќе ги решам проблемите на сите вас во Горно Лисиче. Во нашата програма, предвидовме проекти и решенија кои што се клучни за вас овде. Ќе поставиме осветлување на патот од Горно Лисиче до Долно Лисиче, ќе ги до доизградиме и асфалтираме улиците онаму каде што е потребно, ќе го решиме просторот за депонирање на кабаст отпад. Маркова река ќе биде вистинско место за уживање. Ќе има кеј, стази за велосипеди и трим патека, и ќе го прошириме мостот накај Долно Лисиче. Гордоста на Горно Лисиче, Илинденскиот марш ќе биде под покровителство на општината. Ветуваме и ве уверуваме дека ќе изградиме ново детско и кошаркарско игралиште во близина на фудбалското, а ќе изградиме и административно деловен објект – задруга. Она што е многу важно за Лисичани, е дека ќе изработиме ДУП за Горно Лисиче, изјави Тимчо Муцунски. Тимчо Муцунски во својата програма вети дека Аеродром ќе биде општина со 0 корупција и 0 дополнителен трошок за семејствата за градинка и основно училиште, како и дека Аеродром ќе има нови 100.000 м2 зеленило. Како главен приорите ќе биде и загадувањето, и најави решение со дивите депонии во првите месеци по стапување на функција.

СООБРАЌАЈКА ВО ЛИСИЧЕ: Амбулантно возило учесник во несреќата, ова се првичните детали (ФОТО)

Магдалена Андонова — Sat, 21 Aug 2021 11:53:44 +0000

Попладнево во скопската населба Горно Лисиче се случила сообраќајна несреќа во која учествувало амбулантно возило на Никоб и автомобил марка „Пунто“. Според неофицијални информации на нашиот репортер, возачот на автомобилот марка „Пунто“ била млада девојка која се здобила со повреди и била пренесена во болница со амбулантно возило. Наскоро подетални информации.

Протест против сообраќајното лудило и дивеење во сообраќајот во Горно Лисиче

Ивана Ефремовски — Fri, 14 Aug 2020 11:36:22 +0000

Протест против сообраќајното лудило и дивеење во сообраќајот во Горно Лисиче најавија граѓаните од овој дел на Скопје.

-Протестираме за брзото возење по улиците како и движењето на тешките товарни возила кое го става во опасност живот на граѓаните, а посебно на децата, велат тие.

Протестот ќе трае од 16:00 до 18:00.

Детали погледнете ТУКА

Дел од Општина Аеродром денеска без вода

Магдалена Андонова — Fri, 17 Jul 2020 08:40:18 +0000

Без вода денеска од 10 часот ќе останат дел од корисниците лоцирани на улицата „Горно Лисиче“ во Општина Аеродром. Како што соопшти ЈП „Водовод и канализација“ – Скопје, прекинот е поради изведување водоводен приклучок на улицата „Горно Лисиче“ 190 и дефект во шахта на улицата „Горно Лисиче“ без број ( Кен Панел). Водоснабдувањето ќе биде прекинато од 10:00 часот до завршување со активностите. (МИА)

Мицкоски во Горно Лисиче: ВМРО-ДПМНЕ има план, работи на програма која ќе биде најдобрата и најпрецизно подготвена досега

Ивана Ефремовски — Tue, 27 Mar 2018 18:37:13 +0000

Лидерот на ВМРО-ДПМНЕ, Христијан Мицкоски денес беше во посета на Горно Лисиче каде оствари средба со граѓаните. -Сите до еден ја споделуваат истата грижа и мака, велат државата оди во ќорсокак, а беспарицата станува секојдневие. Имаме само еден процент на реализација на капиталните инвестиции во првиот месец годинава и државни депозити помали за 214 милиони евра во текот на нивниот мандат, напиша тој на својот Фејсбук профил. Мицкоски потенцира дека ова значи дека Владата се задолжува, троши, а не креира вредност, не создава развој на економијата. -Ништо не се работи, а подобриот живот не е приоритет за Владата, додека нивната криминогеност доаѓа на преден план секој ден. Најавуваат реконструкција, небаре овие кој што до сега беа завршија некаква работа, од лошо полошо. Алтернативата е оваа Влада да си замине, ВМРО-ДПМНЕ има план, работи на програма која ќе биде најдобрата и најпрецизно подготвена програма досега, со конкретни и квалитетни решенија за реалниот човек. Македонија има надеж, Македонија заслужува подобро, порача лидерот на ВМРО-ДПМНЕ.