градски стадион – Kurir.mk

Ова е директорот од НСДП од Битола под чија надлежност е Градскиот стадион (ФОТО)

Ивона Петрова — Sun, 10 Sep 2023 11:17:45 +0000

Деновиве главна тема меѓу фудбалските фанови е Градскиот стадион или по ново Арената „Тоше Проески“. Овој стадион од гордост на Македонија стана ругло и главна вест во Италија откако тамошните медиуми ја снимија тревата на стадионот која личи на нива. -Се прашувате кој е надежен за стадионот. Тоа АД за иградба и стопанискување со станбен и деловен простор од значење на републиката-Скопје. Ова претпијатије е под директна надлежност на Владата. На прв јули 2022 година за Генерален директор беше избран Зоран Георгиев од Битола од НСДСП, откако претходно Владата го именуваше за извршен член на Бордот на директори на акционерското друштво, пишува порталот Пресинг.

НСДП на својата интернет странца си се пофалила дека Георгиев е избран за директор кој сега е цел на критики поради неодржувањето на стадионот.

Реакција на Општина Тетово: Градскиот стадион да се користи само за фудбалски натпревари во Првата лига

Дарко Андоновски — Thu, 17 Aug 2023 11:23:59 +0000

Општина Тетово испрати реакција по вчерашното соопштение на ФК Тетекс во кое клубот посочи дека не им е дозволено користење на двата фудбалски стадиони и немањето резултати од повеќемесечни безуспешни обиди за договор со општината. Општина Тетово смета дека досега имале коректен однос со клубовите и нивната медиумска реакција била непотребна. За користење на стадионот имаат услов-кога клубовите ќе бидат во Прва лига. -Општина Тетово отсекогаш постапувала транспарентно и одговорно кога бил во прашање соживотот меѓу заедниците. Во оваа насока, реакцијата на двата фудбалски клуба во однос на користењето на спортските терени во нашиот град е јасно кршење на оваа традиција на транспарентност и одговорност. Нивната последна реакција беше сосема непотребна и неодржлива. Средба со претставници на клубовите имаше и се постигна јасен консензус. Градскиот стадион да се користи само за фудбалски натпревари во Првата лига на Северна Македонија и меѓународни фудбалски натпревари, но и за натпревари од особено значење, како на пример полуфинале и финале во Купот на Македонија. Од овој аспект, општина Тетово покажува решеност да гарантира дека овој стадион треба да биде опремен со сите потребни услови и стандарди, како еден модерен и функционален објект кој ќе ги исполни сите барања на спортска арена од високото ниво во нашиот град, се вели во соопштението на Општина Тетово. Од општината велат дека за сите клубови што не се во Прва лига дека ќе се уредат други терени. -За екипите кои настапуваат во пониските лиги, општината има јасен став: ќе се уредат и други терени опремени со сите потребни услови за спортски натпревари. Така, еден терен ќе се гради кај Спортскиот центар во градот, а друг во село Сараќино. Двата терени ќе бидат опремени со потребната инфраструктура, вклучително и соблекувална за тимовите и канцеларии за клубовите. Со овие чекори, Општина Тетово ја потврдува својата посветеност за унапредување на спортот на високо ниво, транспарентност и правда за сите заедници кои живеат во нашиот град, се вели во соопштението на Општина Тетово.

Тетовската пожарна гаснеше пожар под трибините на градскиот стадион

Дарко Андоновски — Tue, 12 Apr 2022 06:59:47 +0000

Тетовските пожарникари синоќа гаснеа пожар што избил под трибините на градскиот стадион. Се запалил еден дел од подтрибинскиот простор, со деловна намена како дуќани или работилници. Нема повредени во пожарот кој избил во 20.35 часот, а е изгаснат во 21.45 часот. -На почетокот бевме доведени во опасност поради таканаречена појава на „фрлање на струјата“, односно ненадеен проток, кратки споеви и мали експлозии. Затоа што водата е спроводник на електрична енергија не можевме веднаш да интервениравме па тоа беше направено отакко беше исклучена струјата. Употребивме вода со пена за да се спречи понатамошното ширење на огнот. Изгоре и дел од столчињата на стадионот, изјави Ука Алити,командант на тетовската пожарна. Тетовската противпожарна единица интервенирала со четири возила и девет пожариникари.

ГОЛЕМА ПОДДРШКА НА ГРАДСКИ: За дуелот против Исланд отворени сите трибини, еве колку е цената на билетот

Ивона Петрова — Fri, 12 Nov 2021 12:36:10 +0000

Македонските фудбалери ќе имаат голема поддршка в недела против Исланд, откако Фудбалската федерација на Македонија (ФФМ) одлучи навивачите завршниот натпревар од мундијалските квалификации да можат да го следат и од Источната и Западната трибина на Националната арена „Тодор Проески“. Билетите за Источната и Западната трибина можат да се купат од денеска преку продажната мрежа MkTickets по цена од 100 денари. Претходно ФФМ одлучи за неделниот натпревар против Исланд да бидат отворени само Јужната и Северната трибина, а влезниците се продаваат по цена од 150 и 300 денари. Избраниците на селекторот Благоја Милевски со триумф против Исланд првпат во историјата ќе обезбедат бараж за пласман на Мундијалот што идната година ќе се одржи во Катар, откако вчера со 5-0 триумфираа над Ерменија во Ереван, а Романија одигра без голови во Букурешт против неделниот противник на „црвено – жолтите“.

Купи карта и биди поддршка за Македонија во натпреварот против Словенија

Ивона Петрова — Tue, 08 Oct 2019 08:00:43 +0000

Фудбалската федерација на Македонија ги повикува навивачите и обожавателите на фудбалот во четврток да ја поддржат македонската репрезентација во натпреварот против Словенија. Македонската А репрезентација вчера ги започна подготовките за квалификацискиот натпревар за пласман на ЕУРО 2020 против Словенија кој се игра на 10. октомври од 20:45 часот на Националната арена „Тодор Проески“ во Скопје. Цената на влезниците изнесува од 50 до 200 денари. Билет од 50 денари ќе се продава за западната трибина, додека 150 и 200 денари ќе чинат влезниците на јужна и северна трибина од Националната арена „Тодор Проески“.