гостивар – Kurir.mk

Приведен крадец во Гостивар

Ивана Ефремовски — Tue, 24 Oct 2023 10:25:14 +0000

Ноќеска (24 октомври) на полноќ, полициски службеници од СВР Тетово-Одделение за внатрешни работи Гостивар го лишиле од слобода 38-годишниот Р.К. од Скопје, кој непосредно пред тоа извршил тешка кражба во угостителски објект во Гостивар, но и поради сомнение дека претходно противправно одзел моторно возило на улица „Живко Брајковски“ во Гостивар. Тој е задржан во Полициската станица Гостивар и по документирање на случајот ќе биде изготвен соодветен поднесок.

Уапсен крадец од Гостивар, украденото вратено на сопственикот

Тале Кристо — Fri, 20 Oct 2023 20:35:02 +0000

На 19.10.2023 во 15.30 часот во Гостивар, полициски службеници на СВР Тетово-Одделение за внатрешни работи Гостивар го лишиле од слобода 33-годишниот гостиварец С.А., кој претходно бил пријавен од 42-годишниот гостиварец Х.А. дека го измамил и му одзел личен предмет. Одземениот предмет бил пронајден и вратен на сопственикот, а против С.А. ќе следува соодветен поднесок.

МАЈКА ОД ГОСТИВАР ЌЕ ЈА ДОБИЕ ЗАСЛУЖЕНАТА КАЗНА – вчера го оставила седум месечното бебе само и дехидрирано, еве што ја очекува!

Дарко Андоновски — Fri, 22 Sep 2023 12:05:36 +0000

Гостиварката која остави седумесечно бебе само и без грижа, ќе биде лишена од родителското право. Постапката е поведена во Меѓуопштинскиот центар за социјална работа Гостивар, каде од синоќа се работи на сместување на уште две деца од истото семејство. Случајот излезе во јавноста вчера попладне кога по пријава во полиција, тим од социјални работници дошол во куќа на улицата „Илинденска“ и затекнал седумесечно бебе во лоша здравствена состојба. - Детето било оставено само и дехидрирано по што е пренесено во гостиварската болница и оттаму испратено за Скопје. Мајката има уште две деца, едно на осум и другото на 1,5 годишна возраст. Со оглед дека станува збор за нефункционално семејство, за децата е поведена постапка и во најскоро време тие ќе бидат сместени во згрижувачко семејство, наведуваат од ЈУ Меѓуопштински центар за социјална работа. Од оваа институција најавуваат и постапка за одземање на родителското право на мајката врз трите деца, бидејќи таа е осудена и до правосилноста на пресудата се наоѓала во куќен притвор.

Возач од Гостивар прегазил тинејџер, па се забил во куќа

Тале Кристо — Mon, 11 Sep 2023 10:58:08 +0000

На 10.09.2023 во 18.10 часот во ОВР Гостивар било пријавено дека на ул.„ЈНА“ во Гостивар, патничко моторно возило „бмв“ со гостиварски регистарски ознаки управувано од Е.М.(22) од с.Балиндол-гостиварско, удрило во Х.Н.(18) од Гостивар, а потоа во ограда и куќа на истата улица. Во несреќата со тешки телесни повреди се здобиле пешакот и сопатникот од возилото В.Ќ.(28) од Гостивар, констатирани во Општата болница Гостивар. Извршен бил увид од увидна екипа од ОВР Гостивар.

Во Гостивар вечерва ќе се прска против комарци

Тале Кристо — Mon, 07 Aug 2023 16:18:51 +0000

Специјализирана фирма во вечерните часови ќе почне со прскање против комарци и други инсекти на повеќе локации низ општината. Од општина Гостивар упатуваат апел до одгледувачите на пчели навреме да ги заштитат пчелните семејства. - Дезинсекцијата ќе се изведува навечер после 22:00 часот до раните утрински часови. Активностите ќе бидат одложени во случај на неповолни временски услови, дожд или јак ветер за утре или некој нареден ден со поволни временски услови, наведуваат од општина Гостивар. За втората овогодишна дезинсекцијата ќе ce користи средството AKVA K-OTHRINE 2 KW 1 со концентрација пропишана од производителот. Во овој период пчеларите дека треба да преземат соодветни мерки за заштита на пчелите.

