градски парк – Kurir.mk

Скопјанец нападнат од неколку лица во Градски парк

Ивана Ефремовски — Sun, 10 Sep 2023 20:32:03 +0000

На 10.09.2023 во 22:45 часот во Полициска станица Центар, М.К.(27) од Скопје пријавил дека околу 22:00 часот во Градскиот парк во Скопје бил физички нападнат од неколку лица. Се работи на расчистување на случајот.

Малолетничка нападната во Градски парк

Ивана Ефремовски — Fri, 01 Sep 2023 14:59:15 +0000

На 31.08.2023 во 11:40 часот во Полициската станица Карпош, О.Н.(49) од с.Јурумлери, скопско, пријавил дека на 26.08.2023 во 23.30 часот во Градски парк Скопје, неговата малолетна ќерка била физички нападната од едно женско лице. Се преземаат мерки за расчистување на случајот.

Нападнат и ограбен украински државјанин во Градскиот парк

Катерина Бојаџиева — Tue, 08 Aug 2023 15:25:43 +0000

Ноќеска, околу 40 минути по полноќ, во СВР Скопје, од Комплекс клиники „Мајка Тереза“ било пријавено дека кај нив со повреди бил донесен Х.Л. од Украина. Според пријавеното, тој во Градски парк во Скопје бил физички нападнат од неколку лица, кои потоа му одзеле паричник со лични документи, пари и мобилен телефон. Се преземаат мерки за расчистување на случајот, наведуваат од МВР.

Млад скопјанец нападнат и ограбен во Градски парк

Ивана Ефремовски — Fri, 28 Jul 2023 16:17:44 +0000

На 27.07.2023 во 23:40 часот во СВР Скопје, И.А.(20) од Скопје пријавил дека околу 20:00 часот во Градскиот парк во Скопје бил физички нападнат од неколку лица, при што едно од нив му го одзел ранецот во кој имал пари, документи и други предмети. Се преземаат мерки за расчистување на случајот.

Вовчето „Мечо“, некогашната битолска атракција за најмладите тргна низ гратскиот

Тале Кристо — Sat, 10 Jun 2023 12:59:33 +0000

Електричното вовче „Мечо“, утринава тргна низ Градскиот парк. Набавката на вовчето и неговото ставање во функција ги реализираше Општина Битола во соработка со ЈП Паркинзи, со цел враќање на некогашната атракција за најмладите и создавање на нови можности за нивна забава и рекреација. Во активностите кои се дел од функционалноста, како општествено одговорна компанија се вклучи и IWCONNECT. Градоначалникот на општина Битола, Тони Коњановски, им посака многу среќни мигови на најмладите, за кои и е наменето вовчето „Мечо“. „Денес сме на еден прекрасен настан во Градскиот парк во Битола. После 25 години, повторно ја враќаме традицијата, која што беше многу значајна за Битола. „Мечо“, повторно стартува во Битола. Ова е еден мал придонес за градот, на задоволство на најмладите, на нивните родители, на сите добронамерни граѓани, кои се радуваат на овој настан. Би сакал да се заблагодарам на советниците од Советот на општина Битола, што ја поддржаа оваа иницијатива, на напорот кој го вложи ЈП Паркинзи, да тргне оваа наша мала битолска атракција. Ова е само една од сите добри работи кои ги правиме со заедничка соработка, како со јавното претпријатие, така и со бизнис секторот за што сакам да се заблагодарам на IWCONNECT за нивното вклучување и продолжување на соработката која ја започнавме минатата година. Ги поканувам и сите други општествено одговорни компании, да продолжат да работат на овој начин, а ние како локална самоуправа сме отворени за соработка“, изјави градоначалникот на општина Битола, Тони Коњановски. Со поддршка на IWCONNECT, во понатамошниот период, ќе се организираат бесплатни возења за посебни категории на семејства. „Како општествено одговорна компанија IWCONNECT постојано инвестира во заедницата. Мило ни е што и ние сме дел од овој проект и сакам да им се заблагодарам на Општина Битола и ЈП Паркинзи за нашето вклучување. Учеството на IWCONNECT е во градење на билетарницата, како и во организирање на бесплатни возења за посебни категории на семејства. За бесплатните возења битолчани ќе бидат навремено информирани. Сите се сеќаваме на „Мечо“ и сите сакаме да ги гледаме нашите деца како се возат во „Мечо“ и да ги гледаме нивните среќни и насмеани лица. Со среќа да ни е и да гледаме што повеќе насмеани лица“, изјави Андријана Димитриевска, специјалист за комуникации и маркетинг во компанијата „IWCONNECT“. Директорот на ЈП Паркинзи, ги повика најмладите да бидат дел од промотивните бесплатни возења кои ќе следуваат. „Голема благодарност до Општина Битола за издвоените средства и IWCONNECT за целата поддршка во која се вклучуваат за користењето на „Мечо“, како и на сите кои дојдоа да ни го разубават денот. Ги поканувам сите, на промотивните бесплатни возења во наредниот период. Општина Битола со ЈП Паркинзи има неколку проекти, меѓу кои: реконструкцијата на паркингот кај Спортската сала, осовременувањето на новите паркинзи, како и други проекти“, изјави Зоран Михајловски, директор на ЈП Паркинзи. Промотивните возења ќе продолжат од 10:00 часот до пладне, од вторник до недела.

