градска болница – Kurir.mk

Клиниката „Св. Наум Охридски” – Скопје одбележува 60 години постоење

Ивона Петрова — Tue, 18 Oct 2022 06:17:19 +0000

По повод 60 години од основањето на Универзитетската клиника за хируршки болести „Св.Наум Охридски” – Скопје, денеска ќе се одржи свечена академија. Универзитетската Клиника за хируршки болести „Свети Наум Охридски“ – Скопје веќе 60 години со успех функционира во дијагностицирањето и третманот на хируршките болни како значаен дел во системот на јавните здравствени институции. Во просторните капацитети на Kлиниката со површина од 7500 метри квадратни и капацитет за 100 лежечки болни, годишно се извршуваат повеќе од 200.000 амбулантско поликлинички услуги, прегледи, интервенции и дијагностички процедури. Се хоспитализираат околу 6000 пациенти и се извршуваат повеќе од 3800 оперативни зафати. Клиниката денес претставува современа хируршка установа чија кадровска структура е со вкупен број од 322 вработени.

ФОТО: Требаше да дојде втор круг од изборите за да се асфалтира паркингот кај градската болница

Дарко Андоновски — Thu, 21 Oct 2021 11:25:48 +0000

И додека власта се препотува од изборниот пораз во првиот круг од изборите во речиси 90 проценти од општините и градовите, во паника градоначалникот на Центар и Скопје прават секакви напори да се остави добар впечаток пред граѓаните. Особено само неколку дена пред вториот круг актуелните градоначалници од СДСМ се одлучија да го асфалтираат паркингот пред градската болница во центарот на Скопје. Инаку вториот круг помеѓу кандидатите на ВМРО-ДПМНЕ и СДСМ ќе се случат за точно 10 дена од денес, на 31 октомври.

Од МВР за ТВ21 за инцидентот: Две лица повредени, едното на итна операција поради сериозноста на повредите

Магдалена Андонова — Thu, 14 Jan 2021 13:50:03 +0000

МВР се огласи по повод денешниот инцидент. Од МВР за ТВ21 потврдија дека имало инцидент и дека се случил во селото Љубош, при што повредени се две лица, од кои едното со посериозни повреди. - Денеска во 13.04 часот во СВР Скопје било пријавено дека пред деловен објект во с.Љубош бил нарушен јавниот ред и мир помеѓу К.Н. и К.Х., од една страна и Н.Р. и М.Р., од друга, при што било употребено и огнено оружје. Притоа со повреди се здобиле К.Н. и М.Р., кои биле пренесени во Градската општа болница „Св.Наум Охридски“ за укажување на лекарска помош. Четирите лица се обезбедени, како и нивните возила и оружјето, а по целосно расчистување и документирање на случајот ќе биде поднесен соодветен поднесок, велат од МВР за инцидентот.

ХАОС ПРЕД ГРАДСКА БОЛНИЦА – влетал со голф 5 и вперил пиштол во полицијата, едно лице е рането

Магдалена Андонова — Thu, 14 Jan 2021 13:09:07 +0000

Во моментов има голем број на полициски возила и службеници пред Градската болница „Св. Наум Охридски“ во Скопје, пишува Локално.мк Од извори на лице место, се работи за возило марка Голф 5 кое влетало во болницата, а потоа и едно лице извадило пиштол и го вперило во полицијата. Како што дознаваме, се работи за нерасчистени сметки помеѓу две семејства, по што се случик Обид за убиство прво во населбата Цементара. По инцидентот, рането лице било донесено со возилото во Градската болница. Се работи на расчистување на случајот.

МВР со детали за тепачката пред стара Градска

Ивона Петрова — Mon, 10 Aug 2020 09:07:56 +0000

Од Министерството за внатрешни работи информираат дека вчера во 21.00 часот Б.К.(27) од Скопје пријавил дека околу 19.00 часот на ул.„11 Октомври“, пред Градската општа болница „Св.Наум Охридски“, бил физички нападнат од Џ.Б.(24) од Скопје. -Според пријавеното, на нападот му претходела расправија поради претходно случена сообраќајна незгода во Шуто Оризари, во која бил повреден малолетник, информираат од МВР. Сочинет е записник за констатиран прекршок по чл.12 од ЗППЈРМ.