За промена на личните документи воведени две смени во Гостивар

Ивона Петрова — Thu, 03 Aug 2023 12:55:50 +0000

Секторот за внатрешни работи Тетово ги известува граѓаните од гостиварското подрачје дека поради потребата од замена на постојните лични документи (лични карти, возачки дозволи и патни исправи) со нови, согласно донесените уставни измени, за што рокот е 12.02.2024 година, а со цел да одговори на потребите на граѓаните, да се избегнат гужвите во организациските единици надлежни за граѓански работи и да се скрати времето на чекање, шалтерите кои работат на примање барања и издавање на готови лични документи во ОВР Гостивар, започнаа со работа во две работни смени. Граѓаните кои имаат потреба да ги завршат своите граѓански обврски поврзани со замена на личните документи, од сега ќе можат да ги реализираат овие активности секој работен ден до 19.30 часот. За потсетување, двосменското работење е веќе во функција и на шалтерите за граѓански работи и во СВР Тетово.

Тешко повредено момче од Гостивар, од работа пренесено во болница

Ивана Ефремовски — Sun, 09 Jul 2023 16:42:39 +0000

На 08.07.2023 околу 08:00 часот во Полициска станица Гостивар е пријавено дека во Медицински центар Гостивар е донесен со тешки телесни повреди А.Ш.(23) од Гостивар, кој со повредите се здобил додека извршувал работни задачи во продажен објект во Гостивар. Полициски службеници излегле на местото, а за настанот е известен јавен обвинител и трудов инспектор.

Општина Гостивар планира преку јавно-приватно партнерство да постави 11.300 фотоволтаици

Ивана Ефремовски — Thu, 06 Jul 2023 13:43:23 +0000

Советот на општина Гостивар донесе одлука со која ќе отпочне со постапка за поставување на фотоволтаици на имот кој е во нејзина сопственост. Локалната самоуправа на денешната седница на советот од советниците побара и доби поддршка за реализирање на проект со кој на имотот и покривите на 29 објекти, да се постават соларни панели за производство на електрична енергија. -Овој проект треба да се реализира по принцип на јавно-приватно партнерство, со што економскиот оператор ќе треба да инвестира и да ги користи минимум 15 до максимум 25 години. Општина Гостивар како партнер може да добие 5 или 10 отсто од добивката, кажа претставникот на општина Гостивар. Во дискусиите дел од советниците напоменаа дека времетраењето на концесијата треба да биде помала и да се однесува на рокови од 15 години и 10 години да се обезбеди повисок процент од профитот. Како важен услов беше напоменато, идните оператори да ги намируваат сметките за струја на објектите на кои ќе бидат поставени фотоволтаиците. Според физибилити студијата, со овој проект на објекти како градинки, спортски сали, училишни згради, општински претпријатија и во дворовите треба да се постават околу 11.300 панели кои би произведувале околу 7.500 мегават часови електрична енергија. (МИА)

Издаден е првиот туристички водич за Гостивар и околината

Ивана Ефремовски — Wed, 05 Jul 2023 13:53:57 +0000

Брошурата „Град кој секогаш има гости“ со информации на четири јазици за обележјата, културното наследство, храната и манифестации е првиот туристички водич за Гостивар. Според авторот Даниел Ѓорѓевски, од ова издание, туристите и посетителите ќе откријат повеќе за градот и околината. На промоцијата која се одржа во младинскиот центар YCC беше кажано дека станува збор за проект поддржан од УНДП. - Туристичкиот водич е резултат на мојата работа како археолог во делот на културното наследство. Освен што има податоци за културно-историски знаменитости кои датираат од подалечното, но и поблиското минато во водичот се наведени и модерни карактристи на градот, како фестивали и културно-уметнички друштва, рече авторот Ѓорѓевски. Претседателот на Советот на општината, Ваљбон Лимани напомена дека ова издание ќе помогне, Гостивар да стане дестинација на туристичките тури во земјава и дека е добар почеток на иницијативата за промоција на градот. Туристичкиот водич „Град кој секогаш има гости“ е дел од проектот „Платформа за културни односи: Културата и традициите во Гостивар“ што го спроведе на здружението Полог-Гостивар. Овој проект е во рамки на Регионалната програма за локална демократија на Западен Балкан 2, ReLOaD 2 што го финасира Европската унија и се спроведе во соработка со гостиварската општина. (МИА)

Поради марихуана фатени 4 лица – еден ја набавил, втор ја купил, други лица ја користеле

Ивана Ефремовски — Mon, 12 Jun 2023 14:51:55 +0000

СВР Тетово поднесе кривична пријава против Д.С.(23) од Тетово поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурсори’’ и против М.В.(25) од Гостивар поради постоење основи на сомнение за сторени кривични дела „неовластено производство и пуштање во промет на наркотични дроги, психотропни супстанци и прекурсори’’ и „овозможување на употреба наркотични дроги“. На 16.02.2023 на локалниот пат од село Пирок кон автопатот, полициски службеници извршиле преглед на возило, во кое се превезувал пријавениот М.В., при што кај него била пронајдена марихуана, која ја набавил од првопријавениот Д.С., а им овозможил да ја користат другите две лица кои биле со него во возилото.