гранки – Kurir.mk

Силниот ветер во Велес урна дрва и гранки на повеќе локации

Магдалена Андонова — Tue, 08 Feb 2022 18:20:33 +0000

Поради силниот ветар во текот на денешниот ден, имаше откорнати и паднати гранки и дрвја на повеќе локации во Велес – кај касарната „Алексо Демниевски-Бауман“ на ул. „Благој Ѓорев“ ,во дворот на ООУ „Блаже Конески“ и кај затворот во Превалец. На сите локации собрани се паднатите гранки и дрвја, информираат од ЈКП„Дервен“. -Наши екипи по дојавата веднаш се упатија на терен и за кратко време ги отстранија паднатите дрвја и гранки, велат од ЈКП„Дервен“. Од Брза помош информираа дека кај нив до 17 часот никој не пријавил повредени лица од пад на дрвја и гранки.

Утре ќе се расчистува мостот во населбата Превалец кој по невремето е затрупан со гранки и друг смет

Тале Кристо — Mon, 10 Aug 2020 11:39:11 +0000

Мостот во Населбата Превалец, на регионалниот пат Велес-Чашка кој по саботното невреме од порои на дожд е затрупан со гранки и друг смет, поради неможноста да се вклучи механизација од утре ќе се расчистува рачно за што денеска се подготвува теренот, изјави за МИА директорот на ЈКП „Дервен“ Тони Јовиќ. Тој информира дека екипи на ЈКП „Дервен“ од утрово рачно расчистуваат земја, песок и камчиња од наносите од невремето во Населбата „Превалец“ која е најпогодена од саботното невреме. Најави дека од утре ќе се чистат и затнатите атмосферски канализаии во Превалец и во Велес. Воедно ќе се чисти и затнатиот атмосферски канал во галеријата под пругата што води кон спортската сала „Гемиџии“. Тој веќе беше чистен минатата недела, но, по саботното невреме е повторно затрупан со кал. Јовиќ најави дека вработени на ЈКП „Дервен“ утре ќе го исчистат и измијат овој премин и улиците во градот ќе бидат измиени со цистерни со вода. По препорака на Општинскиот штаб за заштита и спасување ЈКП „Дервен“ е задолжен да врши редовна проверка на исправноста на водата за пиење со цел да се обезбеди чиста и здрава вода за пиење.

ФОТО: Најубавиот хотел на светот кој стои на гранки на дрвја

Тале Кристо — Tue, 07 Jul 2020 18:23:20 +0000

Затскриен од маѓепсаната крошна на дождовни шуми и поврзани заедно со мрежа на патеки за џунгла, ресортот „Кемала“ во Тајланд е светско чудо. Скоро целиот хотел и вилите се изградени на дрва. Комплетирани се со приватен базен и се дизајнирани за гости кои сакаат да доживеат рустикален, но раскошен стил. Ентериерот е инспириран од приказните, културите, традициите и начинот на живот на четири групи фиктивни антички доселеници во Пукет. Нивните карактеристики се рефлектираат во сите елементи на вилите и колибите, вклучувајќи ја архитектурата, мебелот, украсните парчиња, па дури и текстилот. 38 Вили за базени на Кемала се достапни само са оние со длабок џеб, но ако се резрвира многу порано, имате можност да бидете дел од овој вистински рај на дрва.