грашок – Kurir.mk

Ароматично пире од грашок како вкусен намаз за леб или замена за пире од компири

Ристе Здравков — Sat, 15 Apr 2023 18:00:57 +0000

За помалку од 15 минути можете да го направите ова едноставно пире од грашок кое одлично ќе се комбинира со тостиран леб како намаз и како прилог со печено или пржено месо. Тајната за совршен вкус е малку лимон и малку нане, затоа не ги прескокнувајте и не обидувајте се да ги замените со други состојки. Пирето ќе биде уште подобро ако остане во фрижидер неколку часа. Рецептот се сведува на „ставете сè во блендерот и притиснете го копчето“, а уживањето во совршено измешаните ароми ќе биде обратно пропорционално на обемот на работа. Ваквите рецепти најмногу ги сакаме! Состојки: 300 гр свеж или замрзнат грашок 25 гр падано или пекорино сирење 1 ½ лажичка сол ½ чешне лук, грубо сецкано ½ грст свежо нане 3 супени лажици екстра девствено маслиново масло 2 супени лажици сок од лимон Подготовка: Сите состојки ставете ги во блендер и изблендирајте ги во грубо пире. Не претерувајте бидејќи смесата треба да биде кремаста, но сепак со малку текстура. По желба додадете уште лимон, сол и сирење. Послужете како намаз или ладен прилог.

90 секунди со Петар: Малиот извидник откри што друго не сака да јаде, освен грашок – но и која е Снеже (ВИДЕО)

Дарко Андоновски — Tue, 28 Dec 2021 18:13:13 +0000

Петар се прослави со неговата интересна реакција на изборот на грашок како главно јадење за групата извидници. Во изданието „90 секунди“ со Стефонатор, тој открива што би избрал меѓу бургер и бурито, но и дали има друга храна која не ја сака, освен грашокот. Погледнете го видеото за да дознаете повеќе:

ФОТО: Божиќен хит во Исланд, пиво од грашок и зелка

Ивона Петрова — Fri, 10 Dec 2021 11:42:36 +0000

Божиќно пиво направено од грашок и маринирана црвена зелка на Исланд во предбожиќниот период тана хит меѓу купувачите, а од полиците во маркетите го снемало за неколку часа. Божиќното пиво Ора го прозиведува малата пивара во Рејкјавик. Исландската божиќна трпеза е наполнета со ова пиво, а истата се состои токму од грашок и црвена зелка кои се послужуваат со димен јагнешки бут и карамелизиран компир. Новото пиво со 5,2 проценти алкохол е идеја на Валгеир Валгеирсон. Добрата репутација ја стекнал изминатите години кога на пазарот се појави популарното божиќно пиво од алги, кора од божиќно дрво, па дури и сушени риби. Ова е прв пат главната состојка на новото пиво, грашок и зелка да се помеша со хљем, јачмен и зачин каранфилче. Правата серија од 6.000 лименки од новото пиво е продадено за само неколку часа, а кратко потоа се продадени уште 18.000.

Не го заборавајте грашокот во вашето мени, еве зошто е важно да го јадете

Ивана Ефремовски — Wed, 17 Nov 2021 11:04:17 +0000

И покрај тоа што најчесто ја игра споредната улога во многуте салати и чорби, доделете му ја почесто главната улога, порачуваат нутриционистите кои велат дека постојат многу причини да јадете повеќе и почесто грашок. Високата хранлива и биолошка вредност го класифицира грашокот во листата со намирници кои би требало често да се консумираат. Сепак, некогаш потполно забораваме на него и тој подолго време не се наоѓа на нашата трпеза. Нутриционистите поради тоа потсетуваат дека станува збор за мешунка богата со јаглени хидрати (околу 16 проценти). Грашокот содржи околу шест проценти белковини, многу растителни влакна, малку масти, а може да се пофали и со фактот дека воопшто нема холестерол. Кога станува збор за витамините и минералите, секоја лажица грашок ќе ви донесе А, Б1, Б2, Б6 и малку витамин Ц, како и железо, калиум, калциум и фосфор. Во ова време од годината малку потешко се доаѓа до свеж грашок, но смрзнатиот, конзервираниот или сушениот можат да се најдат во речиси секоја продавница. Искористете го и додадете го во повеќето ваши јадења, салати, чорби, како прилог и слично.