градба – Kurir.mk

Стефковски: Интензивно се работи на изградба на училишната сала во Булачани

Тале Кристо — Fri, 15 Sep 2023 12:11:40 +0000

Градоначалникот на општина Гази Баба Бобан Стефковски во објава на својата официјална страна на фејсбук информира дека денес направил увид на градежните работи за изградба на новата училишна сала на ООУ Наум Охридски во Булачани. Во објавата, градоначалникот Стефковски напиша: ИНТЕНЗИВНО СЕ РАБОТИ НА ИЗГРАДБАТА НА НОВАТА УЧИЛИШНА САЛА ВО ООУ НАУМ ОХРИДСКИ ВО БУЧАЛАНИ. Направив увид во градежните работи за изградба на новата училишна сала во општинското основно училиште Наум Охридски во Булачани. Она што може да се заклучи е дека градежните активности се реализираат согласно утврдениот план и динамика за изградба на училишната сала. После 60 години ова основно училиште добива училишна сала со што учениците добиваат поквалитетни услови за реализација на часовите по физичко и здравствено образование. Продолжуваме со реализација на проекти за подобрување на условите за образование на сите ученици на територија на општина Гази Баба. – напиша Стефковски.

Издадени 390 одобренија за градба во јануари, за 50,6 отсто повеќе од лани

Ивона Петрова — Tue, 14 Mar 2023 12:14:23 +0000

Во јануари годинава се издадени 390 одобренија за градење, што е за 50,6 проценти повеќе во однос на истиот месец лани, покажуваат податоците на Државниот завод за статистика. Според издадените одобренија за градење, предвидената вредност на објектите изнесува 7 706 874 илјади денари, што е за 33,6 проценти повеќе од лани. Од вкупниот број на издадени одобренија за градење, 169 (43,3 проценти) се наменети за објекти од високоградба, 131 (33,6 проценти) за објекти од нискоградба и 90 (23,1 проценти) за објекти за реконструкција. Од вкупно 390 објекти, на 182 (46,7 проценти) како инвеститори се јавуваат физички лица, а на 208 (53,3 проценти) објекти инвеститори се деловни субјекти. Во извештајниот период е предвидена изградба на 677 станови, со вкупна корисна површина од 57.990 м2.

Без дозвола си градел во Љубаништа: Направил три објекти и базен, сега ќе мора да ги руши

Ивана Ефремовски — Wed, 16 Nov 2022 15:44:52 +0000

СВР Охрид поднесе кривична пријава против С.Ѓ.(40) од Скопје поради постоење основи на сомнение за сторено кривично дело „бесправно градење“. Тој, на катастарска парцела во атарот на охридското село Љубаништа, кое е заштитено подрачје, без соодветна документација и без согласност од Националниот парк „Галичица“ изградил три објекти цврста градба и еден базен. По извршениот инспекциски надзор, овластен градежен инспектор при општина Охрид донел решение за отстранување на нелегалните објекти.

ЈУНИ: Издадени 277 одобренија за градење, 388 станови се во Скопје

Ивона Петрова — Wed, 17 Aug 2022 10:55:41 +0000

Во јуни годинава се издадени 277 одобренија за градење, што е за 13,4 проценти помалку во однос на јуни лани. Според издадените одобренија за градење, предвидената вредност на објектите изнесува 3 691 127 000 денари, што е за 19,2 проценти помалку во однос на истиот месец од претходната година, објави денеска Државниот завод за статистика. Во Скопскиот регион се издадени 73 одобренија, од кои најмногу во Илинден (24), во Карпош (16), Аеродром и Петровец по шест, Кисела Вода и Бутел по три,… Предвидена е изградба на 550 станови со вкупна корисна површина од 40.493 метри квадратни. Најголем дел од становите, 388, ќе се градат во Скопскиот регион, а од вкупната бројка, 215 се во Аеродром, 84 во Кисела Вода, 26 во Петровец. Во Битола се планирани 78, Струга 26,.. Од вкупниот број издадени одобренија за градење, 132 (47,7 проценти) се наменети за објекти од високоградба, 57 (20,5 проценти) од нискоградба и 88 (31,8 проценти) за објекти за реконструкција. Од 277 објекти, на 147 (53,1 процент) како инвеститори се јавуваат физички лица, а на 130 (46,9 проценти) инвеститори се деловни субјекти.

Градел неусогласено со закон, кривична за маж од кичевско

Ивана Ефремовски — Sat, 25 Jun 2022 17:23:53 +0000

ОВР Кичево поднесе кривична пријава против А.Ш.(61) во с.Бачишта, кичевско, поради постоење основи на сомнение за сторено кривично дело „бесправно градење“. Во периодот од 2021 година до 14.03.2022 пријавениот, како инвеститор на градежен објект кој се изведувал на ул.„Гоце Делчев“ во Кичево, постапил спротивно на одобрението за градење издадено од надлежен орган и градбата не била усогласена со одредбите од Законот за градење.

Без дозвола извршена доградба на објект на фирма во Добридол

Ивана Ефремовски — Wed, 22 Jun 2022 19:39:57 +0000

ОВР Гостивар поднесе кривична пријава правно лице од с.Добридол, гостиварско и Е.Х.(52) од с.Симница, менаџер во правното лице, поради постоење основи на сомнение за сторено кривично дело „бесправна градење“. Пријавените, во јануари 2021 година, на парцела во атар на с.Добридол без потребна градежно-техничка документација, одобрение за градење издадено од општина Врапчиште, извршила доградба на објект на правното лице.

