Градот Скопје – Kurir.mk

Предложени повеќе проекти и иницијативи на четвртата седница на Градскиот еко совет

Катерина Бојаџиева — Thu, 28 Apr 2022 18:53:27 +0000

Денеска во просториите на Градот Скопје се одржа четвртата седница на Градскиот еко совет, на кои присутните членови дискутираа за повеќе теми од области кои се дел од делокругот на работа на ова тело. На денешната седница Градскиот еко совет дискутираше за повеќе иницијативи и предлози, како што се предлог-иницијатива за дисперзирано производство на електрична енергија. На седницата беше предложено и формирање на интерсекторска група која би била задолжена да работи во насока на добивање на еколошкиот јавен превоз во Скопје, како и нови и подобри инфраструктурни и сообраќани решенија. Градскиот еко совет има за цел да ја подобри заштитата на животната средина во градот, да креира политики за спроведување активности за поставување системски решенија за намалување на загаденоста, како и поставување нови стандарди за заштитата на животната средина. Советот е составен од дваесет и пет експерти и претставници на граѓанскиот сектор од областа на урбаното планирање, урбанизмот, архитектурата, сообраќајот, енергетиката и заштитата на животната средина. Овој Совет има за цел да креира политики од областа на екологијата, сообраќајот, урбаното планирање, да предлага стратегии и да дава совети за развојот на Скопје.

Градот Скопје со поддршка на дневните центри за лица со интелектуална попреченост Порака

Тале Кристо — Wed, 02 Feb 2022 14:22:50 +0000

Градот Скопје и Центарот за поддршка на лица со интелектуална попреченост „Порака Скопје“ склучија договор за поддршка на двата дневни центри за лица со интелектуална попреченост кои се наоѓаат во населбите Аеродром и Капиштец, што е предвидено во Програмата за активностите во областа на социјалната, детската и здравствената заштита во Град Скопје, за 2022 година. Дневните центри обезбедуваат поддршка на лицата со интелектуална попреченост на дневна основа, обука за усвојување и усовршување вештини за самостојно живеење, работно-окупациони програми, образовни програми и социјални активности. Дел од програмските активности се и комуникација и социјализација во група и надвор од неа, физикална рехабилитација, тренинг програми за развивање вештини за културно творештво, оспособување за работа на компјутер и компјутерски програми, тренинг програма за усвојување традиционални занаети и друго. Дневниот центар во Аеродром што се наоѓа на булеварот Јане Сандански бр. 70, лок. 1, зад ТЦ „Бисер“, работи секој работен ден, од 7 до 16:30 часот. Центарот во Капиштец за лица со интелектуална попреченост над 18-годишна возраст, се наоѓа на улицата Васил Ѓоргов број 4.

Собраниска делегација ќе положи венци свежо цвеќе по повод 13-ти Ноември

Ивана Ефремовски — Fri, 12 Nov 2021 14:40:47 +0000

По повод 13 Ноември - Денот на ослободување на Градот Скопје, собраниска делегација во состав: Марија Георгиевска, Жаклина Пешевска и Даниела Марковска, ќе положи венци свежо цвеќе и тоа:

11:00 часот - Градски гробишта „Бутел“, на Партизанските гробишта;
11:30 часот - Алејата на великаните, Градски гробишта „ Бутел“, на гробот на генералот Михајло Апостолски;
12:30 часот - Пред Владата на Република Македонија, Споменик на ослободителите на Скопје.