Гран при – Kurir.mk

Бројот на гледачи на португалското Гран при се намалува од 46 на 27,5 илјади

Тале Кристо — Mon, 19 Oct 2020 11:48:48 +0000

Организаторите на трката од Шампионатот во Формула 1 за Големата награда на Португалија најавија намалување на бројот на гледачи. Додека ја чекаме конечната одлука на Министерството за здравство, одлучивме максималниот број на гледачи да биде 27.500, соопшти Пауло Пинеиро, раководител на патеката „Алгарве“. Првично, 46 илјади билети беа ставени на продажба, меѓутоа, поради влошената состојба со коронавирусот во земјата, беше одлучено да се намали бројот на навивачи на трибините. Трката во Портимао, треба да се вози следниот викенд.

Гран-при во Малезија може да ја замени трката во Кина оваа сезона

Тале Кристо — Thu, 23 Jul 2020 07:58:40 +0000

Гран-при во Малезија би можел да се врати во календарот во Формула 1 во 2020 година, ако конечно се откаже кинеското Гран-при, објави „Auto Motor und Sport“. Формула 1 продолжува да работи на формирање на календарот за втората половина од сезоната. Во моментов се потврдени вкупно десет трки. Последен пат кога се одржа Гран-при во Малезија на патеката „Сепанг“ беше во 2017 година, по што организаторите решија да не го обновуваат договорот.

Формула 1 и организаторите на британското Гран-при се согласија да одржат две трки без гледачи

Тале Кристо — Fri, 15 May 2020 17:40:02 +0000

Сопствениците на Формула 1 и организаторите на трката за големата награда на Велика Британија се договорија да одржат две трки на „Силверстон“. Страните се договорија за прашањето за обештетување, што организаторите ќе го добијат за одржување на две трки без гледачи. Во исто време, Формула 1 и организаторите преговараат со британските власти, кои неодамна воведоа двонеделни карантини за сите посетители во земјата.

Официјално: Откажано француското Гран при

Тале Кристо — Mon, 27 Apr 2020 09:33:10 +0000

Трката во Формула 1 за Големата награда на Франција која требаше да се одржи на 28 јуни на пистата во „Ле Кастел“ е откажана, објавија организаторите. Ова се должи на пандемијата со коронавирус, поради што најбрзата сезона сè уште не започна. – Предвидувањето на еволуцијата на состојбата со ширењето на вирусот нема да ги земе предвид одлуките што ги објави француската држава кои го прават нашиот настан невозможен, се вели во изјавата на директорот. Француското Гран при требаше да биде десетто од календарот оваа сезона. Евентуален почеток на Ф1 шампионатот е можан на 5 јули со австриското Гран при.

Гран-при на Австралија и официјално откажана заради Ковид-19

Ивона Петрова — Fri, 13 Mar 2020 07:34:54 +0000

Големата награда на Австралија во Формула 1 беше откажана денеска, поради епидемијата на коронавирус, неколку часа пред првата слободна тренинг сесија на Алберт Парк. „Во 09:00 часот денес, Корпорацијата на Гран-при на Австралија ја советуваше Формула 1 за нивната намера да го откажат првиот старт на сезоната. Австралиската Гран-при корпорација потврдува дека трката е откажана веднаш“, се вели во соопштението на корпорацијата. Одлуката се донесе откако член на тимот на Мекларен се тестираше позитивен за коронавирусот. Тимот веднаш се повлече од трката во Мелбурн и уште 14 вработени беа ставени во карантин две недели. Сите биле во контакт со заразените. Вториот старт на Бахреин во Формула 1 ќе се одржи пред празни трибини, при што во прашање е вклучувањето на Мекларен. Шефот на Формула 1, Чеис Кери одби да каже дали натпреварите во Бахреин и Виетнам ќе бидат откажани, инсистирајќи на тоа дека е премногу рано за вакви конечни одлуки. Четвртата трка во Кина е веќе одложена, додека во Холандија ќе се одржи по стартот во Ханој. – Во моментов разговараме за проблемите во Австралија. Во наредните денови, ќе ги разгледаме и претстојните лансирања во Бахреин и Виетнам. Наскоро ќе ги објавиме нашите одлуки и како да ги навигираме краткорочните елементи на нашиот распоред. Знаеме дека има проблеми таму, рече тој во Мелбурн. Календарот во Формула 1 е под закана, а веќе се зборува за тоа дали откажаните стартови може да се случат подоцна во текот на годината. Но, Кери рече дека е бесмислено да се размислува сега за во иднина. – Мислам дека не е продуктивно да се прават хипотези во овој момент. На долг рок, ќе видиме како ќе се развиваат работите. Очигледно, сите се надеваат дека светот повторно ќе влезе во нормален ритам со функционални места за маркетинг, заклучи тој.

