градење – Kurir.mk

Во мај годинава издадени 317 одобренија за градење

Катерина Бојаџиева — Tue, 11 Jul 2023 12:45:16 +0000

Во мај годинава се издадени 317 одобренија за градење, што е за 1,9 проценти помалку во однос на истиот месец од претходната година, објави денеска Државниот завод за статистика. Според издадените одобренија за градење, предвидената вредност на објектите изнесува 5 311 942 000 денари, што е за 23.4 проценти повеќе во однос на истиот месец од претходната година. Од вкупниот број издадени одобренија за градење, 137 (43,2 проценти) се наменети за објекти од високоградба, 119 (37,5 проценти) за објекти од нискоградба и 61 (19,3 проценти) за објекти за реконструкција. Од вкупно 317 објекти, на 142 (44,8 проценти) како инвеститори се јавуваат физички лица, а на 175 (55,2 проценти) објекти инвеститори се деловни субјекти. Во извештајниот период е предвидена изградба на 675 станови, со вкупна корисна површина од 54 646 метри квадратни.

Во април издадени 330 одобренија за градење, 145 за високоградба

Катерина Бојаџиева — Thu, 15 Jun 2023 11:23:00 +0000

Во април годинава се издадени 330 одобренија за градење, што е за 2,1 процент помалку во однос на април лани, објави Државниот завод за статистика. Најмногу одобренија за градење се издадени во Југоисточниот регион - 75, по што следуваат Источниот сo 71, Полошкиот 69, Скопскиот 41,... Според издадените одобренија за градење, предвидената вредност на објектите изнесува 6 841 858 000 денари, што е за 25 проценти повеќе во однос на април претходната година. Од вкупниот број издадени одобренија за градење, 145 (43,9 проценти) се наменети за објекти од високоградба, 119 (36,1 процент) од нискоградба и 66 (20 проценти) за објекти за реконструкција. На 161 од објектите (48,8 проценти), како инвеститори се јавуваат физички лица, а на 169 (51,2 проценти) објекти инвеститори се деловни субјекти. Во извештајниот период е предвидена изградба на 393 станови, со вкупна корисна површина од 37 887 метри квадратни.

Почна расправата по Предлог-измените на Законот за градење на седница на Комисијата за европски прашања

Катерина Бојаџиева — Wed, 17 May 2023 15:43:55 +0000

Членовите на собраниската Комисија за европски прашања денеска ја почна дебатата по Предлог на законот за изменување и дополнување на Законот за градење, по скратена постапка, кој е дел од петте закони потребни за реализација на договорот со „Бехтел и Енка“ за изградба на коридорите 8 и 10д. За овој предлог-закон поднесени се 17 амандмани од страна на пратениците на ВМРО-ДПМНЕ. Во Комисијата почна расправата по првиот амандман за бришење на Член 1 поднесен од пратениците на ВМРО-ДПМНЕ. Миле Лефков, пратеник на ВМРО-ДПМНЕ во образложение на амандманот рече дека тој се предлага бидејќи потребно е градбите од стратешки интерес да се градат согласно постоечкиот Закон за градење, односно да се запази постапката за одобрение за градба, а не со урбанистички проект од стратешки интерес. Заменик-министерот за транспорт и врски, Беким Реџепи истакна дека амандманот не е прифатлив затоа што, како што посочи се уредуваат и други и други објекти од стратешки интерес како што се државни патишта, железници, гасоводи и други јавни објекти. Посочи дека овој амандман ќе се спроведе само за Коридорот 10Д. -Процедурата за стратешки инвестиции не беа регулирани со Законот овде е суштината на измените на овој закон. Станува збор за измени во однос на намалување на времето управни постапки за соодветните документи. Процедурата за стратешки инвестиции претходно не беше регулирано. Има многу закони во Северна Македонија при што за одредени прашања за капитални инвестиции, стратешки инвестиции имаат административни пречки. И ова прашање со овие закони се регулира и токму тоа го правиме, рече Реџепи. Пратениците на ВМРО-ДПМНЕ и за овој предлог-закон забележаа дека не треба да биде доставен со европско знаменце и оти се злоупотребува. Посочија дека се за градење, но обвинија дека се против расипничко трошење на граѓанските пари. Пратениците на опозициската ВМРО-ДПМНЕ обвинија дека се уште Договорот за градење на Коридорите 8 и 10Д не и е доставен на пратениците на разгледување. На ова, претседателот на Комисијата и пратеник на ДУИ, Арбер Адеми истакна дека интегралниот Договор е во Собрание и ги чекаат пратениците на ВМРО-ДПМНЕ да дефинираат време и датум и Комисија на која би се разгледал тој. Посочи дека од опозициската ВМРО-ДПМНЕ кажале дека свиркачи им го доставиле Договорот. Членовите на Комисијата за европски прашања со работа продолжува и попладневните часови.

Турски државјани нелегално граделе во Македонија, еве каква казна следува

Ивана Ефремовски — Wed, 12 Apr 2023 18:57:03 +0000

На 11.04.2023 од страна на ИСР Битола при РЦ за ГР Југ во заедничка акција со Државниот инспекторат за труд, на градилиште во Битола се затекнати три лица турски државјани, како извршуваат градежни работи без да поседуваат работни дозволи. Од страна на ИСР странските државјани се приведени, против нив се поднесени прекршочни пријави и изведени пред Судија за прекршоци. Од страна на Државниот инспектор за труд се превземени соодветни мерки против изведувачот на градежните работи.

