грација – Kurir.mk

Невакцинираните доктори во Грција може да останат без работа по 31 март

Тале Кристо — Mon, 31 Jan 2022 15:25:59 +0000

Невакцинираните здравствени работници во Грција кои веќе неколку месеци се на принуден одмор, поради воведената задолжителна вакцинација, можно е по 31 март, кога и истекува конкретната одлука, да останат без работа, според министерот за здравство на Грција Танос Плеврис, кој сепак, објасни дека сè уште не е донесена конечна одлука, јави дописничката на МИА од Атина. Плеврис, во интервјуто за грчката телевизија „Скај“ објасни дека на 31 март истекува мерката здравствените работници кои не се вакцинирани да бидат на принуден одмор, а дотогаш одново ќе се разгледа, дали ќе се продолжи истата мерка или пак ќе се донесе одлука да не бидат дел од здравствениот систем.

Во Грција рекордни 13 смртни случаи последици од Ковид-19

Тале Кристо — Sun, 11 Oct 2020 17:55:20 +0000

Атина, 11 октомври 2020 (МИА) – Во изминатите 24 часа во Грција е регистриран рекордно висок број на дневни смртни случаи од Ковид-19, починаа 13 лица, со што бројот на смртни случаи од почетокот на епидемијата се зголеми на 449 лица, јави дописничката на МИА од Атина. Паралелно, намален е бројот на новозаразени во споредба со изминатите денови, регистрирани се 280 нови случаи, од кои половина, односно 141 случај се во областа Атика, поширокиот регион на Атина, а 25 по направените тестови на влезните точки во земјата. Останатите случаи 114 случаи се во 27 различни делови на Грција.

Силен земјотрес ја стресе Грција

Тале Кристо — Mon, 17 Aug 2020 07:55:44 +0000

Земјотрес со јачина од 5.1 степен според Рихтер беше регистриран во Грција, јужно од островот Идра, кусо пред 10.30 часот по локално време според Геодинамичкиот институт на Националната опсерваторија, јави дописничката на МИА од Атина. Епицентарот бил во морскиот дел, 53 километри југоисточно од островот Идра, на над 100 километри од Атина, но беше почувствуван и во грчкиот главен град. Засега нема информации за повредени или за причинета материјална штета.