градско-прилеп – Kurir.mk

Во прекин сообраќајот Градско – Прилеп, кај хотел Дреново

Тале Кристо — Wed, 07 Jun 2023 09:15:35 +0000

Од АМСМ информираа дека сообраќајот на магистралниот пат Градско - Прилеп, кај хотел Дреново, е во прекин, поради одржување јавен собир.

Втор ден блокиран патот Градско – Прилеп, се бара итна санација на оштетениот сифон Макарија на хидромелиоративниот систем ,,Тиквеш”

Дарко Андоновски — Mon, 05 Jun 2023 11:15:03 +0000

Втор ден е блокиран регионалниот пат Градско - Прилеп, кај клучката за Кавадарци, со протест се бара итна санација на оштетениот сифон Макарија на хидромелиоративниот систем ,,Тиквеш". Блокадата ќе остане до 14 часот, се пропуштаат итни случаи. Учесници на протестот велат дека се револтирани поради проблемот со каналот за наводнување. Тие бараат најбрза санација, како и алтернативен начин за наводнување, додека се врши санацијата. Затоа што, како што нагласуваат, загрозени им се земјоделските култури и нивната егзистенција. Претседателот на месната заедница Сирково, Веле Коцев за МИА информираше дека бараат вонредна седница на совет на Општина Росоман, прогласување на елементарна непогода, алтернативно решение за да се спаси сезоната. Блокадите ке траат до изнаоѓање на решение. На протестот заедно со земјоделците е и градоначалникот на Росоман, Стојан Николов. Тој нагласува дека итно се бара изнаоѓање решение за проблемот. Пред неколку дена, АД Водостопанство на Република Северна Македонија, ја информираше јавноста дека на 27 мај 2023, е детектирано оштетување на сифонот Макарија на хидромелиоративниот систем Тиквеш, поради кое привремено е прекинат дотокот на вода која се користи исклучиво за наводнување на земјоделските површини. - Извршен е увид и во моментов интензивно се работи на изнаоѓање технички решенија за ургентна интервенција и санација во најбрз можен рок, а се со цел враќање на системот во првобитна состојба. Дополнителни информации, граѓаните од регионот можат да добијат во подружницата АД Водостопанство - Тиквеш. За сите понатамошни активности пак, поврзани со санацијата, јавноста ќе биде навремено информирана, соопштија тогаш од АД Водостопанство.

Димов: Бочварски ако не ги исполни нашите барања за експресниот пат Градско – Прилеп, од први јули го активираме штрајкот

Дарко Андоновски — Mon, 13 Jun 2022 14:06:28 +0000

Павле Димов, советник во Општина Росоман од редовите на ВМРО-ДПМНЕ денеска во изјава за медиуми го потсети министерот за транспорт и врски што имал ветувано во Сирково, дека токму ова село ќе добие клучка за експресниот пат Градско – Прилеп. „Се наоѓаме точно на местото во Сирково, точно на ова место се случи и најголемата лага што ни ја кажа министерот Бочварски од Скопје. Тој беше тука заедно со својата делегација и изведувачот на градежните оперативи. Токму на ова место ни беше ветувано дека ќе има приклучок. Министерот дојде на лице место, го разгледа теренот и кажа дека е погодно за таква работа. Дури и рече ќе дојдам со комплетна документација да ви кажам да го почнеме проектот. Но, тоа не се случи. Го чекаме околу 2-3 месеци, иако тој рече за две –три недели ќе дојде тука“, појасни Димов. Димов додаде дека претходно кога ја активирале блокадата за два дена поточно на 30-ти март биле повикани во Скопје, во министерство за транспорт, кај што министерот рекол дека од клучката нема да се случи. И им ветил алтернативно решение пат од 6 метри до клучката на Крушевица, но таа нема да е нефункционална за никого. „Ние имавме две барања, првото беше приклучок на брзиот пат Градско - Прилеп. И второто барање ни беше овој пат што оди од Росоман до Сирково и од бензинската до Сирково комплетно да се преасфалтира бидејќи ние гo дадовме во комплетно нова состојба“, нагласи Димов. Димов нагласи – „Ние санација не прифаќаме. Значи оттука би ги повикал надлежните од Општината да го повикаат министерот да дојде бидејќи ние од први јули повторно ќе го активираме овој штрајк“.

ПОВЕЌЕ ОД ОСУМ ЧАСА ПРЕКИН НА СООБРАЌАЈОТ: Патот Градско – Прилеп се уште затворен, нормализирање се очекува попладне

Ивона Петрова — Sat, 11 Jun 2022 12:04:07 +0000

Интензивно се работи на воспоставувањето на сообраќајот по поројните дождови со наноси кои од рано изутрината, повеќе од осум часа го прекинаа сообраќајот на патот Градско – Прилеп кај Фаришката клисура. На теренот се екипите и механизацијата на компанијата „Синохидро“ за да се расчисти уништениот дел. Како што објаснуваат од ЈП за државни патишта поплавена е девијацијата на патот Градско – Прилеп во делот каде се изведуваат градежните работи кај Фаришката клисура каде „Синохидро“ изведува градежни работи на експресниот пат, односно каде се пробиваат тунелите. Сега со багери се пробива делот од стариот пат што беше затрупан за да се воспостави сообраќајот. Колоните возила чекаат да се оспособи патниот правец. Возачот на камион со приколка Љупчо Талевски од Битола вели дека од 6 часот изутрината чека да се оспособи патот. -Од 6 часот изутрината чекаме. Водата и наносите од поројните дождови си го направија своето. таа си има свој пат, а тоа што го правеле како привремено решение не е со доволен испуст на вода. И сега чекаме да се оспособи, вели Талевски. Најавите од ЈП за државни патишта се дека попладнево ќе биде оспособен патот.

