гостиварка – Kurir.mk

Приведена гостиварка поради кражба, одземените предмети вратени на сопственикот

Тале Кристо — Tue, 23 May 2023 09:42:35 +0000

На 22.05.2023 околу 20.30 часот на улица „Железничка“ во Гостивар, полициски службеници на СВР Тетово-Одделение за внатрешни работи Гостивар ја лишиле од слобода 46-годишната С.Ѓ. од Гостивар. Таа се сомничи дека извршила кражба во трговски објект во Гостивар, при што одзела повеќе предмети. Одземените предмети биле пронајдени и вратени на сопственикот. По целосно документирање на случајот, против С.Ѓ. ќе следува соодветен поднесок.

73-годишна гостиварка нападната од својот сосед

Тале Кристо — Wed, 23 Feb 2022 14:10:46 +0000

СВР Тетово информира дека вчера (22 февруари) во 11 часот и 40 минути, 73-годишна гостиварка пријавила дека околу 9 часот во зградата во која живее на улица „Беличица“ во Гостивар физички била нападната од нејзиниот 57 годишен сосед, исто така, од Гостивар. Случајот целосно е расчистен и на пријавениот изготвен му е соодветен поднесок, извести полицијата.

Докторка од Гостивар по примање на вакцината: Очекувам вакцинацијата да биде светлина на крајот од тунелот

Дарко Андоновски — Fri, 15 Jan 2021 15:15:19 +0000

Доктор Хатије Исмаили која потекнува од Гостивар, а живее и работи како гинеколог во Словенија, се вакцинираше против ковид 19. Споделувајќи го своето искуство и ставови, таа вели дека не и‘ се појавиле никакви несакани последици и сомнеж дали треба да се вакцинира, за да се заштити себе си и своите пациенти, објавува ГостиварПрес. „Среќна сум што ја примив првата доза вакцина, не се сомневам во ништо и немам никакви несакани ефекти. Секојдневно сум но контакт со пациенти, меѓу нив има и позитивни и на овој начин се заштитувам себе, моите блиски и моите пациенти и колеги. Прочитавме многу за развивањето на вакцината, создадена од научници и имаме целосна доверба во науката. Очекувам вакцинацијата да биде светлина на крајот од тунелот за да ја контролираме и ограничиме на оваа пандемија, и да бидеме благодарни за вакцината“, вели гинекологот. Вакцинацијата против ковид во Словенија започна кон крајот на декември лани, најпрво во домовите за стари лица и во болниците меѓу медицинскиот персонал. Согласно планот за вакцинација на тамошната влада се предвидува до август месец да бидат вакцинирани 1,6 милиони луѓе или 60 проценти од населението. До сега, прва доза од вакцината примиле над 20.000 лица, а имунизаицјата се одвида со вакцини од производителот „Фајзер/БионТек“. Тамошните власти најавија дека наскоро ќе бидат достапни и вакцини од други компании, вклучувајќи ја и вакцината на „Астра Зенека“.

Му го запалила „БМВ-то“, па зажалила за тоа- млада гостиварка заработи кривична пријава

Дарко Андоновски — Wed, 12 Feb 2020 15:17:00 +0000

ОВР Гостивар поднесе кривична пријава против Б.Ј.(30) од с.Балиндол, гостиварско, поради постоење основи на сомнение за сторено кривично дело „предизвикување на општа опасност“. Пријавената, на 23.12.2019 на патот кон с.Чајле, гостиварско, запалила патничко возило „бмв“, сопственост на С.Ј.(52) и на тој начин предизвикала материјална штета околу 90.000 денари.