гранати – Kurir.mk

Гостиварец во својот двор пронашол две артилериски гранати од Втората светска војна

Тале Кристо — Wed, 15 Feb 2023 13:29:26 +0000

Денеска (15 февруари) во 10 часот и 30 минути, К.И.(42) од Гостивар во СВР Тетово пријавил дека при вршење ископ во двор на улица "Илинденска" во Гостивар биле пронајдени две артилериски гранати калибар 100 милиметри, кои најверојатно потекнувале од Втората светска војна. Извршен е увид, гранатите се фотодокументирани и подигнати за транспортирање од претставници на Дирекцијата за заштита и спасување.

Северна Кореја испука стотици гранати како предупредување до Јужна Кореја

Тале Кристо — Wed, 19 Oct 2022 06:41:23 +0000

Северна Кореја соопшти дека истрелала артилериски гранати во водите долж границата со Јужна Кореја во текот на ноќта како предупредување до Сеул да ги прекине своите воени вежби, јави ДПА. Корејската народна армија изврши „ предупредувачкo гранатирање кон Источното и Западното Море… како моќна воена контрамерка“, нагласи портпаролот на ГШ во изјавата што ја пренесе Корејската централна новинска агенција. Портпаролот го предупреди Сеул „веднаш да стави крај на непромислените и запаливи провокации штои ги интензивираат воените тензии во регионот“. Началникот на Здружениот Генералштаб на Јужна Кореја соопшти дека Северна Кореја истрелала повеќе од 250 артилериски гранати од нејзиниот западен и источен брег во поморските тампон зони во близина на силно утврдената граница што ги дели двете земји, која беше воспоставена во 2018 година за да се смират тензиите. Ниту еден од проектилите не паднал во јужнокорејските територијални води. Сепак, Јужна Кореја ја обвини соседната земја за кршење на воениот договор од 2018 година со кој беа воспоставени тампон зоните. Во понеделникот Сеул ги започна своите годишни воени вежби, што ќе продолжат до 28 октомври.

Во тетовска Шипковица при ископ пронајдени две вреќи со гранати

Магдалена Андонова — Sat, 21 May 2022 10:18:02 +0000

Во Полициското одделение Попова Шапка вчера околу 11.00 часот било пријавено дека при изведување градежни работи во тетовското село Шипковица, во центарот на селото на место викано „Порој“, при ископ со работна машина биле пронајдени две вреќи со гранати. По овластување на Јавен обвинител увид, информираа денеска од МВР, на местото извршила екипа од СВР Тетово и било констатирано дека станува збор за три ракетни гранати, една кумулативна мина од РПГ-рачен фрлач, една тромблонска мина со полнење и седум гранати со полнење од минофрлач од 60 мм, делумно корозирани. Од стручно лице од Дирекцијата за заштита и спасување Скопје експлозивните средства биле безбедно подигнати и било констатирано дека се работи за експлозивни средства од кинеско и југословенско производство. (МИА)

Кумановец нашол две неексплодирани минофрлачки гранати

Ивона Петрова — Wed, 06 Apr 2022 10:07:53 +0000

Кумановец пронашол две неексплодирани минофрлачки гранати од Втората светска војна, соопшти денеска кумановската полиција. -Вчера во 14:15 часот во СВР Куманово, З.Д.(49) пријавил дека на улица „Железничка“ пронашол две неексплодирани минофрлачки гранати од Втората светска војна со калибар 75 мм, информираше полицијата. Екипа од СВР Куманово извршила увид, а гранатите биле безбедно подигнати од пиротехничар од Дирекцијата за заштита и спасување за понатамошна постапка.

Додека возеше по улиците во Украина се случи нешто што и на вас ќе ви ја заледи крвта – Бог му пружи втора шанса за живот, еве зошто (ВИДЕО)

Дарко Андоновски — Thu, 03 Mar 2022 16:46:29 +0000

Русија од воздух го нападнала градот Чернигов на северот од Украина и уби најмалку девет лица, а рани четворица, изјави гувернерот Вјачеслав Чаус. Тој посочи дека во воздушниот напад биле погодени две училишта и приватни домови во Чернигов.

