гостиварска болница – Kurir.mk

Му кажале дека мајка му починала, па направил хаос во гостиварската болница

Ивана Ефремовски — Tue, 09 Mar 2021 15:06:39 +0000

На 08.03.2021 околу 15:00 часот во гостиварската општа болница „Ферид Мурад“ за укажување на лекарска помош била примена И.Р.(78) од гостиварско Сенокосе, која за кратко време починала на Интерното одделение. Според пријавеното, набргу потоа, нејзиниот син Б.Р.(51) физички нападнал вработена во ова одделение, а оштетил и дел од инвентарот. Увид извршила екипа од Одделението за внатрешни работи Гостивар и се преземаат мерки за расчистување на случајот.

Драма во гостиварската болница: Син нападнал вработена и кршел инвентар откако мајка му починала

Ивона Петрова — Tue, 09 Mar 2021 10:23:54 +0000

Во гостиварската Општа болница „Ферид Мурад“ вчера околу 15 часот за укажување на лекарска помош била примена 78-годишната И.Р. од гостиварско Сенокосе, која за кусо време починала на Интерното одделение. -Набрзо потоа, нејзиниот 51-годишен син Б.Р. физички нападнал вработена во ова Одделение и агресивно се однесувал, удирајќи по инвентарот во внатрешноста на просториите, информира портпаролот на СВР Тетово, Марјан Јосифоски. Увид извршила екипа од Одделението за внатрешни работи Гостивар и се преземаат мерки за расчистување и документирање на случајот.

Гостиварската болница доби донации во постелнина, заштитни маски и хигиенски средства

Тале Кристо — Sat, 04 Apr 2020 12:14:10 +0000

Неколку поединци и фирми изминативе два дена донираа во општата болница „Др. Ферид Мурад“ поголеми количини заштитни маски и хигиенски средства и постелнина. Од управата на болницата искажаа задоволство за покажаната добра волја и донациите, која, како што наведе првиот човек на оваа здравствена установа, е добредојдена. – Од трговскиот ланец ЕТЦ, добивме значителна количина заштитни маски, скафандери, хигиенски и средства за дезинфекција. Во меѓувреме, повеќе поединци и други фирми, исто така, донираа слични продукти, а добивме и 215 комлети постелнина, која исто така во овие околности е добредојдена, изјави за МИА, Јакуп Јакупи директор на болницата. Тој потврди дека залихите во болницата се на задоволително ниво, но со оглед на состојбата, вели дополнувањата ќе бидат корисни.