градски пазар – Kurir.mk

Во финална фаза градежните работи од долниот затворен дел од Градскиот пазар во Велес

Тале Кристо — Thu, 27 Apr 2023 15:54:25 +0000

Интензивно се работи на повеќе позиции на долниот затворен дел од Градскиот пазар во Велес и остварување на заложбите за што побрзо да биде ставен во функција, информираат од Општина Велес. - И покрај сите предизвици со подземната инфраструктура и економската и енергетската криза со кои се соочивме, градежните активности се во финална фаза. Со завршувањето на оваа фаза трговците и посетителите ќе добијат модерен пазар, истакнуваат од Општина Велес. Горниот затворен дел од Градскиот пазар во Велес, кој всушност е една голема настрешница под која се поставени тезги за зеленчук, овошје и друго, беше направена и веќе е во функција пред една и пол година.

Колев во работна посета на Градскиот пазар во Велес

Магдалена Андонова — Wed, 03 Nov 2021 15:05:14 +0000

Денеска бев во работна посета на Градскиот пазар и направив увид во текот на градежните активности на фаза 2 од пазарот. Остварив средба со изведувачот на градежните зафати „Друштво за градежништво, трговија и услуги БАУЕР БГ ДОО Скопје“ и надзорниот орган од „МБМ Инженеринг“, стои во Гејсбук објавата на новиот градоначалник на Велес, Марко Колев. Тој напиша дека на состанокот укажале на потребата од забрзување на динамиката на работните активности со цел што поскоро да се изгради пазарот и да се создадат соодветни услови за работа за продавачите на земјоделски и други производи. - Истовремено се договоривме до Општина Велес да достават нов динамичен план на работни активности, додаде Колев во својата објава.

Во тек е изградба на нов градски пазар во Кавадарци

Ивона Петрова — Mon, 25 Oct 2021 12:57:21 +0000

Во тек е изградбата на нов градски пазар во Кавадарци. Од локалната самоуправа попладнево во соопштение наведоа дека е во тек бетонирање на градски пазар и поставување нова фекална канализација. -Градскиот зелен пазар полека го добива својот нов лик. Се гради современ покриен зелен пазар со две нивоа за паркирање и едно ниво за продажба на свежи зелени производи, како и производи кои бараат посебни услови, велат од општината. Укажуваат дека додека се гради новиот пазар на старата локација во централното градско подрачје, кавадарчани може да пазаруваат на алтернативен пазар. Од општината нагласуваат дека во иднина можност за пазарување ќе има и на двете локации.