градежни активности – Kurir.mk

Битола конечно ќе добие стадион- градежни активности на стадион „Под Тумбе Кафе“

Тале Кристо — Wed, 01 Dec 2021 18:31:21 +0000

Изградбата на стадионот, односно на северната трибина од функционална целина стадион "Под Тумбе Кафе" Битола е започната во 2016 година од страна на претходната локална самоуправа предводена од ВМРО-ДПМНЕ, пишува на Фејсбук, лидерот на ВМРО-ДПМНЕ Христијан Мицкоски. -Во моментот во тек се изведуваат градежни активности по забелешките од надзорот. Исто така во тек е постапка тендерска за набавка на столчиња за трибината. Капацитетот на трибината ќе биде 4800 гледачи, а целиот стадион ќе собира 9980 гледачи, додава Мицкоски во својата објава.

Поради градежни активности пренасочен сообраќајот на делница од магистралниот пат А3

Магдалена Андонова — Fri, 12 Nov 2021 09:09:00 +0000

Поради градежни работи на експресниот пат Штип – Кочани, од денеска до 14 ноември ќе биде пренасочен сообраќајот на делница од магистралниот пат А3. Автомотосојузот информира дека сообраќајот на магистралниот пат А3 ќе биде со пренасочен режим на делницата од Компостарата до Подлошката крстосница. – Се повикуваат сите учесници во сообраќајот на зголемено внимание и на почитување на сообраќајната сигнализација за привремен режим, соопшти АМСМ. (МИА)

АМСМ известува дека на овие наплатни станици наредната недела ќе се изведуваат градежни активности

Магдалена Андонова — Sat, 08 May 2021 10:21:25 +0000

На наплатната станица Петровец, во правец Скопје – Петровец, како и на наплатаната станица Миладиновци, во правец Скопје – Миладиновци поставени се знаци за сообраќаен режим, но не е изменет постојаниот тек на сообраќајот. Градежни активности ќе се изведуваат во текот на наредната недела кога ќе има поволни временски услови, соопшти АМСМ. Сообраќајот на државните патишта се одвива непречено по суви коловози. Интензитетот на сообраќај на патните правци надвор од градските средини е умерен. На граничните премини, од македонската страна нема подолги задржувања за влез и за излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони.

Воведен временски режим кај наплатна станица Градско – се изведуваат градежни активности

Магдалена Андонова — Tue, 06 Apr 2021 11:46:43 +0000

Се изведуваат градежни активности на државен пат А1 (Е75) наплатна станица Градско, поради што од денеска до 16 април 2021 е воведен временска режим со цел да може да се рализираат работите. – Во периодот од 6 април 2021 до 16 април 2021 ќе се изведуваат градежни активности на државен пат А1 (Е75) наплатна станица Градско со цел да може да се реализираат работите поставување на патна опрема на наплатни станици за подобрување на безбедноста на сообраќајот. Времениот режим се спроведува согласно Одобрението за времена измена на режим на сообраќај на автопатот А1 и А2, за време на поставување на патна опрема на наплатни станици за подобрување на безбедноста на сообраќајот, соопштија од АМСМ. (МИА)

Општините не ги почитуваат препораките – продолжуваат градежните активности и покрај високото загадување

Дарко Андоновски — Mon, 21 Jan 2019 15:44:24 +0000

Скопските општини не ги почитуваат препораките на градската администрација. И покрај екстремното загадување дозволуваат на терен се уште да траат градежните активности. Камерата на 1ТВ регистрираше неколку случаи, каде во повеќе општини во Скопје продолжуваат градежни работи на објектите. Ова се коси со одлуката на администрацијата на Шилегов која реши да ги стопира градежните активности кои се под нивна надлежност, токму поради високото аерозагадување, објавува 1ТВ. Во вчерашното гостување во централниот дневник на 1ТВ, портпаролот на Град Скопје, Ваљон Салиу изрази надеж дека останатите градоначалници ќе тргнат по стапките на градската администрација, но тоа се уште не се случи. – Секако дека има соработка меѓу градоначалникот на град Скопје и другите градоначалници. Преку летото имавме неколку акции каде што со самите општини ги чистевме истите, успеавме да собереме голем куп на смет што е резултат на нечистењето со години на истите општини. Секако дека во овие денови тоа што е Комунална хигиена работи за град Скопје и ги чисти булеварите и затоа апелираме до сите градоначалници да го следат примерот на град Скопје, поинтензивно да работат на тоа што е нивна надлежност. Не само чистењето на улиците туку и градењето, изјави Салиу. Но освен градските власти мерки за загадувањето донесе и Владата. Со нив се предвидува сите органи на државната управа, агенциите, фондовите, јавните претпријатија во државна сопственост и општините да ја намалат до 50 отсто употребата на службените возила. Се препорачува работодавците да ги ослободат од работа бремените жени, лицата постари од 60 години и лицата со хронична астма, прележан инфаркт или мозочен удар, без разлика на возраста, со препорака на матичен лекар.

Пад на градежните активности за 51.2 %

Ивана Ефремовски — Fri, 13 Apr 2018 15:44:33 +0000

Во февруари годинава се издадени 177 одобренија за градење, што е за 51,2 процента помалку во однос на истиот месец од претходната година, објави денеска Државниот завод за статистика. Според издадените одобренија за градење, предвидената вредност на објектите изнесува 2.319.609.000 денари, што е за 63,6 проценти помалку во однос на истиот месец од претходната година. Намалената предвидена вредност се должи на фактот дека во претходгниот период беше издадено одобрение за градење магистрален транспортен топловод во Пелагонискиот регион. Од вкупниот број издадени одобренија за градење, 119 (67,2 процента) се наменети за објекти од високоградба, 22 (12,4 проценти) за нискоградба и 36 (20,4 проценти) за објекти за реконструкција. Кај 123 објекти (69,5 проценти) како инвеститори се јавуваат физички лица, а на 54 (30,5 проценти) се деловни субјекти. Во извештајниот период е предвидена изградба на 610 станови, со вкупна корисна површина од 46 493 метри квадратни.