гп – Kurir.mk

На ГП „Табановце“ зголемена фрекфенција на возила, се чека половина час

Катерина Бојаџиева — Fri, 14 Jul 2023 16:39:35 +0000

На ГП „Табановце“ за влез во државата се бележи зголемена фреквенција на возила, а времето на чекање е околу 30 минути. На останатите гранични премини од македонска страна, нема поголеми задржувања за влез и излез од државата, информира АМСМ во извештајот за состојбата на патиштата во 18 часот. Интензитетот на сообраќај на патните правци надвор од градските средини е умерен. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

На „Табановце“ и „Богородица“ се чека околу еден час

Тале Кристо — Mon, 10 Jul 2023 05:51:03 +0000

Интензитетот на сообраќај на патните правци надвор од градските средини е умерен. На граничните премини „Табановце“ и „Богородица“ за излез од државата времето на чекање е околу еден час. Како што соопшти АМСМ, на останатите гранични премини од македонска страна нема подолги задржувања за влез и излез од државата.

ВИДЕО: GP ни кажа збогум: Марко Марковиќ ја напушти македонската Јутјуб сцена

Ристе Здравков — Mon, 07 Feb 2022 10:57:05 +0000

Секоја генерација има свои идоли, а во оваа нова, дигитална доба тоа се јутјуберите. Иако скромна, на македонската Јутјуб сцена има неколку млади креативни луѓе кои ја користат оваа платформа за себеизразување. Еден од нив беше и Марко Марковиќ, познат под псевдонимот GP, кој веќе една деценија создаваше содржина која едуцира, забавува и инспирира. Со оглед на тоа што тој има скоро 260 илјади претплатници на неговиот канал, Марко е најуспешниот Македонец на Јутјуб. На голема жал на младата публика, која десет години ги следеше неговите забавни видеа за видеоигри, Марко смета дека е време за ново поглавје од неговиот живот. Имено, ова 22-годишно момче реши дека е време да стави крај на неговата кариера на Јутјуб и да се посвети на програмирањето, неговата втора пасија. Во последното видео на неговиот канал, тој се потсети на сите убави моменти коишто ги доживеал на Јутјуб, но зборува и за лицемерието и љубомората коишто се присутни кај луѓето од јавната сцена. „Благодарение на Јутјуб, цело време се спојувам со погрешни личности. Мислам дека не запознав ниту еден асален човек преку Јутјуб. Кај 99 отсто од луѓето коишто се во овој бизнис има многу лицемерие, многу зборување позади грб, многу љубомора, многу алчност за пари“, вели Марко. Марко е студент на Факултетот за информатички науки и компјутерско инженерство и моментално ја завршува последната година од студиите. Тој во иднина се гледа како програмер, нешто што навистина го исполнува. Како што вели во видеото, во последните неколку месеци тој се соочувал со голема анксиозност бидејќи сакал да пласира квалитетни видеа за неговите обожаватели, но и да се посвети максимално на студиите, каде, пак, има одличен просек.

Околу 160 патници излегле од државата преку Деве Баир од утрово

Тале Кристо — Tue, 28 Jul 2020 13:16:42 +0000

Се враќа фреквенцијата на патници на граничниот премин со соседна Република Бугарија, Деве Баир, кај Крива Паланка. Од полноќ преку Деве Баир во државата влегле 140 патници, а излегле 160, информираат од Полициската станица за гранична проверка и граничен надзор Регионален центар Исток кај Деве Баир. По вчерашната одлука на Владата на Република Бугарија, македонските државјани може да патуваат во Бугарија, мерките се делумно олеснети за влез во соседна Бугарија, со тоа што услов е патниците да имаат негативен ПСР-тест не постар од 72 часа. Од Полициската станица за гранична проверка и граничен надзор Регионален центар Исток кај Деве Баир посочија дека малку е по голема фреквенцијата на патници, бројот на сите кои досега минале гранична контрола е вкупно триста, и странци и македонски државјани. Товарниот сообраќај за време на целата пандемија со Ковид-19 се одвива редовно.