грабеж – Kurir.mk

Ограбена обложувалница во Скопје

Катерина Бојаџиева — Thu, 02 Nov 2023 16:56:59 +0000

На 01.11.2023 во СВР Скопје било пријавено дека во 10.00 часот во спортска обложувалница во Скопје едно лице со закана кон вработениот одзело пари. Се преземаат мерки за расчистување на случајот.

Скопјанка нападната и ограбена кај Бит Пазар

Ивана Ефремовски — Fri, 20 Oct 2023 18:23:50 +0000

Денеска (20.10.2023) во 02:05 часот во СВР Скопје било пријавено дека две лица со употреба на сила влегле во домот на Џ.Н.(47) од Скопје на подрачје на Бит Пазар, физички ја нападнале и ѝ одзеле пари. Увид на местото извршила екипа од СВР Скопје и се преземаат мерки за расчистување на случајот.

Британската полиција ги идентификувала и трага по тројца албански државјани за грабежот во домот на фудбалерот Стерлин

Катерина Бојаџиева — Fri, 22 Sep 2023 16:09:52 +0000

Британската полиција ги идентификувала и трага по тројца албански државјани за кои постојат основи на сомнение дека учествувале во грабежот во домот на напаѓачот на англиската фудбалска репрезентација Рахим Стерлин. Освен во овој грабеж, што се случи во почетокот на декември минатата година, тие биле дел од групата кој извршила 33 грабежи во Лондон. - Полицијата претходно го уапси албанскиот државјанин Емилиано Кроси (23), а сега трага по Алфред Исуфи (48), Герард Калаја (22) и Хенри Османи (44). Четворица се сомничат дека учествувале во 33 грабежи, вклучувајќи го и тој во луксузниот дом на фудбалерот, пренесува Топ чанел, повикувајќи се на „Дејли експрес“. Како што пренесоа медиумите вооружените крадци провалиле во куќата на Стерлинг во Лондон, во моменти кога во неа било семејството на фудбалерот, неговата 27-годишна партнерка и двете деца. Со себе однеле часовници во вредност од над 300 илјади евра, како и друг скап накит. Поради овој настан Стерлин го напушти Светското првенство во Катар и се врати во Лондон, за да биде со семејството. Полицискиот инспектор Џемс Ансел изјавил дека се убедени оти тројцата Албанци се уште се на територијата на Обединетото Кралство.

Срамота: Ограбена канцеларијата на „Донирај Компјутер“

Дарко Андоновски — Mon, 28 Aug 2023 18:15:26 +0000

Ограбена канцеларијата на „Донирај Компјутер“ во Кавадарци, информираше Борче Стаменов, човекот одговорен за голем број деца да имаат услови за следење на онлајн наставата во време на пандемијата. -Се деси и тоа. Сабајле у 3.59 некој ги обил канцелариите на #ДонирајКомпјутер у Кавадарци. Украл 4-5 Леново лап топа, 6-7 Apple Mac book pro и повеќе нови (20-25) ССД дискови од 120гб. Имаме снимки кои треба да ги прегледаме утре во полиција и опис на лоповот. Ако некој ви понуди нешто за продавање од споменатите работи или видите оглас, ве молам да ми пишете. Кавадарчани ве молам да споделите и да помогнете да се најде сторителот. Срамота е да се краде од иницијатива како нашава, срамота, вели Стаменов на Фејсбук.

Ограбил џамија, па слободно се шетал низ Скопје – пеколната казна допрва ќе го дочека

Дарко Андоновски — Sun, 27 Aug 2023 16:17:03 +0000

Полицијата вчера уапсила 37-годишно лице од Косово осомничено за кражба на пари од џамија во скопски Бит Пазар. -На 26.08.2023 во 20.30 часот во Скопје, на подрачје на Центар, од полициски службеници од Единицата за интервентна полиција при СВР Скопје е лишен од слобода Н.Р.(37) од Косово, поради основано сомнение дека на 29.07.2023 околу 10.00 часот од џамија на подрачје на Бит Пазар со употреба на сила одзел пари, информира во соопштение Министерството за внатрешни работи. По целосно документирање на случајот ќе биде поднесена соодветна кривична пријава до надлежното обвинителство.