Еве како изгледа Турција два месеци по разорниот земјотрес – таму се гради на големо, се знае кога се ќе биде готово! (ФОТО)

Дарко Андоновски — Tue, 11 Apr 2023 09:42:32 +0000

Поминаа два месеци од разорните земјотреси во Турција, а состојбата во деловите од земјата кои претрпеа најголеми загуби полека се нормализира. Властите во провинцијата Хатај веќе започнаа со изградба на нови згради, а една од нив веќе стигна до вториот кат. Министерот за инфраструктура рече дека изградбата на нови куќи и згради ќе заврши за една година. По разорните земјотреси на 6 февруари, на социјалните мрежи почнаа да кружат фотографии од уништени куќи, но само два месеци подоцна ситуацијата е сосема поинаква. Во описот на видеото што го објави министерот за инфраструктура, најавено е дека ќе се градат 9.264 згради и селски куќи, а ќе бидат изградени вкупно 250.862 објекти. Иако некои се сомневаа дека нема шанси куќите да бидат завршени за една година, тој ги увери сите дека ќе биде токму така. Утврдено е дека под раководство на претседателот Реџеп Таип Ердоган, процесот на реконструкција на регионите погодени од катастрофата е брзо спроведен. Констатирано е дека се направени студии за микрозони, како и геолошки истражувања за да се открие отпорноста на почвата на земјотреси и да се процени кои делови се најбезбедни за изградба на куќи. По сите анализи, утврдено е дека куќите ќе се градат на најцврсто тло, а зградите нема да ја надминат висината на приземјето и четири ката. Во меѓувреме, во Караманмараш беа обновени сите гасни инсталации на зградите кои беа оштетени по земјотресот. По поправката, пристап до гасот сега имаат 154.000 корисници.

Зголемен бројот на одобренија за градење

Ивона Петрова — Fri, 10 Sep 2021 10:52:09 +0000

Во јули 2021 година се издадени 446 одобренија за градење што е за 57 отсто повеќе во однос на јули лани. Според издадените одобренија за градење, предвидената вредност на објектите е 9 952 602 000 денари или 97 проценти повеќе. Се планира изградба на 1 945 станови, со вкупна корисна површина од 153 184 метри квадратни. Од вкупниот број издадени одобренија за градење, како што соопшти Државниот завод за статистика, 284 или 63,7 отсто се наменети за објекти од високоградба, 50 или 11,2 отсто се за објекти од нискоградба и 112 или 25,1 процент за објекти за реконструкција. Од вкупно 446 објекти, на 201 или 45,1 отсто како инвеститори се јавуваат физички лица, а на 245 или 54,9 проценти објекти инвеститори се деловни субјекти.

Изградил станбен објект без одобрение за градба – поднесена кривична пријава против 38. годишник од Охрид

Магдалена Андонова — Fri, 27 Aug 2021 15:00:42 +0000

СВР Охрид поднесе кривична пријава против С.М.(38) од Охрид поради постоење основи на сомнение за сторено кривично дело „бесправно градење“. Пријавениот, на парцела во Охрид, како инвеститор, без одобрение за градба изградил станбен објект.

Во декември лани издадени 305 одобренија за градење

Ивона Петрова — Mon, 15 Feb 2021 11:57:40 +0000

Во декември 2020 година се издадени 305 одобренија за градење, што е за 6,6 проценти повеќе во однос на декември лани, објави денеска Државниот завод за статистика. Според издадените одобренија за градење, предвидената вредност на објектите изнесува 3 727 211 000 денари, што е за 7,7 проценти повеќе во однос на истиот месец од претходната година. Од вкупниот број издадени одобренија за градење, 181 (59,3 проценти) се наменети за објекти од високоградба, 37 (12,1 процент) од нискоградба, а 87, односно 28,6 проценти за објекти за реконструкција. Кај 192 објекти инвеститори се физички лица, а на 113 (37,1 процент) инвестираат деловни субјекти. Во извештајниот период е предвидена изградба на 372 станови, со вкупна корисна површина од 32 203 метри квадратни.

По четири месеци од уривањето на дивоградбата повторно се гради кај ТЦ Мавровка

Магдалена Андонова — Tue, 12 Jan 2021 16:20:19 +0000

По четири месеци од уривањето на дивоградбата на местото каде се наоѓаше кафулето „Фонтана“ кај ТЦ Мавровка, повторно „никнаа“ столбови, налик на метални профили, дознава „360 степени“ . Од Општина Чаир, велат дека сопственикот на просторот има право да постави лесна конструкција. „Согласно законот за градење, согласно проектот, сопственикот има дозвола да гo врати објектот во првобитната состојба. Нема бетон, столбовите не се бетонски, тоа е лесна конструкција“, велат од Општината.

Протест на жителите од Пржино

Магдалена Андонова — Sat, 05 Dec 2020 13:11:52 +0000

Мораториум за градење во Пржино е барањето кое денеска до општинските власти го испратија жителите на населбата. Со мирен протест по улиците во Пржино го изразија својот револт, од како што велат неконтролираното градење. Потпишаа петиција за итно поништување на одобрението за градба каде се сруши потпорниот ѕид, како и мораториум на спорните градби на целата територија на населбата Пржино. - Очекуваме советот на општина Кисела Вода да заседава по однос на истите и да бидеме известени во најкус можен рок, но не подолго од два месеци, изјави Јасна Бачовска за Сител.