градежни работници – Kurir.mk

Во тетовска Шипковица животите ги загубија двајца градежни работници

Катерина Бојаџиева — Fri, 14 Jul 2023 17:07:13 +0000

Градежни работници на 50 и 63 години ги загубија животите попладнево додека работеле во тетовска Шипковица. Според првичните информации на СВР Тетово настрадале А.А.(63) од тетовско Селце и Џ. Ц.(50) од Република Албанија. - Денес во 15 часот и 45 минути во СВР Тетово пријавено е дека две лица додека изведувале градежни работи во тетовското село Шипковица, се здобиле со тешки телесни повреди од кои починале. Лекари од Итната медицинска помош констатирале смрт кај нив. Јавен обвинител и екипа од СВР Тетово вршат увид и се утврдуваат сите поединости поврзани со овој случај, информира Марјан Јосифоски, портпрол на СВР Тетово. Тој информира дека на местото на несреќниот случај присутни се и тетовските пожарникари и претставници од Државниот трудов инспекторат.

Повредени двајца градежни работници

Ивана Ефремовски — Mon, 14 Sep 2020 14:29:53 +0000

На 13.09.2020 во 12:20 часот во Одделението за внатрешни работи Кочани, од кочанската Општа болница било пријавено дека околу 11:30 часот во с.Чифлик, при изведување на градежни работи со повреди се здобиле М.Е.(61) и Д.Г.(68), двајцата од Скопје. Притоа, кај М.Е. во болницата била констатирана тешка телесна повреда, додека кај Д.Г. телесна повреда. Увид на местото извршила увидна екипа на Одделението за внатрешни работи Кочани.

Изработен прирачник за заштита на градежните работници од Ковид-19

Ивона Петрова — Thu, 09 Apr 2020 09:14:21 +0000

Синдикатот на работниците од градежништвото, индустријата и проектитањето заедно со Македонското здружение за заштита при работа изработи „Водилка за безбедност и здравје при работа во градежништвото за превенција од коронавирусот“. Во прирачникот се содржани основните препораки и мерки за заштита од коронавирусот кои треба да ги почитуваат работодавачите и работниците во градежништвото. Меѓу другото се препорачува редовно одржување на личната хигиена, носење на заштитна опрема, држење на социјална дистанца, редовна дезинфекција на облеката, алатот и работниот простор, ограничување на непотребното движење меѓу локациите, контејнерите и канцелариите, како и обезбедување на посебен буџет во компанијата кој ќе биде наменски користен за справување со пандемијата. Како и во сите останати сектори, така и во градежништвото се очекуваат загуби заради ограничувањата на работната сила, затварање на градилиштата и можните болни работници. – Проблемот е навистина голем и трпи последици по економијата и работниците. Мораме да се бориме заеднички, бидејќи токму секторот градежништво е еден носечки столб во економијата и главен двигател на бруто домашниот производ. Статистиката вели дека опфаќаме број од над 50 илјади вработени во секторот и затоа мора да внимаваме да не дојде до колапс, велат од Синдикатот. Прирачникот ќе биде достапен на веб страниците на Сојузот на синдикати на Македонија и на Македонското здружение за заштита при работа, како и на Фејсбук и Јутјуб каналите

Градежни работници на +48 степени работат без престан во Скопје- надлежните инспекции се „штитат“ од сонцето под клима (ФОТО)

Дарко Андоновски — Tue, 13 Aug 2019 15:14:52 +0000

Во групата „Ѕидот на сообраќајниот срам“ се појави видео на кое се гледа како за време на топлотниот бран од кој веќе со денови е зафатена Македонија се извршуваат градежни работи без престан. Имено како што е наведено во постот на +48 степени не се престанува со работа и копање на новата улица во Скопје Север. Надлежните институции како и целокупната власт веќе со денови не се на терен и не преземаат ништо за заштита на работниците, напротив тие под клима седат наместо на терен, велат граѓаните преку социјалните мрежи. -Не знаев кај да го постирам, ама морав некаде.. Ако мислите дека има каде на друго место да се постира за повеќе луѓе да го видат слободно share...СПИЕТЕ ЛИ ВИЕ ОД ВЛАСТА МИРНО НАВЕЧЕР?? Денес на ладничко сте???? ..48с на сонце. 16h ..не се престанати со работа денес...греота се луѓето не се од камен... копаат за новата улица во Скопје Север, стои во постот во групата на Фејсбук.

За власта и Шилегов не важат законите: Работници и на +40 степени активно работат на „Партизанска“ за собирање политички поени

Дарко Андоновски — Thu, 04 Jul 2019 09:55:04 +0000

Социјалните мрежи се преполни со коментари и критика кон властите кои се изживува со работниците среде топлото време во Скопје. Имено овие денови Македонија ја зафати топлотен бран од жолта фаза со што се препорачува почитување на сите препораки во вакви услови. Според коментарите на социјалните мрежи работниците работат на +40 степени заради тоа што Петре Шилегов сака по секоја цена да покаже некакви „резултати“ пред скопјани и да го подобри катастрофалниот рејтинг на Заев и СДСМ. Засега нема информација зошто Државниот инспекторат за труд се уште не е на терен и не изрекува забрана за работа утврдена со Законот за безбедност и здравје при работа, поради утврдената непосредна опасност по здравјето на вработените поради високите температури и зголеменото УВ- зрачење. -Скопје- по „Партизанска“, жешко ама тие душички работат, се само дел од коментарите кои ги споделуваат корисниците на социјалните мрежи. Инаку забраната би требало да важи од 11 до 17 часот, а фотографиите се направени во периодот што е измеѓу забранетото време предвидено со закон.

Нападнал градежни работници бидејќи не му го ослободиле патот

Ивана Ефремовски — Wed, 27 Jun 2018 10:49:51 +0000

На 26.06.2018 година во 11:10 часот во Секторот за внатрешни работи Скопје А.П.(61) и Ќ.С.(29) пријавиле дека биле физички нападнати од страна на М.Х.(61) од Скопје. Физичкиот напад бил извршен додека двајцата пријавители извршувале градежни работи на булевар „Крсте Мисирков“ каде дошол М.Х. и со возило сакал да помине на местото каде што се извршувале работите и бидејќи не сакал да чека да се ослободи патот, физички ги нападнал. Извршен бил разговор со пријавениот и бил земен записник по член 12 од Законот за прекршоците против јавниот ред и мир.