граничари – Kurir.mk

Естонија ќе испрати граничари во Летонија за помош на границата со Белорусија

Тале Кристо — Fri, 15 Sep 2023 07:26:31 +0000

Естонија ќе испрати до 20 припадници на гранични патроли во Летонија за да му помогне на својот балтички сосед да ја заштити и провери нејзината граница со Белорусија, изјави естонскиот министер за внатрешни работи Лаури Ланеметс. Како што пренесе ДПА, според него, полицајците треба да им помагаат на своите летонски колеги во патроли и масовни контроли онолку долго колку што е потребно. Летонија неодамна регистрираше значително зголемување на бројот на мигранти кои се обидуваат без дозвола да ја преминат границата со Белорусија. - Белорусија ги тестира можностите на своите соседни земји, тоа се исто така хибридни напади, рече Ланеметс. Летонија, заедно со Полска и Литванија, го обвинува белорускиот лидер Александар Лукашенко дека на организиран начин носи мигранти на надворешната граница на ЕУ за да изврши политички притисок. Затоа, сите земји веќе ја зајакнаа заштитата на границата. Литванија веќе испрати до 20 граничари за поддршка на Летонија. Поради тоа, сите земји веќе ја зајакнаа заштитата на границата. Литванија веќе испрати 20 граничари за поддршка на Летонија. Летонија, Литванија, Естонија и Полска се членки и на Европската унија и на НАТО. Хибридните закани значат дека напаѓачите се потпираат на комбинација од класични воени операции, економски притисок, хакерски напади, па дури и пропаганда во медиумите и социјалните мрежи.

Русија го зазеде островот Змијини, загинаа сите 13 граничари – херои кои не сакаа да се предадат

Дарко Андоновски — Fri, 25 Feb 2022 08:05:17 +0000

Русија бесрамно го зазеде украинскиот остров Змијини, уништувајќи ја инфраструктурата. Сите 13 украински граничари беа убиени, одбивајќи да се предадат. Постмортем, ќе им биде доделена титулата „Херој на Украина“, рече претеседателот на Украина, Володомир Зеленски, а објави МНР на Украина.

Russia blatantly captured Ukrainian island #Zmiinyi, destroying the infrastructure. All 13 🇺🇦 border guards were killed, refusing to surrender. They will be awarded the title «Hero of Ukraine» postmortem, says @ZelenskyyUa Glory to Ukrainian heroes! 🇺🇦#StopRussianAggression pic.twitter.com/PWEIvqzxyJ
— MFA of Ukraine 🇺🇦 (@MFA_Ukraine) February 25, 2022

Уапсени 30 цариници и граничари на бугарскиот премин „Калотина“

Дарко Андоновски — Thu, 06 Feb 2020 15:26:21 +0000

Вкупно 30 царински службеници и припадници на Граничната полиција се уапсени при полициска акција на бугарскиот премин „Калотина“, на границата со Србија, објави БГНЕС. – Меѓу уапсените е и началникот на граничниот премин „Калотина“, изјави бугарскиот јавен обвинител Иван Гешев, кој заедно со главниот секретар на Министерството за внатрешни работи Ивајло Иванов информираа за деталите од полициската акција. Истрагите се спроведува по налог на Специјалното јавно обвинителство во Софија. Станува збор за организирана криминална група, која се занимава со корупција, објасни Гешев пред новинарите. Иванов потврди дека се приведени 30 лица, односно целата смена од цариници кои работат на тој премин, како и гранични полицајци.

Унгарија испрати граничари во Македонија и Србија

Даниел Василев — Wed, 25 Jul 2018 14:52:54 +0000

Унгарија испрати 30 полицајци во Македонија и 15 во Србија, со задача да патролираат заедно со македонските и српските погранични служби и да спречуваат илегален премин на границите. Унгарските полицајци се опремени со теренски возила и средства за термално и ноќно набљудување на теренот. Унгарија испраќа персонал и помош за обезбедување на балканските граници уште од големата мигрантска криза во 2015 и 2016 година. МИА

Австрија предлага европските граничари да дејствуваат и надвор од ЕУ

Даниел Василев — Thu, 05 Jul 2018 11:42:50 +0000

Австрија ја поддржува можноста европските граничари да имаат мандат да дејствуваат и надвор од територијата на ЕУ, изјави денеска австрискиот канцелар Себастијан Курц, чија земја е актуелен претседавач со Унијата. - Го започнавме процесот на преиспитување на досегашната мигрантска политика. Наскоро треба да бидат предложени нови решенија, изјави Курц. Тој нагласи дека во зависност од мерките за миграцијата што ќе ги воведе Германија долж австриската граница, Виена ќе преземе соодветни мерки. Попладнево во Виена се очекува да допатува германскиот министер за внатрешни работи Хорст Зехофер, кој на австриските власти ќе им ги претстави новите мерки за справување со миграцијата на Владата во Берлин. - Со години слушаме приказни за миграцијата. Потребна ни е заедничка цел. До сега споревме околу прераспределувањето (на мигрантите), а сега првпат се обединивме околу прашањето за контрола на надворешните граници и тоа е позитивен развој на настаните, изјави Курц. Тој нагласи дека европските граничари треба да добијат мандат да дејствуваат и надвор од ЕУ, додавајќи дека Австрија ја поддржува идејата за создавање на патишта за легална миграција во ЕУ. - Отсекогаш сме биле скептинчи кон прераспределувањето на мигрантите според квоти. Треба да продолжиме да работиме во правец на промена на Даблинските правила. Се соочив со многу критики кога пред две години предложив формирање на мигрантски центри надвор од ЕУ, изјави австрискиот канцелар. МИА