грчки остров – Kurir.mk

Спасувачка акција во близина на грчкиот остров Миконос откако се преврти чамец со мигранти

Тале Кристо — Fri, 26 May 2023 06:57:24 +0000

Две лица се спасени, откако се превртил чамец со мигранти во морскиот дел североисточно од грчкиот остров Миконос, а според портпаролот на грчката крајбрежна служба на Грција Никос Кокалос, спасените изјавиле дека со нив се пренесувале уште шест лица, јави дописничката на МИА од Атина. Кокалос за грчката државна телевизија ЕРТ рече дека од 6.30 часот утрово во тек е спасувачка акција во морскиот дел во близина на Миконос, а се интервенира од воздух, копно и вода, за евентуално пронаоѓање на исчезнатите. Преку европскиот број за итни случаи 112 крајбрежната служба била информирана дека се превртил чамец по што почнала спасувачката акција и биле откриени две лица.

Уапсени три лица и откриени 37 мигранти во потера во близина на грчкиот остров Кос

Тале Кристо — Fri, 03 Feb 2023 14:41:48 +0000

Три лица биле уапсени, под сомнение дека се криумчари и биле откриени вкупно 37 мигранти во двата одвоени случаи на потера во морскиот дел во близина на грчкиот остров Кос, кога патролни бродови на крајбрежната служба на Грција бркале глисери со мигранти, објави „Катимерини“. Според грчкиот весник,инцидентите се случиле синоќа, а во двата случаи глисерите биле сомнителни, се движеле со голема брзина и не одговориле на знаците на крајбрежната служба, по што следела потера. Уапсени биле вкупно три лица, кои управувале со глисерите и веројатно станува збор за криумчари, а паралелно во едниот биле откриени 17, а во другиот 20 мигратни.

Еден загинат и десет спасени мигранти во потонат брод во близина на грчкиот остров Кос

Тале Кристо — Thu, 17 Nov 2022 08:45:34 +0000

Грчката крајбрежна служба спасила десет лица и извлекла едно безживотното тело во акцијата по потонат чамец со мигранти источно од островот Кос, јави дописничката на МИА од Атина. Преку европскиот број за итни случаи 112, крајбрежната служба на Грција добила повик за помош, по што започнала спасувачката акција и сите 11 лица биле пронајдени во морето, меѓу кои и загинатиот. Спасените мигранти, сите мажи, биле пренесени на островот Кос и во центарот за прием и регистрација на мигранти, а изјавиле дека на чамецот што потонал немало други патници.

Спасувачка акција по превртен чамец во близина на грчкиот остров Самос

Тале Кристо — Mon, 31 Oct 2022 16:49:36 +0000

Четири лица се спасени, а во тек е акција на крајбрежната служба на Грција во морскиот дел јужно од грчкиот остров Самос за пронаоѓање на уште осум мигранти, откако се превртел чамецот со кој се пренесувале, јави дописничката на МИА од Атина. Акцијата, според крајбрежната служба, започнала откако биле информирани од рибарски чамец дека пронашла две лица во конкретниот морски дел. Двајцата спасени биле пренесени во општата болница на Самос, а изјавиле дека во чамецот што се превртил имало уште десет лица. Дополнително, бродот на Фронтекс пронашол и спасил уште двајца мигранти кои исто така ќе бидат пренесени во болница. Во потрагата што е во тек, вклучени се три патролни бродови на крајбрежната служба, еден брод и еден авион на Фронтекс, хеликоптер Супер пума на военото воздухопловство, како и бродови што се наоѓаат во близина.

Два мали брода со околу 170 мигранти пристигнале на грчкиот остров Китира

Тале Кристо — Thu, 18 Aug 2022 07:44:44 +0000

Околу 170 мигранти, во два одвоени случаи, со два мали брода, во текот на вчерашниот ден пристигнале во јужниот дел на грчкиот остров Китира, а уапсени се најмалку три лица, осомничени за криумчарење, јави дописничката на МИА од Атина. За првиот случај, од грчката крајбрежна служба соопштија дека мигрантите пристигнале со едрилица, а биле откриени на копно и станува збор за вкупно 97 лица од различна националност, од кои 82 мажи и 15 жени, а 55 се малолетни. Меѓу мигрантите биле и тројца криумчари, кои се уапсени, а едрилицата била пронајдена на карпест брег. Во малиот брод, според информациите на грчката новинска агенција АНА-МПА, имало 73 лица, мнозинството од Ирак и Иран, но и двајца Руси и сите биле пренесени во конкретен простор за официјално да бидат преброени и регистрирани.