ВИДЕО: Полицијата ги приведе учесниците во инцидентот пред Градска болница

Ивана Ефремовски — Sun, 09 Aug 2020 19:48:59 +0000

Инцидент вечерва пред болницата за хируршки болести Св.Наум Охридски во центарот на Скопје во кој интервенираше и полицијата и приведе и неколку лица. Од МВР информираат дека била повикана полиција поради инцидент во кој учествувале членови на семејства и роднини, предизвикале сообраќајна несреќа во која било повредено дете. Неофицијално, таткото на детето физички го нападнал човекот кој го возел автомобилот кој удрил во неговото дете. Потоа возачот повикал неколку лица кои го нападнале таткото на детето. Тогаш настанала масовна тепачка, а било фрлано со предмети и кон полицајците кои дошле да интервенираат. Детето е во болница, а неговиот татко и други лица се приведени. Состојбата на детето, како што неофицијално дознаваме не е животозагрозувачка.

Детето во болница, татко му е приведен: Еве како дошло до инцидентот пред стара Градска

Ивана Ефремовски — Sun, 09 Aug 2020 19:20:24 +0000

Голема тепачка се случи пред Градската болница. Како што неофицијално дознава Фактор, тепачката настанала откако било со автомобил прегазено дете. Но, таткото на детето почнал да го тепа човекот што го прегазил. Тоа било причина во болници да заврши и детето, но и оној што го прегазил, бидејќи и тој бил повреден, дознава порталот. -Настанала општа тепачка, откако пријатели на оној што го прегазил детето дошле да се пресметаат со неговиот татко кој физички го нападнал. Тепачката се префрлила и во Градска болница. Затоа морале да интервенираат и медицински екипи. Дошле и Алфи, но разјарената група фрлала со камења и по нив, објави Фактор. По сите овие настани таткото на детото е приведен. Возачот што го удрил детето, заедно со детето се задржани во Градска болница на иследување, велат извори на Фактор. Детето не е во животно загрозувачка состојба и е надвор од животна опасност. Не е повреден никој од персоналот на болницата.

Има повредени и приведени: Детали за инцидентот пред Градска болница (ВИДЕО)

Ивана Ефремовски — Sun, 09 Aug 2020 19:04:22 +0000

Инцидент вечерва пред болницата за хируршки болести Св.Наум Охридски во центарот на Скопје во кој интервенираше и полицијата и приведе и неколку лица. Од МВР информираат дека била повикана полиција поради инцидент во кој учествувале членови на семејства и роднини, предизвикале сообраќајна несреќа во која било повредено дете. Полицијата се уште е на терен, а повеќе детали најавуваат откако ќе заврши увидот. На снимките кои ги доби Сител се гледа силно полициско присуство, а полицајците приведуваат и неколку лица. Според тврдењата на очевидци пред да пристигне полицијата се слушала гласна расправија и удари од пред влезот на болницата.

Голем инцидент вечерва пред Градска болница: Дете повредено во сообраќајка, се степале две семејства

Ивана Ефремовски — Sun, 09 Aug 2020 18:53:47 +0000

Кај старата градска болница настанал инцидент меѓу две семејства, а интервенирала и полицијата.

„Во близина на стара Градска болница дошло до нарушување на јавниот ред и мир од страна на членови на две семејства при претходно случена сообраќајна незгода во која, според првичните сознанија, било удрено дете“, велат од МВР, пренесе ТВ 21. Екипи на МВР се излезени на лице место на увид со цел утврдување на детали околу настанот.

Почина маж во Градската болница- од Завод за рехабилитација бил донесен во лоша здаствена состојба

Дарко Андоновски — Mon, 13 Apr 2020 12:12:34 +0000

Маж почина во Градската болница, откако претходно бил донесен во лоша здравствена состојба од заводот за рехабилитација.

Вчера во 19.30 часот во СВР Скопје било пријавено дека во Градската општа болница „Свети Наум Охридски“ од Завод за рехабилитација бил донесен З.С.(46) од Скопје, во лоша здравствена состојба, кој по направена реанимација, починал.

Увид на местото на настанот извршила екипа од СВР Скопје. По насока на Јавен обвинител телото на починатиот е предадено на обдукција.