гранична полиција – Kurir.mk

Граничната полиција доби донација од Полска

Ивана Ефремовски — Mon, 31 May 2021 17:56:42 +0000

Граничната полиција на Република Македонија доби донација од заштитни маски, заштитни ракавици и дезифициенси од Владата на Република Полска, во рамки на побараната помош преку Евроатлантскиот координативен центар за катастрофи при НАТО, информираат од Министерството за внатрешни работи. Донацијата денеска ја врачи амбасадорот на Полска во државава Војциех Тицињски на заменик директорот на Бирото за јавна безбедност при Министерството за внатрешни работи Ариф Асани, на Граничниот премин „Богородица“. Како што информираат од МВР, заменик директорот на БЈБ, Асани, се заблагодарил за донацијата во име на МВР и упатил посебна благодарност до припадниците на полската гранична стража, кои заедно со македонската гранична полиција учествуваат во заедничките операции за зајакнат надзор на нашата јужна граница, пред сè во борбата против илегалната миграција, притоа оддавајќи признание за нивната висока професионалност во извршувањето на поставените задачи. Полскиот амбасадор Тицињски, пак, како што велат, нагласил дека оваа активност се реализирала по иницијатива на претседателот на Република Полска, господинот Анджеј Дуда, во соработка со полската Влада. Дополнил дека нивната помош претставува симболична потврда на меѓународната солидарност на Полска со Македонија во контекст на борбата против пандемијата Ковид-19. (МИА)

Тројца Албанци синоќа сакале нелегално да влезат во Македонија

Предраг Кукиќ — Fri, 21 Dec 2018 10:17:35 +0000

Синоќа околу 22 часот од страна на патролен тим од Граничен премин “Богородица”, при нелегално преминување на државната граница од Р. Грција во Р. Македонија, а со намера да продолжат преку Р. Македонија за Р. Албанија, биле откриени и приведени лицата Л.К. (35), С.А. (45) и Н.З. (22) сите државјани на Р. Албанија.

Донација од Германија: 16 нови возила за граничната полиција

Ивона Петрова — Mon, 12 Feb 2018 08:24:44 +0000

Одделот за гранични работи и миграција при МВР ќе добие 16 нови возила, донација од германското Сојузно министерство за внатрешни работи. Донацијата на министерот за внатрешни работи Оливер Спасовски денеска во Полициската страница Струга ќе му ја предаде заменик амбасадорот на Сојузна Република Германија Марко Акватичи.