гостивар-кичево – Kurir.mk

Уште една трагедија ја стресе Македонија: Младо момче загина во тешка сообраќајна несреќа на магистралниот пат во Кичево

Магдалена Андонова — Sun, 03 Jul 2022 11:21:29 +0000

На 03.07.2022 во 01:30 часот во Плициската станица Кичево било пријавено дека на магистралниот пат Гостивар-Кичево, патничко возило „бмв“ со скопски регистарски ознаки, управуван од А.Д.(23) од кичевското село Горно Строгомиште, излетало од патот. Возачот и сопатникот Л.Р.(24) од Кичево биле пренесени во Општата болница во Кичево, а потоа во приватна болница во Скопје, каде на здобиените повреди подлегнал сопатникот Л.Р., а возачот бил задржан на лекување со тешки телесни повреди. Врз телото на починатиот ќе биде извршена обдукција. На местото на несреќата увид извршиле јавен обвинител и полициски екипи.

Забрана за камиони на патот Гостивар-Кичево преку Стража

Магдалена Андонова — Tue, 01 Mar 2022 19:26:46 +0000

Воведена е забрана за сообраќај на тешки товарни возила на патниот правец Гостивар-Кичево преку планинскот превој Стража, поради врнежи од снег, соопшти вечерва Автомотосојузот на Македонија. Забраната е воведена во 19.40 часот. (МИА)

Изгубил контрола врз возилото и излетал од патот, повредени неколку лица

Тале Кристо — Sun, 02 Jan 2022 11:14:44 +0000

На 01.01.2022 во 21.10 часот на магистралниот пат А2 Гостивар – Кичево, патничко возило „ауди“, со гостиварски регистарски ознаки, управувано од Б.Д.(27) од Гостивар излетало надвор од коловозот. Во несреќата со тешки телесни повреди се здобил сопатникот М.Б.(25), а со телесни повреди се здобиле сопатничките А.Ј. и Ј.Ј., констатирани во Ургентен центар Гостивар. Увид извршила екипа од полициска станица Гостивар.

Загина пешак на магистралата Гостивар-Кичево

Магдалена Андонова — Sun, 06 Dec 2020 13:31:30 +0000

Според информациите на СВР Тетово, околу 11:30 часот во близина на одделението за патен сообраќај на ОВР Гостивар, камион-миксер удрил во пешак. Од повредите здобиени по ударот на самото место починал А. М. (31) од Долна Бањица Гостиварско. За време на увидот што го вршеше екипа на ОВР Гостивар, сообраќајот на магистралата од патарина до здуњска раскрсница се одвиваше со регулирање. По увидот треба да станат појасни причините за несреќата и пешакот се нашол на коловозот.

Маж и дете тешко повредени во сообраќајка на патот Гостивар-Кичево

Ивона Петрова — Fri, 27 Dec 2019 09:38:03 +0000

Две лица, од кои едно малолетно, се повредени во сообраќајна несреќа која вчера попладне се случила на магистралниот пат Гостивар-Кичево, во близина на с.Ново Село. Од МВР информираат дека во несреќата учествувале „Фолксваген поло“, со тетовски регистарски ознаки, управувано од Ф.Д.(55) од с.Доброште и „Фолксваген пасат“, со струшки регистарски ознаки, управувано од В.Ж.(23) од с.Велешта. -Во незгодата Ф.Д. и малолетен сопатник од истото возило се здобиле со тешки телесни повреди, по што биле пренесени во Медицинскиот центар Гостивар за укажување на лекарска помош, информираат од полицијата. Извршен бил увид на местото на настанот од увидна екипа од Полициската станица Гостивар.

Четворица повредени во сообраќајка на патот Гостивар- Кичево

Дарко Андоновски — Fri, 06 Sep 2019 12:31:49 +0000

Четири лица се згрижени во гостиварската болница со повреди што ги задибиле во сообраќајна несреќа во која се судриле два автомобили на магистралниот пат Гостивар-Кичево. Според СВР Тетово, денеска околу 12 часот и 30 минути, е пријавена сообраќајна несреќа што се случила на магистралниот пат Гостивар-Кичево, во непосредна близина на отворените сепарации. Во несреќата учествувале две патнички возила „фиат браво“ со скопски и „ шевролет спарк“ со охридски регистарски ознаки. Повредени се четири лица, три од „шевролетот“ и едно од „спаркот“, кои веднаш се пренесени во гостиварската Општа болница „Ферид Мурад“ за укажување лекарска помош. Во тек е увид што го врши екипа од Полициската станица Гостивар.