Исчезнати четири и спасени над 100 лица во близина на грчкиот остров Дилос

Тале Кристо — Sun, 19 Jun 2022 13:27:56 +0000

Од доцна синоќа во тек е спасувачка акција на грчката крајбрежна служба во морскиот дел јужно од островот Дилос, откако едрилицата во која имало над 100 лица, веројатно мигранти, почнала да тоне, била побарана помош и спасени се 108, а исчезнати четири лица, јави дописничката на МИА од Атина. Од крајбрежната служба на Грција соопштија дека спасени се 63 мажи, 24 жени и 21 дете, четири лица биле пренесени во здравствениот дом на островот Миконос, а согласно она што го изјавиле спасените, исчезнати се четири лица. Спасените се пренесени на Миконос, акцијата продолжува за пронаоѓање на исчезнатите, а според крајбрежната служба, ниту едно од лицата не носело спасувачки елек. ср/ Фото: Крајбрежна служба на Грција

Четири деца загинаа во потонатиот чамец со бегалци и мигранти во близина на грчкиот остров

Ивана Ефремовски — Tue, 26 Oct 2021 10:43:36 +0000

Четири деца на возраст од три до 14 години загинаа откако потона чамец со бегалци и мигранти, во морскиот дел, југоисточно од островот Хиос, едно лице се води за исчезнато, а 22 се спасени, јави дописничката на МИА од Атина. Министерот за миграција и азил на Грција Нотис Митаракис, преку „Твитер“ информираше за билансот од несреќата, објави фотографии и истакна дека Турција мора да ги спречи криумчарите. -Ова е реалноста на експлоатацијата на мигрантите од страна на криминалните банди во Егејското Море. Бескрупулозните криумчари ги ставаат во опасност животите во претоварените непловни гумени чамци кај Хиос. Трагично, и покрај максималните напори на грчката крајбрежна служба, четири деца, сите на возраст од три до 14 години – се потврдени мртви, едно лице се води за исчезнато, 22 се спасени и се згрижени на брегот. Турските власти мора да сторат повеќе за да ја спречат експлоатацијата од криминалните банди. Овие патувања никогаш не смеат да се дозволат, напиша Митаракис.

По катастрофалните пожари, грчкиот остров Евија погоден од поплави

Тале Кристо — Sun, 10 Oct 2021 13:41:14 +0000

Северниот дел на грчкиот остров Евија, по катастрофалните пожари пред два месеци, сега се соочува со поплави предизвикани од невремето и силниот дожд, но и како последица од пожарите, а материјална штета претрпеа домови, дворови, продавници, плажи и патната мрежа, јави дописничката на МИА од Атина. Невремето „Атина“ зафати повеќе делови на Грција, а најпогодена е северна Евија, каде што според грчките медиуми поплавени се стотина домови. Заменик- префектот Јоргос Келаидитис за грчката новинска агенција АНА-МПА вели дека во четири села сè е поплавено, две општини претрпеле голема материјална штета, а во прекин е сообраќајот на неколку локални патишта.

Серија земјотреси го тресат Лезбос

Ивона Петрова — Mon, 01 Feb 2021 07:43:21 +0000

Околу осум часот утрово по локално време, во морскиот дел во близина на грчкиот остров Лезбос беше регистриран земјотрес со јачина од 4,9 степени според Рихтерова скала, а една минути подоцна уште еден од 4,8 степени, според податоците од Геодинамичкиот институт на Националната опсерваторија, јави дописничката на МИА од Атина. Во период од час и половина, во морскиот дел на 46 километри југозападно од Лезбос биле регистрирани шест земјотреси меѓу 2,9 и 4,9 степени. Засега, нема информации за повредени или причинета материјална штета.

Земјотрес од 4.8 степени јужно од грчкиот остров Крит

Тале Кристо — Tue, 29 Dec 2020 08:46:46 +0000

Во морскиот дел, јужно од грчкиот остров Крит, утрово бил регистриран земјотрес од 4.8 степени, според Геодинамичкиот институт на Националната опсерваторија, јави дописничката на МИА од Атина. Епицентарот бил на 20 километри јужно од малиот остров Гавдос што е најјужната точка во Грција и се наоѓа јужно од Крит, а засега нема информации за повредени или причинета материјална штета.