Господ постои – Kurir.mk

Нова награда за „Господ постои, името ѝ е Петрунија“

Ивона Петрова — Thu, 12 Sep 2019 07:28:47 +0000

Теона Стругар-Митевска доби награда за режија за филмот „Господ постои, името ѝ е Петрунија“ на штотуку завршениот филмски фестивал (Fünf Seen Film Festival) во Минхен. Како што соопшти продукцијата „Сестри и брат Митевски“, филмот беше во конкуренција со уште десет филма од централна Европа, а одлуката едногласно ја донело жири составено од филмски професионалци, филмски новинари, публика и институции. Наградата е парична и во износ од 5.000 евра и ја доделува локалната самоуправа. Продукцијата информира дека дистрибуцијата на „Петрунија“ во Германија ќе почне во ноември

„Господ постои, името и е Петрунија“ победник на Филмскиот фестивал во Херцег Нови

Ивона Петрова — Thu, 08 Aug 2019 08:33:59 +0000

Филмот „Господ постои, името и е Петрунија“ на режисерката Теона Стругар Митервска ја доби главната наградата „Златна мимоза“ за најдобар филм на штотуку завршениот Филмски фестивал во црногорскиот град Херцег Нови, соопшти денеска продукцијата „Сестри и брат Митевски“. Оваа десетта награда во низа за овој филм ја додели петочлено жири во состав Дуња Клеменц, продуцент од Словенија, Винко Брешан, режисер од Хрватска, нашиот актер Никола Ристановски, Јелена Мишељиќ, продуцент од Црна Гора и српскиот режисер Никола Ључа. Во образложението на наградата жирито оценува дека „Господ постои, името и е Петрунија“ претставува „политичко провокативната модерна бајка, која одекнува, боли и засмејува“. Продукцијата „Сестри и брат Митевски“ информира дека во текот на месец август филмот ќе биде прикажан на седум фестивали ширум светот, меѓу кои и Филмскиот фестивал во Мелбурн, Меѓународниот филмски фестивал „Исток и Запад“ во Русија, на отворањето на Фестивалот „Меѓународен женски филм“ во Сеул, на Сараевскиот филмски фестивал, како и на Венецијанскиот филмски фестивал, каде ќе биде емитуван како еден од трите кандидати за престижната награда на Европскиот парламент, „Лукс“.

„Господ постои, името ѝ е Петрунија“ премиерно во „Милениум“

Ивана Ефремовски — Fri, 15 Mar 2019 07:18:12 +0000

Градското кино „Милениум“ вечер ќе биде домаќин на македонската премиера на филмот на Теона Стругар Митевска „Господ постои, името ѝ е Петрунија“ кој беше единствен наш претставник во официјалната конкуренција на Берлинскиот филмски фестивал. На премиерата во „Милениум“, режисерката Стругар Митевска ќе има и свое обраќање пред скопската публика. Филмот доби две престижни награди на Ecumenical Award и Guild Film Prize. Првата награда, Ecumenical Award се доделува за да се оддаде почит кон оние уметнички дела што сведочат за моќта на филмот во откривањето на мистериозните длабочини на човекот. Guild Film Prize, пак, ја доделуваат членови на жири комисија кои се дел од Асоцијацијата на германската уметничка кинематографија AG Kino – Gilde e.V, а воедно се и менаџери на арт-кина. Одличен одзив од публиката и критиката на годинашното Берлинале имаше и главната актерка Зорица Нушева. Во „Господ постои, името ѝ е Петрунија“ се појавуваат и Стефан Вујисиќ, Петар Мирчевски, Симеон Мони Дамевски,… Билетите за македонската премиера чинат 150 денари.