граничен премин деве баир – Kurir.mk

На „Деве Баир“ уапсен турски државјанин откако покажал „невистинити документи“

Дарко Андоновски — Tue, 21 Dec 2021 12:24:01 +0000

Турски државјанин е уапсен вчера на Граничниот премин „Деве Баир“, откако на границата покажал „невистинити документи“ за приколка, информираат од Министерството за внатрешни работи. – Вчера во 18:20 часот на Граничниот премин „Деве Баир“, при извршена проверка на Б.М. (60) од Турција, кој управувал товарно возило „Мерцедес“ со турски национални ознаки, било констатирано дека меѓународнaта зеленa картa за товарното возило и зелената карта за полуприколката што ги доставил на увид биле со невистинита содржина, посочуваат од МВР. Тој бил лишен од слобода и предаден на полициски службеници од Полициската станица во Крива Паланка за понатамошна постапка.

На „Деве Баир“ се истражува кој го пропуштил автобусот без лиценца

Дарко Андоновски — Wed, 24 Nov 2021 14:32:58 +0000

Царината од утрово прави внатрешна контрола за тоа кој го пропуштил автобусот на „Беса транс“ кој бил без лиценца на граничниот премин „Деве Баир“. Ова доаѓа откако вчера Министерството за транспорт и врски кажа дека превозникот не го регистрирал ова возило кое целосно изгоре, а во него животите ги загубија 45 патници. -Од рано утрово, Секторот за професионална одговорност на Царинска управа е на ГП Деве Баир со цел детално да се изврши контрола на постапувањето на превозникот и царинските службеници, согласно надлежностите пропишани со Законот за превоз во патниот сообраќај на денот на излез на предметниот автобус. Предмет на контрола е и постапувањето за конкретниот превозник и возило и во претходниот период на истиот граничен премин, велат од Царина.

Се обидел да шверцува 2,7 килограми злато: Кога ќе дознаете каде го сокрил нема да им поверувате на сопствените очи

Дарко Андоновски — Fri, 13 Aug 2021 13:52:55 +0000

Во текот на денешниот ден при вршење на детална царинска контрола на автобус пријавен за влез во државата, мобилните тимови од Одделението за оперативни работи привремено задржаа 2.773 грама златен накит и еден автобус. Околу 06:00 часот на ГП Деве Баир за влез во државата се пријавил автобус марка „Мерецедес 0403“ со македонски регистарски ознаки SK 4662 BB, управувано од лицето Т. Д. од Турција. При вршење на детална контрола од страна на царински службеници од Одделението за оперативни работи, над задните тркала од подвозјето во модифицирана фабричка шуплина, наменета за криумчарење на стока, биле пронајдени 20 најлонски кеси со златен накит со вкупна тежина од 2.773 грама, при што вкупната вредност на стоката и автобусот изнесува околу девет милиони денари или 146.341 евра. Стокaта и автобусот се привремено задржани со Потврдa за привремено одземени предмети и заедно со лицето се предадени на Одделението за истраги за понатамошна постапка.

Иако границите се затворени апсење на граничниот премин Деве Баир- еве на што „паднал“ турскиот државјанин

Дарко Андоновски — Sat, 16 May 2020 08:42:06 +0000

На 15.05.2020 во 17.20 часот на Граничниот премин Деве Баир, на влез во Р.С.Македонија допатувал Ј.К.(51) од Р.Турција, кој управувал товарно возило „даф“ и полуприколка со турски национални ознаки. По извршените проверки, поради постоење основано сомнение за извршено кривично дело „фалсификување на исправа“, тој бил лишен од слобода во Полициската станица Крива Паланка за понатамошна постапка, информираат од МВР.