горно нерези – Kurir.mk

Апсење во скопско Нерези- еве на што „паднаа“ двајца скопјани среде бел ден

Дарко Андоновски — Sun, 05 Jan 2020 09:50:58 +0000

На 04.01.2020 во 15.40 часот, полициски службеници од СВР Скопје во Горно Нерези, ги лишиле од слобода С.И.(29) и А.А.(27), двајцата од Скопје, затоа што при извршен преглед кај нив била пронајдена марихуана. По документирање на случајот, против нив ќе биде поднесен соодветен поднесок, информираат од МВР.

Ешерихија коли во Горно Нерези: Забрана за пиење на водата од јавните чешми

Предраг Кукиќ — Fri, 26 Jul 2019 14:07:08 +0000

Забрането е пиење на водата од јавната чешма во џамијата Горно Нерези, како и од јавната чешма до џамијата Горно Нерези, откако инспекцијата изврши надзор на водата за пиење, соопшти Општина Карпош. По извршениот инспекциски надзор од страна на Државниот инспектор за храна од Подрачната единица Скопје на Агенцијата за храна и ветеринарство, утврдено е дека водата не е безбедна за пиење, односно не одговара на Правилникот за барања за безбедност и квалитет на водата за пиење, поради присуство на бактеријата Escherichia coli и зголемен број колиформни бактерии. – Како мерка на претпазливост, апелираме до сите граѓани да ја почитуваат оваа одлука, со цел да го заштитат своето здравје. Локалната самоуправа веќе го известува локалното население за оваа одлука, а непосредно до чешмите ќе се постави и натпис „Водата не е за пиење“ – велат од Општината. Општината доби и задолжение да врши редовна дезинфекција на водата за пиење и да спроведе мерки за санација и обезбедување на безбедна вода за пиење.

Рано утринава избувна пожар во скопско Горно Нерези

Предраг Кукиќ — Sun, 16 Dec 2018 08:45:56 +0000

Рано утринава избувна пожар во викендичка во село Горно Нерези. Како што стои во билтенот на МВР, утрнава околу 02,0 часот во село Горно Нерези, скопско избувнал пожар во викенд куќата на Д.И.(69). Повредени лица нема. Пожарот е изгаснат од страна на Противпожарна екипа. Увид ќе се врши во текот на денешниот ден.

Се уредува зеленилото на патот кон Горно Нерези

Дарко Андоновски — Thu, 12 Apr 2018 13:27:11 +0000

Екипи на ЈП „Паркови и зеленило“ - Скопје деновиве го уредуваат зеленилото на патот кон село Горно Нерези до Етно Комплексот „Македонско село“ на падините на парк-шумата Водно. - Вегетацијата во овој период е под постојан раст, особено во вонградската средина каде е доста распространета, и треба редовно одржување. Така, покрај самата сообраќајна лента со соодветна механизација – косилици, се врши кастрење на гранки од дрвја, кроење на грмушки и косење на трева, се наведува во соопштението од ЈП „Паркови и зеленило“ - Скопје. Од ЈП информираат дека се исчистени и диви депонии, како дел од тековните активности за одржување на зеленилото. ЈП „Паркови и зеленило“ - Скопје апелира до граѓаните да внимаваат каде го складираат отпадот и совесно и одговорно се однесуваат кон природата и зеленилото. Посочуваат дека ова се дел од активности за одржување на вонградското зеленилото и дека изминатиов период екипите работеа во С.Р.Ц „Сарај“ и делови од локалитетот Кањон „Матка“.