Поради минирање затворен за сообраќај патот Градско – Прилеп

Тале Кристо — Thu, 23 Dec 2021 12:05:23 +0000

Поради минирање затворен за сообраќај е регионалниот пат Градско – Прилеп. Како што информира АМСМ, патот е затворен од 12:35 часот.

Поради минирање во прекин сообраќајот на патот Градско-Прилеп

Ивана Ефремовски — Thu, 28 Oct 2021 13:24:18 +0000

Поради минирање затворен за сообраќај е патниот правец Градско-Прилеп кај местото викано „Трите ленти“. Како што информира АМСМ, патниот правец е затворен за сообраќај од 14:50 часот.

Николоски: Оваа табла сведочи за неспособноста на Заев и СДСМ, она што требаше да е експресен пат Градско – Прилеп денес е пустелија и пропаѓа

Тале Кристо — Thu, 27 May 2021 11:57:13 +0000

Оваа табла сведочи за НЕСПОСОБНОСТА на Заев и СДСМ, она што требаше да е ЕКСПРЕСЕН пат Градско - Прилеп денес е пустелија и пропаѓа, пишува на својата Фејсбук страница потпретседателот на ВМРО-ДПМНЕ Александар Николоски. Експресниот пат почна да се гради во 2015 година, само година и половина подоцна во 2017 година кога Заев дојде на власт го СТОПИРАШЕ и до денес не се гради, а прилепчани, битолчани, ресенчани, могилчани, демирхисарци и крушевчани возат по ТЕСНИОТ и ОПАСЕН пат, по Дервенската клисура и Плетвар. За ВМРО-ДПМНЕ по победата на изборите ИЗГРАДБАТА на овој ЕКСПРЕСЕН ПАТ ќе е ПРИОРИТЕТ број еден!, ветува Николоски.

Застој во работата на патот: За Градско-Прилеп предвидени 63 милиони евра, рокот тече, а ништо не се гради (ФОТО)

Ивана Ефремовски — Tue, 16 Jul 2019 06:59:38 +0000

Два месеци владее застој во градежните работи за експресниот пат Градско-Прилеп. Тука не се работи ништо, а роковите најавени се ближат. Како е планирано овој пат да биде готов за една година, не е јасно, бидејќи состојбата покажува дека овде ништо не „мрда“. Должината на патот е 33 километри. Вредноста на проектот е 63 милиони евра кои треба да се трошат односно вложуваат во изградбата, која веќе два месеци не се случува. Предвидено е изградба во три делници. Првата делница Градско-Дреново треба да биде со должина од 16 километри. За овој дел, вредноста на проектот е 23 милиони евра обезбедени од ИПА 2 програмата на ЕУ. Краен рок на изработка средина 2020 година. Од фотографиите кои ги објавуваме, лесно може да се процени дека роковите се газат, а наместо градежни работи, не се случува ништо. Втората делница Фарисх-Дреново има должина од 10 километри и вредност на делницата 31.8 милиони евра пари обезбедени од Европската банка. Трета делница Село Беловодица- Каменолом Маврово. Проширување со трета лента во должина од 7.5 километри и вредност на проектот 5 милиони евра средства обезбедени од ИПА фондовите. Оваа делница, според состојбата на терен, не е ни започната. Власта треба да одговори дали најавите на Сугарески и Китановски дека целиот пат ќе биде завршен до средината на 2020-та година, пропаѓаат во вода.

Поради сообраќајка, во целосен прекин сообраќајот на патот Градко-Прилеп

Ивона Петрова — Wed, 02 Jan 2019 11:27:37 +0000

Сообраќајот на патот Градско-Прилеп е во целосен прекин поради сообраќајна несреќа. -Oд 11,30 часот сообраќајот на Регионалниот пат„ Градско -Прилеп’“ кај м.в. Камен дол е во целосен прекин поради случена сообраќајна незгода, сообраќајот се пренасочува по земјен пат, информираат од АМСМ.

Минирање на делница од патниот правец Градско – Прилеп меѓу 10 и 16 часот

Дарко Андоновски — Sat, 29 Sep 2018 07:11:07 +0000

Мактек ДООЕЛ денеска од 10 до 16 часот ќе изврши минирање на патниот правец Градско – Прилеп, делница Фариш - Дреново, од км 1+600 до км 2+000, соопшти Автомотосојузот на Македонија. АМСМ информира дека утрово сообраќајот на државните патишта се одвива по суви коловози. Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.