граничен премин ќафасан – Kurir.mk

Албанец баран од Интерпол уапсен во Македонија

Ивана Ефремовски — Sun, 22 Oct 2023 11:11:58 +0000

На 21.10.2023 во 15:10 часот на Граничниот премин Ќафасан, на влез во државата, од полициски службеници бил лишен од слобода Б.Ц.(50) од Р.Албанија. При извршени проверки било констатирано дека за него во службената евиденција е изречена мерка „апси“, по барање на Интерпол-Грција. Тој бил предаден на полициски службеници од Полициската станица Струга за понатамошна постапка.

„ПАДНАА“ ДВАЈЦА ПОЛИЦАЈЦИ НА ЌАФАСАН – земале поткуп, но откако сфатиле дека биле намамени било доцна – еве поради што му побарале пари

Дарко Андоновски — Mon, 15 May 2023 10:35:01 +0000

Одделот за внатрешна контрола, криминалистички истраги и професионални стандарди до Специјализираното одделение за гонење на кривични дела сторени од лица со полициски овластувања и припадници на затворската полиција при Основното јавно обвинителство за гонење организиран криминал и корупција – Скопје поднесе кривична пријава против полициските службеници А.В. и Н.С., вработени во Полициската станица за граничен надзор Ќафасан, поради постоење основи на сомневање дека првопријавениот сторил кривично дело „примање поткуп“ по член 357 став 1, додека второпријавениот сторил кривично дело „несовесно работење во службата“ по член 353-В став 1 и двете од Кривичниот законик. Имено, првопријавениот на 13.05.2023 на Граничниот премин Ќафасан од возач кој управувал автобус со црногорски национални ознаки, за кој не поседувал важечки зелен картон, побарал и примил поткуп во паричен износ од 70 (седумдесет) евра, додека второпријавениот, го пропуштил возилото без важечки зелен картон и му овозможил непречено да оствари влез на територијата на Република Северна Македонија. По преземени мерки и активности за целосно расчистување и документирање на кривично-правниот настан, во координација со надлежен Јавен обвинител, полициските службеници се лишени од слобода и изведени пред судија на претходна постапка, од чија страна им е одредена мерка притвор во траење од 30 дена. Одделот за внатрешна контрола, криминалистички истраги и професионални стандарди, како овластен предлагач, ќе покрене постапка и за утврдување на дисциплинска одговорност, а полициските службеници ќе бидат суспендирани од работа до завршување на дисциплинската постапка.

Апсење на граничниот премин Ќафасан – 29 годишно момче било барано од Интерпол

Дарко Андоновски — Sat, 09 Oct 2021 09:45:29 +0000

Скопје, 9 октомври 2021 (МИА) – На 08.10.2021 во 23.25 часот на Граничниот премин Ќафасан бил лишен од слобода Г.Б.(29) од Р.Aлбанија. По извршени гранични проверки било констатирано дека тој во службената евиденција е мерка „апси“ по распишана потерница од Интерпол – Р.Унгарија. Тој бил предаден на полициски службеници од Полициската станица Струга за понатамошна постапка.

Уапсена 21 годишна девојка на граничниот премин „Ќафасан“ – полицијата кога го видела ова веднаш морала да реагира

Дарко Андоновски — Tue, 07 Sep 2021 14:10:29 +0000

На 06.09.2021 во 08.30 часот на граничен премин „Ќафасан“, полициски службеници ја лишиле од слобода К.П.(21) од Ресен, затоа што при излез од државата на увид приложила фалсификуван негативен ПЦР тест. С о неа бил извршен разговор и по целосно документирање на случајот, во координација со Јавен обвинител ќе биде поднесен соодветен поднесок.

ДЕН ПРЕД ВИКЕНД ХАОС НА ДВА МАКЕДОНСКИ ПРЕМИНИ – утрово на границата со овие соседни земји се чека влез (ФОТО)

Дарко Андоновски — Fri, 16 Jul 2021 08:15:27 +0000

Со доаѓањето на викендот се повеќе граѓани ги полнат македонските гранични премини. Слична ситуација како целата оваа недела се случува на граничните премини „Богородица“ и „Ќафасан“ каде колони возила утрово чекаат за влез во соседните земји Грција и Албанија. Граѓаните чекаат и до половина час за влез во овие две земји, додека на другите гранични премини нема подолги задржувања при влез и излез. Инаку од денеска во Грција важат нови правила, а дел од нив можете да прочитате ТУКА.