Забрана за камиони на патниот правец Гостивар-Кичево

Дарко Андоновски — Wed, 09 Jan 2019 08:48:01 +0000

Од 08:55 се воведува забрана за движење на тешки товарни возила на патниот правец Гостивар-Кичево преку планинскиот премин Стража, во двата правци, соопштија АМСМ и ЈП Македонија пат. Од 08:45 часот, е воведена и забрана за движење на тешки товарни возила и автобуси, а за останатите возила задолжително употреба на зимска опрема (синџири) на патниот правец Тетово-Попова Шапка. Поради снег на коловозот, на патниот правец Струга – граничен премин Ќафасан од 07:15 часот е воведена забрана за движење на тешки товарни возила. Од 04:10 часот, забрана за сообраќај на камиони има и на патниот правец крак Маврово – Дебар. Сообраќајот на државните патишта изутринава се одвива по наместа влажни коловози, со остатоци од кашест снег на коловозот. Снег врне на Попова Шапка, во Маврово, Дебар, Охрид, Струга, Кичево и на планинските премини Стража, Буково, Ѓавато, Плетвар, Пресека и Железнец. Поради ниските температури можна е појава на голомразица. Надлежните апелираат на внимателно возење и прилагодување на брзината кон условите на патот.

Познат идентитетот на загинатиот на патот Гостивар-Кичево, три лица тешко повредени

Ивона Петрова — Sun, 06 May 2018 19:21:24 +0000

Во тешка сообраќајна несреќа која се случила попладнево на магистралниот пат Гостивар-Кичево, едно лице го загубило животот, а три поминале со скршеници. Од повреди кои ги задоил во сударот, загинал гостиварецот Сенат П. (32) , а потешко се повредени М.М. (24) и дебарчаните Џ.А. (21) и П.Љ. (25) Според информациите на СВР Тетово, околу 17:30 часот во близина на еден од каменоломите на 4 километри од Гостивар дошло до судир на две патнички возила. Неофицијално, во сообраќајната несреќа учествувале „Опел астра“ со дебарски регистерски ознаки и „Рено меган“ со гостиварски регистерски ознаки што го управувал загинатиот Сенат П. Во реното покрај сопатничката М.М. било и три годишно дете, кое по прегледите во гостиварската болница било констатирано дека поминало без повреди. Во меѓувреме направен е увид од страна на јавен обвинител и екипа на полициската станица Гостивар, а телото на починатиот е предадено на обдукција. Изминатава недела на сообраќајниците низ полошкиот регион ова втора жртва. Претходно по повреди задобиени во сообраќајна несреќа во болница почина три годишно дете. МИА

Фотографии од страшната сообраќајка на патот Гостивар-Кичево

Ивона Петрова — Sun, 06 May 2018 18:01:39 +0000

Страшна сообраќајна несреќа попладнево се случила на патот Гостивар-Кичево, а во која според неофицијални информации едно лице го загубило животот. Од полицијата за Курир потврдуваат дека имаат пријава за сообраќајна несреќа помеѓу две возила „Рено Меган“ со гостиварски ознаки и „Опел Астра“ со дебарски таблички, случена околу 17:20 часот на овој патен правец, кај сепарациите. Детали од МВР не се откриваат, а полицијата повеќе информации ќе соопшти по завршување на увидот на местото на несреќата. Според неофицијалните информации до кои дојде Курир, во тешката сообраќајка животот го загубил возачот на Реното, а со повреди се здобиле жена и дете од истото возило. Две лица од Опелот, според неофицијални информации, исто така се повредени. Сите повредени лица биле пренесени во гостиварската болница на укажување лекарска помош, но до овој момент нема детали за нивната здравствена состојба. ФОТО: МИА

Вимателно возете: Свлечиште на патот Гостивар-Кичево кај Тајмиште

Ивона Петрова — Thu, 29 Mar 2018 06:07:41 +0000

На магистралниот пат Гостивар-Кичево по планинскиот премин Стража кај селото Тајмиште има свлечиште поради што сообраќајот се одвива наизменично по една сообраќајна лента само за лесни возила. Екипи на Македонија пат работат на побрзо отстранување на слвечиштето и нормализирање на сообраќајот. На останатите патишта низ државата утринава сообраќајот се одвива непречено по претежно суви коловози.