гранична контрола – Kurir.mk

Хрватска: Од денеска нема гранични контроли на летови на авиони во рамките на Шенген

Ивона Петрова — Sun, 26 Mar 2023 14:57:43 +0000

На аеродромите во Хрватска од денеска се укинати граничните контроли за патници на летови во рамки на Шенген зоната. На 1 јануари Хрватска стана членка на Шенген, со што ги укина контролите на внатрешните копнени и поморски граници. Примената на шенгенските правила на аеродромите од технички причини беше најавена за 26 март, кога почнува летниот распоред на летови. Министерството за внатрешни работи соопшти дека денеска девет меѓународни аеродроми во Хрватска започнале со целосна имплементација на шенгенските правила. Тоа се аеродромите во Загреб, Дубровник, Сплит, Задар, Пула, Риека, Осиек, Мали Лошињ и Брач. Во соопштението на МВР на Хрватска, се нагласува дека од вкупниот број на патници во авиопревозот, во просек 70 отсто ќе бидат патници во Шенген зоната, а 30 отсто надвор од таа зона. Исклучок е аеродромот во Дубровник, каде што бројот на двете групи патници е еднаков. Од МВР додаваат дека на аеродромите ќе се спроведат сите транзициски планови и ќе се направат сите неопходни инфраструктурни корекции за да се дефинира протокот на патници, односно раздвојување на шенгенските и нешенгенските летови.

Финска ја задржува граничната контрола до 14 јуни

Дарко Андоновски — Thu, 07 May 2020 13:29:00 +0000

Финска ќе ги задржи граничните контроли до 14 јуни на сите граници, соопшти денеска холандското Министерство за внатрешни работи. Одлуката е продолжение на претходното решение на Владата, со кое од 19 март се вршат гранични контроли на внатрешните граници, затворање на некои гранични премини и ограничување на сообраќајот преку надворешните граници. Од 14 мај, властите во земјата ќе дозволат преминување на границите со другите земји од ЕУ. Дозволено е движење на работната сила, посети на роднини и други „неопходни патувања“. Министерството соопшти дека не препорачува патување за туристички цели.. Внатрешните гранични контроли ќе продолжат да функционираат на копнените граници, на пристаништата и аеродромите во Финска.

Привремени гранични контроли на границата помеѓу Данска и Шведска

Ивона Петрова — Thu, 10 Oct 2019 09:27:31 +0000

Данска ќе воспостави привремени контроли на границата со Шведска од ноември, изјави денеска данскиот министер за правда, Ник Хекеруп. Таа одлука доаѓа откако двајца Швеѓани во август беа обвинети за вмешаност во експлозија пред данската Даночна управа. Премиерката Мете Фредериксен тогаш наведе дека данскатаВвлада размислува за затегнување на контролите на границата со Шведска. Данска и Шведска се поврзани со мостот Ересунд во истоимениот теснец, преку кој секојдневно преминуваат илјадници граѓани на двете држави.

Германија ќе ја продолжи граничната контрола на границата со Австрија

Даниел Василев — Fri, 13 Apr 2018 07:18:58 +0000

Германскиот министер за надворешни работи Хорст Зехофер соопшти дека побарал дозвола од Европската унија за продолжување на граничната контрола на германско- австриската граница. Германската канцеларката Ангела Меркел во март го поддржа продолжувањето на граничната контрола, чиј рок истекува на 12 мај. Државите од Шенген зоната можат да воведат контроли на внатрешните граници на Европската унија, кога постои сериозна закана за општеството или за националната безбедност. Германија воведе гранична контрола во септември 2015 година поради масовниот прилив на бегалци кои доаѓаа од Австрија. Проверките се вршат на патиштата во прекуграничната зона и на различни точки долж границата. - Ние преферираме надворешната граница на ЕУ да биде безбедна за да се намалат проверките на внатрешната граница. Но, доколку не е гарантирана безбедноста на надворешните граници, ние треба да ја обезбедиме и да ја контролираме внатрешната граница на некои места, изјави Зехофер во Париз по средбата со неговиот френцуски колега Жерар Колон. Времена внатрешна гранична контрола сега се врши во шест земји од Шенген зоната. МИА