#Chernigov. The rocket explosion was filmed by the car's dash cam. pic.twitter.com/vhW0U0hgH8
— NEXTA (@nexta_tv) March 3, 2022

„Спасувачите работат на терен. Според податоците на Државната служба за вонредни состојби, досега загинале девет лица, а четворица се повредени“, изјави гувернерот. „Киев Индипендент“ објави дека во блиската област има неколку училишта, градинки и болници, а не воена инфраструктура.

Неексплодирани гранати извадени од Охридско езеро

Ивона Петрова — Fri, 18 Feb 2022 10:36:36 +0000

Четири гранати пред три дена биле извадени од водите на Охридското езеро кај Пештани. -Од увидот извршен од стручен тим од Дирекцијата за заштита и спасување и полициски екипи, констатирано е дека се работи за две неексплодирани минофрлачки мини калибар 75 милиметри и 2 артилериски гранати калибар 122 милиметри, информираат од СВР Охрид. По подигнувањето грантите се предадени за натамошна постапка.

Пронајдени две неексплодирани гранати од Првата светска војна

Катерина Бојаџиева — Sun, 24 Oct 2021 16:00:58 +0000

Неексплодирани гранати од Првата светска војна се пронајдени вчера во атерот на прилепското село Алинци и гевгелиското село Мрзенци. За двата случаи полицијата била информирана од локални жители, по што гранатите биле безбедно подигнати од пиротехничар од Дирекцијата за заштита и спасување, информираат од Министерството за внатрешни работи. Гранатата во прилепско е пронајдена во атарот на село Алинци од страна на Б.К.(70) од Прилеп кој случајот го пријавил во Полициската станица Прилеп – Полициска канцеларија Тополчани. -Пиротехничар од Дирекцијата за заштита и спасување безбедно ја подигнал гранатата и констатирал дека станува збор за артилериска граната од 155 мм од Првата светска војна. Бил извршен и увид, информираат од МВР. Во гевгелиско, гранатата е пронајдена во село Мрзенци, а пронаоѓањето во Полициската станица Гевгелија го пријавил Л.Л. од село Мрзенци. -Од страна на пиротехничар од Дирекцијата за заштита и спасување било констатирано дека станува збор за неексплодирана граната со калибар од 105 мм од Првата светска војна. Гранатата била безбедно подигната, а увид извршила екипа од ОВР Гевгелија, се вели во соопштението од МВР.

Гранати пронајдени на трибина на Градскиот стадион во Битола

Ивона Петрова — Thu, 14 Oct 2021 09:53:03 +0000

На 13.10.2021 во СВР Битола било пријавено дека на трибина на Градскиот стадион „Тумбе Кафе“ во Битола биле пронајдени артилериски гранати. -Гранатите биле безбедно подигнати од пиротехничар од Дирекцијата за заштита и спасување и било констатирано дека станува збор за две артилериски гранати со калибар 75 мм и една артилериска граната со калибар 105 мм од Првата светска војна, информира МВР.

При вршење на земјоделски работи на неговата нива пронашол две стари неексплодирани артилериски гранати – еве за што се работи

Магдалена Андонова — Sun, 11 Apr 2021 14:26:49 +0000

На 10.04.2021 во 16.30 часот во СВР Куманово, Б.С.(46) од с.Агино село, кумановско, пријавил дека при вршење земјоделски работи на негова нива во место викано „Прогон“, во атар на Агино село, пронашол две стари неексплодирани артилериски гранати 75 мм од Втората светска војна. Увид извршила увидна екипа од СВР Куманово, а гранатите се безбедно подигнати од пиротехничар од Дирекцијата за заштита и спасување и предадени за понатамошна постапка.

Гранати од Првата светска војна најдени кај хотел во Стар Дојран

Ивана Ефремовски — Wed, 31 Mar 2021 19:04:16 +0000

На 30.03.2021 во 11:30 часот во СВР Струмица било пријавено дека во близина на хотел во Стар Дојран, при извршување на градежни работи, биле пронајдени две стари неексплодирани експлозивни направи – гранати кои датираат од Првата светска војна. За настанот бил известен пиротехничар од Дирекцијата за заштита и спасување-Струмица, кој ги подигнал гранатите од местото за понатамошна постапка.