Млада жена пријавила дека едно лице ја допирало по телото во Градски парк

Ивана Ефремовски — Sat, 27 May 2023 16:15:05 +0000

На 24.05.2023 25-годишна жена пријавила дека околу 02:00 часот во Градскиот парк во Скопје, била допирана по телото од едно лице. Се преземаат мерки за расчистување на случајот.

Почнува чистење на езерцата и каналите во Градскиот парк

Ивана Ефремовски — Mon, 15 May 2023 05:45:45 +0000

Екипи на ЈП „Улици и патишта“, по налог на Град Скопје, од денеска почнуваат со чистење на езерцата и каналите во Градскиот парк, што ќе се одвива во неколку фази. -Согласно Програмата за одржување на коритото на река Вардар, нејзините притоки, отворените канали, езерца и канали во Градскиот парк, по налог на Град Скопје екипи на јавното претпријатие „Улици и патишта“ започнуваат со активностите за комплетно чистење на каналите и езерцата во првиот и во вториот дел од Градскиот парк, кои не се чистени околу пет години. Подготвителните активности за чистење на езерцата веќе се во тек, а екипите од понеделник ќе ги отпочнат активностите за чистење кои ќе се одвиваат во неколку фази, информираат од ЈП „Улици и патишта“. Во првата фаза се стопира дотокот на вода и се заловува и згрижува рибниот фонд во соодветни услови за чување се до негово повторно враќање. -Со пумпи се вади останатата количина на вода во езерата и се суши површината, по што во втората фаза следува машинско чистење на езерцата од лисја, отпадоци, мил и наноси од земја. Се чисти и каналот по кој тече вода во езерскиот систем во паркот по што во завршната фаза се полнат езерата, објаснуваат од јавното претпријатие. Активностите за чистење на езерцата во Градскиот парк ќе се изведуваат и во наредниот период, а ЈП „Улици и патишта“-Скопје апелира до граѓаните да не фрлаат отпадоци во каналите и во езерцата и да ја одржуваат хигиената на зелените површини во паркот. (МИА)

Малолетници нападнати во Градскиот парк во Скопје

Ивона Петрова — Sun, 23 Apr 2023 16:00:12 +0000

Во два одделни случаи во Градскиот парк во Скопје синоќа биле нападнати неколку малолетници. Како што соопшти МВР, првиот случај утрово, во 00:20 часот, во полиција го пријавил В.Г.(44) од Скопје. Според пријавата, синоќа околу 22.45 часот во Градскиот парк во Скопје неговиот малолетен син бил физички нападнат од друг малолетник. Во вториот случај, пак, во Градскиот парк малолетници со закана од друг малолетник одзеле пари. Случајот во полиција утрово, во 00:40 часот, го пријавил Д.Т.(41) од Скопје, татко на оштетениот малолетник. Полицијата презема мерки за расчистување на случааите.

Украден е дел од споменикот на Орце Николов во Градскиот парк

Дарко Андоновски — Wed, 15 Mar 2023 20:40:44 +0000

Полицијата соопшти дека е украден дел од споменикот на Орце Николов во Градскиот парк во Скопје. Случајот е пријавен вчера утрото околу 09.30 часот. Полицијата преземаат мерки за расчистување на случајот. И во минатото имаше оштетување на бисти во Градскиот парк.

Малолетници нападнале тинејџер во Градски парк

Ивана Ефремовски — Fri, 11 Nov 2022 16:08:17 +0000

На 11.11.2022 на подрачјето на Центар од полициски службеници од СВР Скопје лишени од слобода се четворица малолетници од Скопје. Тие се приведени по пријава од Д.С.(19) од Скопје според која на 10.11.2022 околу 22:15 часот во Градскиот парк во близина на фонтаната малолетниците физички го нападнале. По целосно документирање на случајот ќе биде поднесен соодветен поднесок.