Коронавирусот го откажа кинеското Гран-при 2020 во Ф1

Ивона Петрова — Wed, 05 Feb 2020 11:14:54 +0000

Федерацијата на спортови во Шангај издаде официјална изјава во која се вели дека сите големи спортски настани во регионот се откажани се додека не се искорени епидемијата на коронавирус. Така, кинеското Гран-при е официјално откажано од локалните власти. Во исто време, Меѓународната автомобилска федерација (ФИА) и раководството на Формула 1 сè уште не дадоа официјални изјави за откажување или одложување на натпреварот. Претходно беше откажано Гран-при на Кина во Формула Е шампионатот.

Претставата „Немам каде да се вратам“ ја освои Гран при наградата на ДАФ

Ивана Ефремовски — Mon, 03 Jun 2019 08:18:35 +0000

На 60-то јубилејно издание на Меѓународниот Драмски аматерски фестивал - ДАФ во Кочани наградата Гран при „Васил Ќортошев“ за најдобра претстава, жири комисијата во состав: Борис Чоревски актер, Несрин Таир актерка и Катерина Соколова сценографка ја доделија на претставата „Немам каде да се вратам“, во режија на Дени Стојанов, во изведба на театарот Kunstwerksstatt од Скопје.

Во образложението стои дека претставата го добива највисокото признание за квалитетна колективна игра со комплицирана естетика во изразувањето на сериозна светска проблематика, низ која се проткајува будење на општествена одговорност и емпатија.

Кристина Николова ја доби наградата за главна женска улога за филигранското пласирање на успешно изградениот лик на Ева во претставата „Умри Машки“, во режија на Томе Атанасов од Дом на Култура „Мирка Гинова“,од Демир Капија.

За најдобра епизодна женска улога наградата отиде кај Мила Глигоровска за стабилно и конкретно субјективизирање на ликот на „Теодора Фон Кролок“ во претставата „Возможна приказна-Абракадабра“ во изведба на Летечка театарска трупа од Тетово.

Најдобра епизодна машка улога за Орхан Багашов за покажаниот творечки ангажман, за потенцијалот и свежината што ја внесе во своите појави на сцена во улогата на Ѓоре Шекспир, во претставата „Живкова Слава“ во узведба на Летечка театарска трупа од Тетово.

Наградата за машка главна улога беше доделена на Виктор Анѓелкоски за врвното актерско мајсторство - улогата на Џош, во претставата „Бенг Бенг и Мртов си“, во изведба на Н.У.Ц.К.”АСНОМ” од Гостивар.

Наградата за најдобра режија отиде во рацете на Александар Нешкоски за вешто обмислен концепт низ кој мајсторски се провираат интимните идеали кои се вечна проблематика на општеството за претставата „Бенг Бенг и мртов си“.

Наградата за најдобра претстава за деца ја доби аматерската претстава „Возможна Приказна-Абракадабра“, во изведба на Летечка театарска трупа од Тетово.

Наградата за истражување на нови сценски изразни средства и експеримент во аматерскиот театар беше доделена на претстават „Робоград“, во изведба на А.Т Колектив Ветерница Скопје.

И специјално признание на Зоран Никодиновски за 50 години негување на аматеризмот во Македонија.