Гранит Џака – Kurir.mk

Гранит Џака го напушта Арсенал и се враќа во Германија

Бошко Тасиќ — Wed, 17 May 2023 04:13:29 +0000

Фудбалерот Гранит Џака според најавите ќе си замине од Арсенал на крајот од сезоната затоа што е пред трансфер во германската Бундеслига. Седум години Џака го носи дресот на Арсенал каде што дојде за 45 милиони евра од Борусија Менхгладбах, а сега според најавите на Фабрицио Романо повторно ќе игра во Германија. „Џака може да си замине од Арсенал на крајот од сезоната. Немаше преговори за нов договор и планирана е разделба во јуни. Баер Леверкузен е фаворит и е во поодминати преговори со Џака, се споменува оштета од околу 15 милион иевра, фудбалерот веќе ги договори личните услови“, објавив Романо.

Џака сака да го напушти Арсенал ова лето

Ивона Петрова — Tue, 09 May 2023 16:37:36 +0000

Фудбалерот од средниот ред на Арсенал, Гранит Џака сака да го напушти лондонскиот клуб ова лето, пишува „The Sun“. Триесетгодишниот Швајцарец добил понуда да премине во Баер Леверкузен следната сезона. Тренерот на „Топчиите“ Микел Артета нема да има ништо против заминувањето на играчот. Џака е во Арсенал од 2016 година. Неговиот договор истекува во летото 2024 година. Порталот Трансфермаркт ја проценува вредноста на играчот на 28 милиони евра. Во сезоната 2022/23, Џака забележа 44 настапи во сите натпреварувања, постигнувајќи седум гола и исто толку асистенции.

Педро постигна гол од пола терен, па му фаќаше сеир на Џака (ВИДЕО)

Ристе Здравков — Fri, 17 Mar 2023 09:32:26 +0000

Педро Гонсалвес се погрижи да го видиме голот на сезоната во Лигата на Европа откако успеа да погоди од половина терен, но беше задолжен и за тролање по последниот судиски свиреж на „Емирејтс“. Фудбалерот на Спортинг Лисабон го сфати како лична провокација радувањето на Гранит Џака при водството од 1:0, па реши да му го возврати истиот гест за време на славјето по крајот на мечот. Спортинг успеа да се врати во игра благодарение на неговото ремек-дело од 45 метри, а потоа имаше повеќе нерви и знаење во пенал рулетот во Северен Лондон. Херој на гостите од Португалија во фудбалската лотарија беше голманот Адан, но при славјето, во фокусот се најде токму Педро кој знаеше како да му одговори на Џака. На овој начин, Спортинг го остави Арсенал без шанси да се бори за уште еден голем трофеј, па сега сите сили ќе мора да ги насочи кон титулата во Премиер лигата.

Granit Xhaka s’est fait Layvin Kurzawa ce soir par Pedro Goncalves ! 😅😬 pic.twitter.com/XzGivyyqfB
— MercaFoot (@MercaFoot_) March 16, 2023

Србите им подготвуваат „пекол“: Шаќири и Џака ќе мора принудно да играат во Нови Сад!

Ристе Здравков — Thu, 22 Dec 2022 09:56:24 +0000

Фудбалската репрезентација на Швајцарија, за која настапуваат фудбалерите со албанско потекло, Џердан Шаќири и Гранит Џака, неочекувано е приморана да гостува во Србија, каде што во март следната година ќе го одигра мечот од квалификациите за ЕП 2024 против Белорусија. Причина за ваквата одлука на УЕФА е суспензијата за Белорусите поради помошта која му ја даваат на Путин во војната против Украина, поради што средбите мора да ги играат на неутрален терен. Но, овој пат на дуелот во Нови Сад се очакува да имаат поддршка од преполни трибини, а причината не се тие туку омразата која владее помеѓу Србите и Џака и Шаќири. Срби и Швајцарија одиграа неколку жешки средби во последните години, од кои две на последните два Мундијали, на кои се случуваа скандали со жестоки провокации од страна на швајцарските фудбалери, кои прво „летаа орли“, а неодамна во Катар по средбата облекоа дрес со името на основачот на озогласената ОВК.

Џака и Шаќири доаѓаат во Белград

Ристе Здравков — Wed, 14 Dec 2022 12:30:29 +0000

По дебаклот во осминафиналето на Светското првенство, Швајцарија се сврте кон нов циклус квалификации за ЕП. Швајцарија ќе игра во групата И со Романија, Андора, Израел, Косово и Белорусија. Тие поради актуелната политичка ситуација се многу загрижени за гостувањата во Белорусија и Косово. Имено, на 25 март Швајцарија ќе игра на гости кај Белорусија, а големи се шансите тој меч да се одигра во Србија. Белорусија е делумно санкционирана од УЕФА поради војната во Украина и своите натпревари ќе ги игра на неутрален терен, најверојатно во Србија! Белорусија го одигра натпреварот од Лигата на нации во Нови Сад, а тој факт предизвика паника во швајцарските медиуми. Како што дознава српските медиуми големи се шансите Белорусите повторно да ги одиграат квалификациите во Србија. И Кипар е опција, но во моментов, поверојатно е тоа да биде Србија.

Џака: Ме боли и затоа сум тажен!

