гп блаце – Kurir.mk

Сообраќаен режим на патот кон ГП Блаце, внимателно возете

Ивона Петрова — Fri, 17 Jun 2022 05:12:09 +0000

На патот ГП „Блаце“ – Скопје, на потегот каде се во тек градежни работи, од денеска се воведува дополнителен времен двонасочен режим на сообраќај со поставена соодветна сообраќајна сигнализација. -ГД Гранит АД Скопје известува дека согласно издаденото одобрение за времен режим на сообраќај за време изведба на Aвтопат А4, делница ГП „Блаце” – Скопје (клучка „Стенковец”) Подделница 1 – проширување на постоен пат А4 од ГП „Блаце” до с. Блаце до ниво на автопат и изградба на дел од автопат со клучка за поврзување со локален пат до с. Блаце, на 2 километри пред ГП „Блаце” од 17.06.2022 година на местото на изведување на градежните работи се одвива дополнителен времен двонасочен режим на сообраќај со поставена соодветна сообраќајна сигнализација. Сообраќајот се одвива континуирано без застој, соопшти АМСМ. Упатува препорака до возачите за прилагодена брзина на движење и почитување на поставената сообраќајна сигнализација.

Внатрешната контрола во МВР работи на случајот на полицајците од Блаце кои земаа поткуп

Ивона Петрова — Tue, 07 Jun 2022 12:08:41 +0000

Министерот за внатрешни работи Оливер Спасовски денеска одговарајќи на новинарско прашање дали се суспендирани од работа полициските службеници од ГП „Блаце“, за кои се поднесени кривични пријави за поткуп, информира дека на тој случај работи внатрешната контрола и кога ќе се затвори целиот случај, ќе се донесат одлуки во делот на водењето на дисциплинската постапка. – За полициски службеници кои направија кривично дело во однос на поткупот се поднесени соодветни кривични пријави. За сите полициски службеници, работи внатрешната контрола во однос на уништувањето на средствата за работа. За тоа постојат правилници, постојат упатства како и на кој начин ќе се користи опремата и секако дека покрај дисциплинската ќе има и материјална одговорност во овој дел. Ние известуваме и надлежно обвинителство кое што работи, а тоа е Одделението во ЈО за организиран криминал. Доколку се утврди дека има елементи на сторено кривично дело ќе одговараат и кривично тие полициски службеници коишто го сториле тоа кривично дело. Меѓутоа, мора да се знае точно да се утврди и оние коишто направиле и материјална штета на МВР да си ја покријат таа материјална штета, истакна министерот Спасовски по работната посета на СВР Охрид.

Поради одрони наизменичен режим на сообраќај на патот Скопје – ГП Блаце

Ивона Петрова — Wed, 18 May 2022 06:03:23 +0000

На патниот правец Скопје – ГП Блаце, поради одрони на патот, сообраќајот се одвива со наизменично пропуштање на возилата. Како што информира АМСМ, сообраќајот на државните патишта се одвива непречено по суви коловози. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Наизменичен режим на сообраќај на патот кон ГП Блаце

Тале Кристо — Tue, 17 May 2022 20:35:25 +0000

Сообраќајот кон граничниот премин Блаце се одвива со наизменично пропуштање на возила, поради одрон во близина на метото викано „Вражји вир“. – Поради одрони на патот на улица „Јадранска магистрала“ поточно на м.в. Вражји вир, сообраќајот не е во прекин и се одвива со наизменично пропуштање на возилата, информираат вечерва од АМСМ. Претходно, денеска сообраќајот беше прекинат во двата правци.

На граничниот премин Блаце не се пропуштаат возила

Ивона Петрова — Tue, 17 May 2022 12:30:41 +0000

Сообраќајот кон Граничен премин Блаце е во прекин во двата правца поради одрон во близина на местото Вражји Вир и не се пропуштаат возила на преминот. -На патот кон ГП Блаце има одрон во близина на местото викано Вражји Вир. Сообраќајот е во прекин во двата правца. На граничниот премин не се пропуштаат возила бидејќи кај местото на одронот се уште не е проодно, соопшти АМСМ.

