градски комитет – Kurir.mk

Градски комитет на ВМРО-ДПМНЕ Скопје, со настан под мотото „Скопје за сите“ во Мош бар, одбележува 60 години рокенрол во Скопје

Тале Кристо — Tue, 27 Jun 2023 15:38:32 +0000

Градскиот Комитет Скопје на ВМРО-ДПМНЕ Ве поканува на 28.06.2023 во Mosh bar со почеток од 20:30 часот на настан под мотото „Скопје за сите!“, а по повод формирање на новиот Градски комитет Скопје. После низа активности на терен, средби со граѓани, како и успешно завршената акција Иницијативи за Скопје, решивме да направиме и еден ваков настан од културен карактер, со цел да поддржиме еден за нас многу значаен проект. Станува збор за еден неформален јубилеј, 60 години рокенрол во Скопје. Со овој настан сакаме да ја искажеме нашата почит и благодарност кон музичарот Горан Трајкоски - Готра чија монографија е дел од овој проект и да дадеме иницијален придонес кон напорите за нејзино издавање и печатење. Градски Комитет Скопје ќе продолжи и во иднина да ги промовира и помага сите иницијативи за зачувување и афирмација на македонската музика и нејзина успешна промоција дома и во странство.

Протест на градскиот комитет на ВМРО-ДПМНЕ во сабота: „Здравје, а не провизии!“

Магдалена Андонова — Tue, 23 Mar 2021 17:27:51 +0000

3.500 починати поради корона. Провизии за вакцини преку фантом фирми, а вакцини нема. Сведоштва за тоа дека пациенти умираат, а кислород нема. Болниците не можат да одговорат за потребите на сите пациенти, докторите го даваат максимумот, но министерот не, стои во соопштението на ВМРО-ДПМНЕ. - Денес починаа 25 луѓе. Овие животи можеа да бидат спасени, доколку министерот за здравство Филипче обезбедеше вакцини. Имаме полициски час кој е воведен како алиби дека се прави нешто, но резултати нема. Главниот проблем е што немаме систем, а имаме скандали. Системот не функционира затоа што министерството за здравство има помешани приоритети. Затоа ГРАДСКИОТ КОМИТЕТ НА ВМРО-ДПМНЕ ќе организира ПРОТЕСТ во сабота 27 март со почеток во 11.30 часот пред министерството за здравство, велат од партијата. - Овој протест е под мото “Здравје, а не провизии!!!”- Оставка на Филипче! Одговорност затоа што здравството не функционира, затоа што не смее да се молчи на неправдите, грешките, немањето на одговорност, за системот кој не функционира. Не смееме повеќе само да се бројат жртвите и да останеме без одговор на губењето животи. Аплауз за докторите, уаа за Филипче, посочуваат од ВМРО-ДПМНЕ.

Градскиот Комитет на УМС на ВМРО-ДПМНЕ Скопје организираше турнир во мал фудбал

Тале Кристо — Sun, 15 Dec 2019 18:19:02 +0000

Денес како Градски Комитет на УМС на ВМРО-ДПМНЕ организиравме турнир во мал фудбал во спортскиот центар Форца каде учествуваа 16 тимови, стои во објавата на нивната страница на Фејсбук. Целиот настан помина во позитивна атмосфера каде што играчите на сите екипи имаа шанса да се дружат, а и да ги покажат своите фудбалски вештини. Честитки до победникот, тимот на Бутел 1, како и до сите останати учесници на овој турнир. Второто место го освои екипата Бутел 2, а третото тимот Кисела Вода 1. На турнирот присуствуваше и ги додели пофалниците потпретседателот на УМС Искра Крстевска.