Ристе Здравков — Fri, 09 Dec 2022 15:50:58 +0000

Капитенот на Швајцарија, Гранит Џака, денеска ја даде првата изјава по тешкиот осминафинален пораз од Португалија (1-6), кој значеше крај на настапот на Мундијалот во Катар, во која ја изрази својата голема разочараност. Фудбалерот на Арсенал, кој како целосно да се потроши по триумфот над Србија (3-2) во кој имаше придонес на теренот, но и во провокациите на противникот, па против Португалците беше буквално невидлив. „Фудбалот понекогаш премногу боли. Тажен сум што СП 2022 за нас заврши на начин на кој заврши. Сакам да им се заблагодарам на навивачите кои нѐ поддржаа за време на турнирот, тоа навистина многу ни значеше. Ќе дадеме се од себе за да се вратиме посилни“, напиша Џака на Инстаграм.

ФИФА би можела да отвори истрага за гестот на Гранит Џака

Бошко Тасиќ — Sun, 04 Dec 2022 07:09:53 +0000

Швајцарскиот репрезентативец Гранит Џака има албански корени и тензијата беше неминовна. По натпреварот Џака го соблече дресот, а под својот носеше друг со бројот 26 и презимето Јашари. Сите помислија дека се работи за провокација, односно дека му оддава чест на починатиот косоквски генерал Адем Јашари од војната со Србија во 1998 година. Самиот тој ги негираше овие наводи . „Нема политичка позадина зад носењето на дресот. Го облеков поради Ардон Јашари, тој е момче кое ми се допаѓа и се дружам со него често. Ардон често бара совети од мене, а јас му ветив дека ако дадам гол ќе го покажам неговиот дрес“, кажа Џака. Според најавите, постојат реални шанси ФИФА да спроведе истрага за дали имало политичка позадина во гестот на Џака. Доколку се докаже дека се работи за такво нешто, фудбалерот на Арсенал би можел да биде казнет.

ФИФА ПРЕСЕЧЕ – сепак ќе поведе истрага за однесувањето на Џака, еве како се „оправда“ фудбалерот за облечениот дрес

Дарко Андоновски — Sat, 03 Dec 2022 14:56:50 +0000

Швајцарските медиуми објавуваат дека ФИФА, сепак, ќе покрене постапка против однесувањето на Гранит Џака за однесувањето за време и после натпреварот против Србија во групната фаза на Мундијалот во Катар. ФИФА ќе го истражува инцидентот, пишува швајцарскиот „Боте“. Но Швајцарците нема премногу да даваат до значење, и очекуваат Џака да нема проблеми. Капитенот на Швајцарија после натпреварот облече дрес со презиме „Јашари“. Потоа се правдаше дека тоа дрес на негов соиграч. „Воопшто не беше политичко. Тоа беше дресот на мојот соиграч Ардон Јашари. Тој е млад играч, со кого одлично се согласувам. Реков дека ако постигнам гол, ќе го облечам неговиот дрес“, изјави Џака по натпреварот во изјавата што ја пренесе новинар на швајцарскиот портал. Швајцарија инаку ја елиминираше Србија, откако вчера ја совлада со 3-2.

Џака: Имаше многу емоции, но сепак одигравме фер-натпревар

Бошко Тасиќ — Sat, 03 Dec 2022 05:55:35 +0000

Вториот дел донесе многу искри на теренот, посебно меѓу Гранит Џака и српските фудбалери на теренот и на клупата. Гранит Џака пред новинарите не сакаше да навлегува во детали, зошто влезе во конфликти со српските фудбалери. Швајцарскиот репрезентативец ја испушти топката и на коректен начин стави точка на шпекулациите. „Ова беше натпревар со многу емоции, но тоа е дел од фудбалот. Беше фер дуел, се фокусиравме на фудбалот и направивме голем чекор со пласманот во осминафиналето. Горди сме на постигнатото.Задоволен сум, како и целиот тим, стручниот штаб. Знаевме дека нашиот ривал има квалитети, упати многу топки кон Митровиќ и Влаховиќ, но одигравме одлично. Нашиот селектор добро го подготви натпреварот и заслужено победивме“, изјави Џака.

На швајцарските Албанци им е забрането да „летаат орли“ на мечот со Србија

Ристе Здравков — Tue, 29 Nov 2022 14:20:09 +0000

Скандалот од Светското првенство во Русија во режија на Ѓердан Шаќири и Гранит Џака, кои за време на прославата директно ги испровоцираа српските навивачи истакнувајќи го албанскиот двоглав орел, повторно е во центарот на вниманието на јавноста. Тогаш двајцата фудбалери беа осудени од швајцарските медиуми дека головите на репрезентацијата ги прославувале со симболите на друга земја и со тоа директно ги провоцирале противникот и навивачите. Директорот на швајцарската репрезентација Пјерлуиџи Тами во интервју за швајцарските медиуми изјави дека ќе даде се од себе ова да не се повтори во Катар. Светското првенство не е само за играта со Србија, дури и ако знаеме колку е оваа игра посебна, со оглед на тоа што се случи во 2018 година. Не сакаме да ги правиме истите грешки, тука сме да играме фудбал и ништо друго. Не сакаме да испраќаме никакви политички или верски пораки. Сакаме да ги претставуваме нашите вредности. Еден од нив е: почит. Покажуваме почит кон другите мислења. За мене би било грешка да испровоцирам некого со гест, без разлика на играта. Не треба да има зборови, гестови или воопшто однесување што предизвикува други реакции. Кога навиваме, ја покажуваме нашата радост, тоа е важно. Но, не мора да бидеме провокативни – изјави директорот Тами.