Ограбена обложувалница во скопски Карпош

Тале Кристо — Mon, 07 Aug 2023 15:05:13 +0000

На 06.07.2023 во 21.25 часот во СВР Скопје било пријавено дека во спортска обложувалница на ул.„Лондонска“ во Скопје едно лице со закана кон вработениот одзело пари од дневниот промет. Се преземаат мерки за расчистување на случајот.

Ограбил менувачница, но не зел пари – еве што е украдено

Ивана Ефремовски — Thu, 27 Jul 2023 15:25:24 +0000

На 26.07.2023 во 16:30 часот во СВР Скопје било пријавено дека О.Н. пријавил дека во менувачница во Скопје едно лице со закана од вработениот одзело мобилен телефон. Се преземаат мерки за расчистување на случајот.

Ја нападнал и ограбил својата баба, па продолжил да краде – кривична за струмичанец

Ивана Ефремовски — Tue, 25 Jul 2023 20:53:25 +0000

СВР Струмица поднесе кривична пријава против Д.А.(27) од Струмица, поради постоење основи на сомнение за сторени кривични дела „разбојничка кражба’’ и „тешка кражба’’. На 15.07.2023 во Струмица, пријавениот физички ја нападнал неговата баба и одзел пари и мобилен телефон, а второто дело го извршил на 05.06.2023 на улица „Димитар Влахов“ во Струмица, при што од А.Х. одзел пари.

ЗАЛОЖНИЧКА ДРАМА ВО ДОМОТ НА ГОЛМАНОТ НА ПСЖ – Донарума и неговата девојка соблечени голи, а тоа што го направиле потоа крадците е шокантно!

Дарко Андоновски — Fri, 21 Jul 2023 08:24:13 +0000

Голманот на ПСЖ, Џанлуиџи Донарума и неговата партнерка станаа плен на грабеж во нивниот стан во Париз. Европскиот шампион со тимот на Италија и неговата придружничка биле врзани од разбојниците, кои потоа зеле 500.000 евра. Француските медиуми известуваат дека биле приморани од разбојниците да се соблечат голи.

View this post on Instagram

A post shared by GIANLUIGI DONNARUMMA (@donnarumma)

Голманот на Пари Сен Жермен и неговата девојка потоа успеале да се ослободат, среде ноќ и се упатиле во луксузен хотел недалеку од нивниот дом. Персоналот на хотелот бил тој што ја алармирал полицијата.

View this post on Instagram

A post shared by GIANLUIGI DONNARUMMA (@donnarumma)

Дваесет и четиригодишниот Италијанец и неговата партнерка се испратени на лекување во болница поради претрпен шок, а започната е истрага за откривање на сторителите и нивно апсење.

Приведени двајца крадци- од хотел во Градскиот парк во Скопје одзеле сеф со пари

Катерина Бојаџиева — Mon, 10 Jul 2023 09:25:07 +0000

Денеска (10.07.2023) во 00.15 часот на подрачјето на Центар полициски службеници ги лишиле од слобода Е.К.(38) и С.Р.(55), двајцата од Скопје, поради тоа што на 09.07.2023 од хотел во Градскиот парк во Скопје одзеле сеф со пари. При извршена проверка кај Е.К. биле пронајдени и одземени бела прашкаста материја како и алати со кои е извршена тешката кражба, а притоа било констатирано дека се барал по централна потерница од Казнено-поправната установа Затвор - Прилеп за доиздржување на казна затвор од 4 години и 9 месеци. По целосно документирање на случајот од страна на ЕВР Центар и Бит Пазар ќе биде поднесен соодветен поднесок.