граѓанска војна – Kurir.mk

Здружението „Т га за југ“ ќе одбележи 72 години од завршувањето на Граѓанската војна

Ивона Петрова — Wed, 29 Sep 2021 06:09:08 +0000

Републичкото здружение на децата бегалци и нивните потомци од Егејскиот дел на Македонија „Т га за југ“ соопшти дека годинава се навршуваат 72 години од завршувањето на Граѓанската војна 1949-2021. За таа цел денеска во паркот „Жена борец“, пред Споменикот на децата бегалци во Скопје, ќе настапат наградените ученици, добитници на специјалната награда „Ѓорги Доневски“. Учениците ќе изведат претстава, а ќе прочитаат и свои творби – песни, раскази и македонски трудољубиви песни. Како што е најавено, ќе присуствуваат градоначалникот на Град Скопје Петре Шилегов, градоначалникот на Центар Саша Богдановиќ, ченови на Здружението од сите градови, ученици од основните училишта… Од Здружението потсетуваат дека во текот на годината имаше повеќе манифестации, се спроведуваше проектот „Младите креатори на нашата иднина“, а од 29 јуни до 4 јули годинава имаше камп во Охрид. Манифестациите се одржаа низ повеќе градови под мотото „Да не го заборавиме минатото, но да се стремиме кон подобра иднина“.

Русија предупредува на опасност од граѓанска војна во Авганистан

Тале Кристо — Mon, 23 Aug 2021 17:24:08 +0000

Русија верува дека постои опасност од граѓанска војна во Авганистан, изјави денеска портпаролот на Кремљ Дмитриј Песков, дополнувајќи дека Москва не планира да се меша. – Постои опасност од заживување на граѓанска војна во Авганистан, рече Песков. – Се разбира, никој нема намера да се меша во овие настани, рече Песков на прашањето за можна руска интервенција во конфликтот. Но, тој исто така рече дека сегашната ситуација претставува „дополнителна опасност и закана“. Русија со загриженост го следи триумфалниот напредок на Талибанците во Авганистан. Меѓу другото, тој се плаши дека борците од Централна Азија можат да навлезат во поранешната советска територија. Москва долго време беше ангажирана во преговори со талибанците, кои ја презедоа власта во Авганистан пред нешто повеќе од една недела. Според руската државна компанија за извоз на оружје „Рособоронекспорт“, авганистанската криза може да ја зголеми побарувачката за руско оружје. – Но, доколку им е потребно, соседните земји или нашите партнери … ние сме подготвени да одговориме, рече директорот на Рособоронекспорт Александар Микеев. Претходно и руски вицепремиер рече дека Русија е подготвена да ги снабдува своите сојузници од Организацијата договор за заедничка соработка (воениот сојуз на Русија, Белорусија, Ерменија, Казахстан, Таџикистан и Киргистан) што се граничат со Авганистан со оружје и друга воена опрема по посебно ниски цени.

Лукашенко: Во Белорусија нема да има граѓанска војна

Магдалена Андонова — Tue, 01 Sep 2020 10:37:11 +0000

Претседателот на Белорусија Александар Лукашенко изјави дека нема да има граѓанска војна во земјата. – Ако почнете грубо да си ја наметнувате својата волја едни на други, знаете што ќе се случи. Минимум граѓанска војна. Но, не грижете се, тоа нема да се случи, рече Лукашенко, обраќајќи се на локалното население во Барановичах. Тој рече дека не е заинтересиран за власт, туку дека не сака алтернативни сили да ја распарчат земјата. Лукашенко вети дека Белорусија ќе одговори на санкциите што и ги воведе Западот. Во Белорусија се одржуваат протести на опозицијата, која не ја признава победата на Лукашенко на претседателските избори одржани на 9 август. (МИА)