градски базен – Kurir.mk

Реконструиран градскиот базен „Атина Бојаџи“

Ивона Петрова — Wed, 29 Jun 2022 11:59:36 +0000

Реконструираниот градски базен „Атина Бојаџи“ наскоро ќе почне со работа, информира градоначалникот на Општина Охрид, Кирил Пецаков. Според него, санирани и исфарбани се коритата на олимпискиот и детскиот базен, а уредени се и трибините. Тој посочи дека со работа ќе почнат и пливачките школи за млади. – Ова се прави првенствено за пливачките школи да може да тренираат, бидејќи пливањето е еден од најдобрите спортови за развој на нашите деца. Охрид порано бил расадник на млади и успешни пливачи, а нашата цел е тоа да се возобнови, вели Пецаков. После 20 години, нагласува, Охрид повторно ќе биде домаќин на Државно првенство во пливање, на кое покровител е Локалната самоуправа. – Од 15 до 18 јули ќе се организира првенство со што ќе настапат најдобрите пливачи од Македонија, за сите генерации. На тоа првенство ќе можат да остваруваат резултатите кои во иднина ќе може да ги користат за добивање стипендии и тајминзи за настапи на европски и светски првенства, појасни градоначалникот. Отворениот базен „Атина Бојаџи“, додаде, во јули ќе биде домаќин и на Меѓународен митинг на кој ќе настапат пливачи од Србија, Бугарија и Македонија, во организација на Пливачкиот клуб „Аква спирит“.

Пецаков: Започна реконструкција на Градскиот базен „Атина Бојаџи“

Тале Кристо — Thu, 09 Jun 2022 18:12:16 +0000

Започнуваме со реконструкција на Градскиот базен „Атина Бојаџи“, објави на социјалната мрежа на Фејсбук градоначалникот на Охрид Кирил Пецаков. -Согласно проектот се изврши расчистување и уредување на целиот простор на Градскиот базен. Со проектот предвидено е да се изврши подготовка, односно пескарење на површините пред нанесување на заштитна обвивка. Понатака следува премачквање со специјализирана боја за оваа намена во два слоја. Трибините кај големиот базен кои се уништени ќе бидат санирани и оспособени за користење. Просторот околу малиот и големиот базен дополнително ќе биде хортикултурно уреден, а ќе бидат поставени и клупи и чадори. И во наредниот период продолжуваме со инвестиции во спортската инфраструктура во СРЦ „Билјанини извори“, пишува во својата објава Пецаков.

ФОТО: Од денес започна со работа градскиот базен во Кавадарци

Дарко Андоновски — Mon, 11 Jun 2018 17:52:27 +0000

Од денес започна со работа Градскиот базен во Кавадарци. Градоначалникот на Кавадарци, Митко Јанчев на својот Фејсбук профил и официјално го промовираше градскиот базен за рекреација за сите возрасти. Оваа година базенот е со подобрени услови и нов изглед, фотографиите можете да ги погледнете во продолжение.