грабежи – Kurir.mk

Во оваа земја минатата година немало грабежи на банки

Катерина Бојаџиева — Tue, 03 Jan 2023 21:47:53 +0000

Бројот на грабежи на банки во Данска минатата година падна на нула, поради зголемената безбедност и намалената употреба на готовина во таа нордиска земја. Бројот на грабежи на банки во Данска постојано се намалува од 2000 година, кога имало 221 грабеж, речиси по еден секој работен ден, јави Си-Ен-Ен . Во 2021 година во Данска имаше само еден грабеж на банка, според податоците од Finance Denmark, индустриска групација за кредитори, додека Блумберг објави дека немало грабежи во 2022 година. Зголемениот број камери за надзор, подобрените алармни системи и посилната соработка со полицијата помогнаа да се намали бројот на грабежи на нула, вели директорот за дигитализација на Finance Danmark, Мајкл Баск-Јепсен. На падот на бројот на грабежи влијаеше и големото намалување на бројот на шалтери: од околу 800 филијали на банки во Данска, само околу 20 сè уште имаат персонал кој се занимава со депозити и повлекувања, изјави Баск-Јепсен за Cи-Ен-Ен, а поголемиот дел од клиентите користат банкомати чиј број во Данска изнесува околу 2.000. Данска има околу 5,9 милиони жители.

Украина: Руските војници ограбуваа пред да се повлечат од предградијата на Киев

Тале Кристо — Fri, 01 Apr 2022 06:24:59 +0000

Продолжува делумното повлекување на руските сили од северниот дел на Киев и тие се движат кон границата со Белорусија, соопштија украинските власти. Во соопштението се истакнува дека руските војници пред да се повлечат ограбиле цивилни имоти. Според украинската армија во некои окупирани подрачја руските сили побарале од украинските фирми плаќањето да биде во рубљи. Во најновиот извештај на украинската армија се посочува и дека уништени се три руски тенкови, две оклопни возила и два артилериски система и соборено е руското беспилотни летало Орлан-10.

Во Чикаго најавен полициски час по немирите и грабежите

Тале Кристо — Tue, 11 Aug 2020 06:45:55 +0000

Полицијата во Чикаго ќе го ограничи пристапот до центарот на градот по ноќите насилство и грабежи, поради извештаите дека полицијата застрелала еден човек. Полицискиот началник Дејвид Браун изјави дека движењето ќе биде ограничено од 20:00 до 06:00 часот, а „големото полициско присуство“ ќе продолжи до понатамошно известување. Тој рече дека „срамното уништување“ е поттикнато од дезинформација дека полицијата во неделата застрелала осомничен. На видеа објавени на социјалните медиуми се гледаат стотици луѓе како ограбуваат и се судираат со полицијата. Полицијата во Чикаго од понеделникот уапси повеќе од 100 лица за грабеж, нарушување на јавниот ред и напади врз полиција. Полицијата пријавила и размена на оган со осомничени во раните утрински часови. Градските власти привремено ги прекинаа транспортните услуги до центарот на градот и ги крена мостовите. Официјални лица соопштија дека 13 полицајци биле повредени во текот на ноќта, меѓу кои еден бил погоден со шише, а еден цивил и еден полицаец биле ранети од огнено оружје. Чикаго е еден од ретките американски градови каде употребата на оружје и убиства од неодамна е зголемена. Најсмртоносен ден во последните 30 години беше во јуни.

Внимавајте во Старата чаршија: Грабежи и напади среде бел ден

Предраг Кукиќ — Wed, 14 Aug 2019 17:47:16 +0000

Скопјанец пријавил дека вчера среде бел ден бил ограбен во Старата скопска чаршија. Во 17 часот и 10 минути во СВР Скопје се јавил 48-годишниот Р.А. од Скопје кој пријавил дека во Стара чаршија едно лице со закана му одзело пари и накит. Претходно скопјанец пријави дека бил претепан во Чаршија.