градби – Kurir.mk

Во Македонија новите градби можат да издржат земјотрес со интензитет од 9 степени

Ивана Ефремовски — Fri, 29 Nov 2019 11:39:56 +0000

Во Македонија новите градби се проектирани за да издржат интензитет од 9 степени или јачина од 6,5 до 7 магнитуди по Рихтер. Градбите во Македонија се најквалитени од сите во регионот, а доказ за тоа е и земјотресот од 2016-та година во кој немаше ниту една срушена зграда, велат од Институтот за сеизмологија и Градежната комора при Сојузот на стопански комори. -Сите нови градби мора да се изведат согласно проектите и стандардите за проектирање. Во тие стандарди за проектирање државата го дефинира нивото на прифатлив ризик за одреден тип на објекти. Вообичаено се проектира на ниво на очекуван интензитет или јачина, магнитуда. Ние не ги проектираме објектите во Македонија за земјотрес од Јапонија, Нов Зеланд или од Чили, туку согласно науката и досегашната историја. Имаме некои анализи кои покажуваат какви се максималните очекувања. Тое е интензитет од 9 степен или или јачина од 6,5 до 7 магнитуди по Рихтер. Тоа е основата на проектирањето на поголемиот дел од објектите во државата. Сите нови објекти мора да ги задоволат овие критериуми, изјави директорот на Институтот за земјотресно инженерство и инженерска сеизмологија Влатко Шешов. Според претседателот на Градежната комора при ССК Ивица Јаќимовски согласно Законот за градба секој учесник во градба сноси кривична одговорност. -Мора секој да поседува соодветни лиценци во делот на изведба, проектирање, надзор. Не треба да се сомневате дека тоа што се гради денеска е неквалитетно. Не треба да значи ако бојата на фасадат избледела тогаш таа градба е неквалитетна, тоа е апсурд. Основата на градбата што објектот го прави да е квалитетн е бетон и железо, се друго е минливо, вели Јаќимовски.

По земјотресите во Албанија, денес информации за квалитетот на градбите во Македонија

Ивона Петрова — Fri, 29 Nov 2019 07:15:40 +0000

Градежната комора при Сојузот на стопански комори и Институтот за земјотресно инженерство денеска ќе информираат за квалитетот и сигурноста на градбите во земјава, за важноста од висококвалитетни градежни материјали и за стабилноста и сеизмичката заштита на градбите. – Природните земјотресни појави кои неделава во Албанија беа со катастрофални последици, не може да се контролираат, но она на што може да влијаеме е квалитетот на градбата, велат од Сојузот на стопански комори. На прес-конференција ќе се обратат претседателот на Градежната комора Ивица Јаќимовски и директорот на Институтот за земјотресно инженерство и инженерска сеизмологија Влатко Шешо

Градежништвото во пад – 48, 6% намалени одобренијата за градење

Ивона Петрова — Fri, 09 Mar 2018 12:32:09 +0000

Според податоците на Државниот завод за статистика, во јануари 2018 се издадени 189 одобренија за градење, што е за 48.6 % помалку во однос на истиот месец од претходната година. Според издадените одобренија за градење, предвидената вредност на објектите изнесува 2 412 194 илјади денари, што е за 54.1 % помалку во однос на истиот месец од претходната година.Намалената предвидена вредност се должи на фактот дека во претходниот период беше издадено одобрение за градење експресен пат во Источниот регион. Од вкупниот број издадени одобренија за градење, 132 (69.8 %) се наменети за објекти од високоградба, 20 (10.6%) за објекти од нискоградба и 37 (19.6 %) за објекти за реконструкција.Од вкупно 189 објекти, на 140 (74.1 %) како инвеститори се јавуваат физички лица, а на 49 (25.9 %) објекти инвеститори се деловни субјекти. Во извештајниот период е предвидена изградба на 233 станови, со вкупна корисна површина од 24 943 м2.