ПАРК И СПОРТСКИ ЦЕНТАР НАМЕСТО ЗГРАДИ: Избришани 4 маркици за градба во општина Аеродром

Тале Кристо — Tue, 07 Jun 2022 14:22:25 +0000

Советот на Град Скопје на денешната седница ја потврди иницијативата поднесена од страна на Општина Аеродром, а која се однесува на новиот Регулациски план за Реонски центар и населба Лисиче, информираат преку соопштение од општината. Со оваа одлука, се потврдува нашата иницијатива за бришење на вкупно 4 градежни маркици на посочените локации. Две од маркиците на кои претходно беа планирани згради сега се претворени во земјиште на кое ќе има парк од 6.000 м2, додека другите две од станбено-деловен простор стануваат објекти за образование. Дополнително, одлуката на Советот за потврдување на нашата иницијатива, конечно ги создава правните предуслови за отпочнување на процесот за изградба на Спортскиот центар „Пирин“ во Населба Лисиче. Промените во начинот на владеење во Аеродром се случуваат. Ја исполнуваме нашата заложба да продолжиме со хуманата урбанизација и да го оправдаме епитетот на прва општина што пренаменува маркици од згради во паркови и објекти од корист за сите граѓани!, велат од општина Аеродром.

Маж си изградил објект на брегот на Дебарското езеро, без одобрение за градење

Ивана Ефремовски — Fri, 27 May 2022 14:25:15 +0000

ОВР Дебар поднесе кривична пријава против М.Д.(67) од с.Селокуќи, дебарско, поради постоење основи на сомнение за сторено кривично дело „бесправно градење“. Пријавениот, во текот на 2021 година на место викано „Бадеми“, на парцела на брегот на Дебарското езеро, без одобрение за градење, изградил објект од втора категорија од тврд материјал, при што се стекнал со противправна имотна корист.

Трајановски: СДСМ е главниот виновник за градбата кај Холидеј Ин, граѓаните треба да одлучат дали треба таму да се гради

Тале Кристо — Tue, 27 Apr 2021 18:05:05 +0000

Морам да ви кажам дека кога во 2013 година Општина Центар ја доби СДСМ, а особено 2017-тата година тие им ветуваа на граѓаните дека ќе ја стопираат градбата во Центар особено на големите објекти, ќе направат мораториум и ќе ги променат ДУП-овите. Што направија од тоа? Стопираа делимично, мораториум направија на одредени проекти, меѓутоа мораториум согласно на сите законски прописи тие требаа да направат измена и на ДУП-овите, но тие направиј онака како што тие сметаа дека треба да биде уредено“, истакна Коце Трајановски, поранешен градоначалник на Скопје и член на ИК на ВМРО-ДПМНЕ во гостување во дневникот на Сител телевизија. Трајановски додаде дека СДСМ му го зема корисничкото право на ПУИК за стопанисување на пакингот пред Холидеј Ин. -Му го земаа корисничкото право, му дадоа извод од ДУП на инвеститорот, му дадоа да го дооформи земјиштето. Само извод од ДУП не знам дали е во мораториумот или после моратороим. Тоа мора после да си вида службите. Му дадоа да го дооформи земјиштето, и кога Уставен суд го укина ова, огромна документација однесоа во Центар и за многу брзо време Центар оваа документација ја прегледа, и ја даде на Градот Скопје за да се пресметат комуналии и да се издаде градежна дозвола, рече Трајановски. Трајановски посочи дека и тој се прашува кој кого лаже. Дали кога беа на изборит и рекоа дека нема да има градби или сега кога им велат на граѓаните па ќе се види, па мораториум е. -Јас сметам дека треба граѓаните да се прашаат, да се има јавна расправа, граѓаните да одлучат што треба таму да има, нагласи Трајановски. Трајановски укажа дека има различни форми на кои граѓаните можат да бидат консултирани.

„Нефи ИК“ градел дури и во водите на Охридското езеро, кривични пријави за 3 лица и правен субјект

Тале Кристо — Thu, 22 Apr 2021 08:27:36 +0000

Три лица и правен субјект заработија кривични пријави поради сомневање дека сториле казнено дело „узурпација на недвижности“ во заштитената зона на брегот на Охридското Езеро. Станува збор за Н.З.(59) од Охрид, Н.И.(51) од Струга и Р.Б. (47) од Охрид, како и против компанијата „Нефи ИК“ со седиште во Охрид. Според полицискиот записник, првопријавениот, иако знаел дека неговата катастарска парцела во населбата „Даљан“ во близина на Охридското Езеро, сѐ уште не е запишана во Агенцијата за катастар на недвижности на негово име, со намера да ја прошири парцелата ги ангажирал второ и трето пријавените, вработени во фирмата „Нефи ИК“ и побарал дотур на земја, камен и крупен градежен шут на брегот и во водите на Охридското Езеро. Тие извршиле дотур на земја и камен со што ја прошириле парцелата на 900 метри квадратни навлегувајќи дури и во водите на Охридското Езеро. Случајот беше пријавен уште во ноевмри минатата година, кога беше регистрирано и снимено како со тешка механизација се насипува земја и шут во Охридското Езеро, во непосредна близина на новиот комплекс згради и дом за стари лица во изградба кон Извидничкото одморалиште кај Даљан. Уште тогаш на терен излезе инспекција на Општина Охрид и на Министерството за животна средина и просторно планирање, кои потоа побараа од полицијата да ги пронајде сторителите, пишува порталот Фактор.мк.