Брзото возење е најчест прекршок кај возачите во тетовскиот и гостиварскиот регион

Тале Кристо — Thu, 04 Nov 2021 12:17:08 +0000

Неприлагодената брзина според условите на патот, односно пребрзото возење и минатиот месец бил еден од најчестите сообраќајни прекршоци на подрачјето на СВР Тетово, покажува нивната месечна анализа на податоци. Во овој период регистрирани се вкупно 311 пречекорувања на максимално дозволената брзина во тетовскиот регион, претежно надвор од населено место, особено на автопатот Гостивар-Тетово-Скопје, но и на околните регионални патишта, како и на влезовите во Тетово и Гостивар. – Овие пречекорувања соодветно биле санкционирани со изготвување на поднесоци и со други законски предвидени мерки кои се однесуваат на возачите кои драстично ја пречекориле дозволената брзина.Зависно од констатираното пречекорување возачите ќе се соочат со парични глоби од 45 до 400 евра во денарска противвредност, а екстремно брзите и со заштитна мерка забрана за управување на возилата од три месеци до една година, изјави Марјан Јосифоски, портпарол на СВР Тетово. Пребрзото возење било причина за 23 од тетовските октомвриски сообраќајни несреќи. И во текот на вчерашниот дел од 8 до 20 часот при контрола дали има пречекорувања на максимално дозволената брзина надвор од населено место, казнети се девет возачи како и тројца за во градот.

ФОТО: Уште еден земјотрес со јачина од 3,6 степени го погоди гостиварскиот регион

Тале Кристо — Wed, 11 Nov 2020 12:51:59 +0000

Уште еден силен земјотрес со јачина од 3,6 степени регистрираше Европскиот медитерански сеизмилошки центар (ЕМСЦ) во гостиварскиот раегион. Инаку утринава во 04:54 часот беше регистриран првиот и најсилен земјотрес со јачина од 5 степени според Рихтер, после тоа следеа ушште два други, а третиот се случи предмалку во 13:26 часот. За сега не се пријавени штети од силниот земјотрес што го стресе подрачјето на Гостивар рано утрово. Епицентарот на земјотресот беше во Леуново, на територијата на Општина Маврово и Ростуше. -До сега нема пријави за причинети штети. Утрово исконтактирав со локални жители на селото, полицијата како и со одговорните во хотелот Радика, кој е во Леуново и од сите добив информација дека нема последици. Се надеваме да остане така. По силниот земјотрес почувствуваме неколку потреси со послаб интензитет, што е очекувано.“, рече во телефонски разговор за Gostivarpress.mk , градоначалникот на Маврово и Ростуше Медат Куртовски.

гостиварски регион – Kurir.mk

Брзото возење е најчест прекршок кај возачите во тетовскиот и гостиварскиот регион

ФОТО: Уште еден земјотрес со јачина од 3,6 степени го погоди гостиварскиот регион