СЕ ОГЛАСИ МВР ЗА СЛУЧАЈОТ СО РАКОВОДИТЕЛОТ КОЈ ПРИМИ МИТО: Извршен службен разговор, еве каква казна следува

Магдалена Андонова — Wed, 13 Apr 2022 15:20:55 +0000

Во врска со случајот со земање поткуп на граничниот премин Блаце, Одделот за внатрешна контрола, криминалистички истраги и професионални стандарди во координација со надлежното обвинителство, како и службите за внатрешна контрола на Р. Косово и Р. Албанија го документираше кривично правниот настан и изврши службени разговори со полициските службеници. Одделот за внатрешна контрола, криминалистички истраги и професионални стандарди до надлежното обвинителство против полициските службеници Е.Ш. и З.Р. ќе поднесе кривична пријава за сторено кривично дело „примање поткуп“ по член 357 од КЗ на РСМ, а ќе биде покрената и постапка за утврдување на дисциплинска одговорност. Полициските службеници до завршување на дисциплинската постапка се отстранети од работното место согласно одредбите од Колективниот договор на Министерството.

Мисајловски: Луѓе блиски до СДСМ се фатени како земаат мито на царина, наместо одговорност од Спасовски и Ковачевски ние имаме целосен молк

Магдалена Андонова — Wed, 13 Apr 2022 13:46:42 +0000

Потпретседателот на ВМРО-ДПМНЕ, Владо Мисајловски денес во рамките на активноста „Промените се случуваат, секогаш со народот“ беше во посета на oпштина Ранковце каде заедно со градоначалникот Борче Спасовски извршија увид на градежни активности на улици во село Радибуш каде беше дадена и изјава за медиумите. Запрашан за коментар околу снимката која се појави вчера каде се гледа како македонски полицајци бараат и примаат мито од албански новинари, Мисајловски истакна дека и за оваа како и за сите криминални афери кои излегоа на површина деновиве од луѓето кои ги водат институциите има само молк наместо да се осудат сите овие работи. Тој исто така додаде дека се надева дека за ваквите активности ќе има одговорност и дека доколку од овие институции нема, ВМРО-ДПМНЕ со новата влада ќе преземе одговорност да овие луѓе бидат санкционирани. - Јас пред некој ден реков дека во Македонија како секој ден да гледаме црна хроника. За жал ни се случуваат не само вакви афери туку имаше и нерасчистено убиство кое што пробаа на некој начин да го затскријат, што е срамно и безобразно. Денеска видовме нова снимка каде што службеници кои што работат на царина земаат мито и тоа се блиски до СДСМ, луѓе што се поставени од раководните луѓе на СДСМ. Затоа треба да има одговорност за сите овие луѓе од СДСМ. Тие што ги водат институциите како Оливер Спасовски и останатите, па еве го повикувам и Димитар Ковачевски како премиер да каже што има да каже како навод по овие сите криминални афери, бидејќи гледаме дека има некој молк. Не е добро да се има молк и треба да се осудат сите овие работи. Нерасчистени убиства кои пробаа да ги затскријат, гледаме дека има местени тендери со милионски суми за физибилити студии, а сега гледаме како се прима мито и корупција на царина. Тоа е сликата на СДСМ за Македонија. Жално, но се надевам дека ќе има одговорност. И ако од овие институции нема, верувајте дека ВМРО-ДПМНЕ со новата влада ќе преземе одговорност да овие луѓе бидат санкционирани, истакна Мисајловски.