НА ДВА МАКЕДОНСКИ ГРАНИЧНИ ПРЕМИНИ УТРОВО ХАОС – за влез во соседството се чека и до еден час (ФОТО)

Дарко Андоновски — Thu, 15 Jul 2021 08:09:19 +0000

Колони возила и утрово на граничниот премин „Богородица“ од македонска страна за влез во соседна Грција. Туристите кои сакаат да влезат во соседството и денеска се заглавени на граничниот премин чекајќи од половина до еден час за влез во Грција. Речиси секојдневно се евидентираат гужви на овој граничен премин, особено во последните денови пред викендот и деновите од него. Освен македонски туристи соседната земја ја преполнија и српските туристи кои преку Македонија заминуваат во Грција. Инаку до денес важат претходните правила воведени од страна на грчките власти, а се однесуваат на влез во земјата со две примени дози на вакцина, негативен ПЦР тест или доказ за прележаниот вирус. Утрово слична е ситуацијата и на граничниот премин „Ќафасан“ за влез во соседна Албанија.

Ора њуз: Преку преминот Ќафасан не се дозволува влез на албански сезонски работници, македонска полција вели дека нема таква наредба

Дарко Андоновски — Fri, 09 Jul 2021 13:54:36 +0000

Албанската Ора њуз пренесува дека со посебна наредба од македонска страна, денеска не им бил дозволен влез на 150 албански сезонски работници во Северна Македонија, преку преминот Ќафасан, кај Струга. -Не се познати причините за ваквата одлука од македонска страна, ниту до кога тоа ќе трае. Сепак, најверојатно се поврзува со смртта на албанскиот државјанин пред три дена кој бил ангажиран во охридско, а во текот на работата се повредил и починал, наведува Ора њуз. Се додава дека поради оваа причина, албанските работници кои влегуваат наутро и излегуваат навечер од македонска територија, не им бил дозволен влез бидејќи работат на црно. Телевизијата наведува дека планирана е средба на надлежните на преминот. Според извори на македонската полиција не станува збор за никаква наредба за забрана за влез на албански граѓани. Оние на кои не им е дозволен влез не поседувале валидни документи за влез и престој во Северна Македонја.

Кај скопјанец откриени непријавени над 17.000 евра- сакал да помине на Ќафасан

Катерина Бојаџиева — Wed, 23 Jun 2021 16:30:06 +0000

Македонски државјанин е приведен на граничниот премин Ќафасан, на албанско-македонската граница, кај Струга, откако кај него биле откриени непријавени 17.770 евра. -При влез во Република Албанија, во втората линија, за детална контрола на возилото марка „Фолксваген“, управувано од државјанинот Зоран Николиќ (34) години, жител на Скопје, Северна Македонија откриени се 17.770 евра кои претходно не ги пријавил. Парите при контролата се пронајдени во чанта која била во возилото и се одземени, како доказен материјал, стои во полициското соопштение. Се додава дека понатамошни активности биле извршени од специјалисти за истрага на криминал во полицискиот комесаријат Поградец, кои го привеле 34-годишниот скопјанец. Случајот е предаден на Обвинителството во Основниот суд Поградец. -Службите на Граничната полициска станица Ќафасан во соработка со царинските органи, како и на сите други гранични премини, во рамки на заложбите за спречување и сузбивање на незаконитост од секаков вид, реализираат зголемени контроли врз основа на анализа на ризик. Посебно во овој период кога фреквенцијата на патници и возила е видно зголемена, посочуваат од полицијата.

И на првиот ден од септември Македонците заминуваат на море- денеска на овој граничен премин за излез се чека и до 30 минути

Дарко Андоновски — Tue, 01 Sep 2020 05:59:00 +0000

Интензитетот на сообраќај на патните правци надвор од градските средини изутринава е зголемен, соопшти АМСМ. На граничните премини, од македонска страна, нема подолги задржувања за влез и за излез од државата, освен на граничниот премин Ќафасан, каде се бележи зголемена фреквенција, а задржувањата се околу 30 минути. АМСМ препорачува прилагодена брзина на движење, почитување на поставената сообраќајна сигнализација и исклучително внимателно управување со возилата, особено на патиштата низ клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

На овој граничен премин денеска се чека и до 30 минути- колони возила од Македонија заминуваат на море

Дарко Андоновски — Sun, 30 Aug 2020 08:25:55 +0000

Интензитетот на сообраќај на патните правци надвор од градските средини е зголемен. На граничните премини, од македонска страна, нема подолги задржувања за влез и за излез од државата, освен на граничниот премин Ќафасан, каде се бележи зголемена фреквенција, а задржувањата се околу 30 минути, информира АМСМ. Сообраќајот на државните патишта се одвива по суви коловози. ГП Илинден – Струга известува дека утре на патниот правец А2 Кичево – Охрид, поточно на делницата Пресека – с. Врбјани, помеѓу 12:00 – 15:00 часот сообраќајот ќе биде во прекин во период од 15 до 20 минути, поради изведување градежни работи на пат (минирање). Поради поставување на канализациона мрежа во с. Чајле, сообраќајот на регионалниот пат Гостивар – с. Чегране ќе се пренасочува по алтернативни патишта. АМСМ препорачува прилагодена брзина на движење, почитување на поставената сообраќајна сигнализација и исклучително внимателно управување со возилата, особено на патиштата низ клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.