МВР: Внатрешна контрола работи на расчистување случај со земање мито на „Блаце“

Ивона Петрова — Wed, 13 Apr 2022 07:17:27 +0000

Министерството за внатрешни работи информира дека Одделот за внатрешна контрола веќе работи на расчистување случај со земање мито на „Блаце“. Реакцијата на МВР следува откако албанската телевизија Клан во емисијата „Стоп“ објави видео снимка на која јасно се гледа како раководителот на смена на граничниот премин Блаце, Шкрета Елхам зема мито од 120 евра од државјани на Албанија кои ја минуваат границата. -Одделот за внатрешна контрола во координација со надлежното обвинителство уште од ноќеска интензивно работи на расчистување и санкционирање на случај со земање на мито од страна на полициски службеници на Граничниот премин Блаце. По расчистување на случајот и санкционирање на сторителите, соодветно ќе ја информираме јавноста, кусо соопштуваат од МВР.

ВИДЕО: Скандал на ГП Блаце, раководител на смена фатен на камера како зема мито 120 евра

Ивона Петрова — Wed, 13 Apr 2022 05:13:38 +0000

Раководителот на смена на граничниот премин Блаце, Шкрета Елхам е фатен на камера како зема мито 120 евра од државјани на Албанија кои ја минуваат границата. Видеото го објави вчера албанската телевизија Клан во емисијата „Стоп“ Новинарот на ТВ Клан, во улога на патник, платил 120 евра за цариникот да пропушти шест албански државјани без никакви проверки. Ваквата проверка на новинарите следувала откако телевизијата ја контактирал албански превозник, а со информации дека на ГП Блаце македонски полицајци постојано му бараат поткуп за нешто што треба да биде бесплатна услуга.

❗️Се сеќавате на Раководителот на смена на Блаце, Шкрета Елхам оној што му даваше БЕСА на Заев ?
❗️Еве го вечерва на работа, снимен како зема 120евра мито. 💶 - 📽 Гледај после 22ра минута 👉https://t.co/9a9qoLuMHz pic.twitter.com/buz4vttqYC — Демир (@Trollowsky) April 12, 2022

-Јас сум албански бизнисмен кој превезува луѓе внатре и надвор од државата. Многу проблеми имаме со македонската погранична полиција. Не мито, туку им даваме плати секој ден, од 500 евра, 700 евра по возило. За секој патник тарифата беше 50 евра, но сега падна на 20 евра. Мито! За секој човек. Носам 20-30 патници. За секој патник мора да се дадат 20 евра, открива бизнисменот за ТВ Клан. Екипа на емисијата „Стоп“ на граничниот премин Блаце ја сними целата постапка како Елхам, како раководител на смена, си бара и си ги зема парите – од шест патници, по 20 евра од човек. Инаку, Елхам е познат како голем поддржувач на СДСМ и на политиките на Зоран Заев. Неретко на социјалните мрежи објавувал фотографии на кои е фотографиран со високи партиски личности.

ФОТО: Запленет 5 килограми златен накит вреден 156.000 евра на Блаце

Ивона Петрова — Wed, 09 Feb 2022 11:02:23 +0000

Пет килограми златен накит вчера бил запленет на граничниот премин Блаце откако е пронајден во автомобил пријавен за излез од државата. -Имено, на 8 февруари 2022 година, на излез од државата, на граничниот премин Блаце, во попладневните часови за царинска контрола се пријавило патничко моторно возило со српски регистарски ознаки управувано од македонски државјанин. При вршење на детална контрола, од страна на мобилните тимови, биле забележани неправилности во пределот помеѓу двете предни седишта, односно шуплината над ауспухот била затворена. Во внатрешноста на возилото, во пределот помеѓу двете предни седишта, пронајден бил отворот на специјално изработениот бункер, во кој се наоѓале 10 пакети со златен накит во вредност од 9.604.430 денари и вкупна тежина од 5097,59 грама, информира Царинската управа. Златниот накит и патничкото моторно возило се привремено одземени, а пријавеното лице заедно со целокупната документација е предадено на Одделението за истраги во Сектор за контрола и истраги за понатамошно постапување, по што ќе биде поднесена соодветна кривична пријава.