грчко-турска граница – Kurir.mk

Повторно тензии на грчко –турската граница кај Еврос

Ивона Петрова — Mon, 23 Mar 2020 09:47:48 +0000

Во текот на вчерашниот ден, од претпладневните па сѐ до вечерните часови, со прекини, имало нови инциденти на грчко –турската граница кај Еврос , објавија локалните медиуми, јави дописничката на МИА од Атина. Според истите информации, грчките полицајци биле нападнати со солзавец од турска страна и имало нов, неуспешен обид за нелегален влез од Турција во Грција. Група мигранти нанеле мала штета во еден дел од заштитната ограда, во обид да ја уништат, но биле спречени од грчката полиција

Мирна ситуацијата на грчко-турската граница (ВИДЕО)

Катерина Бојаџиева — Sun, 08 Mar 2020 10:34:16 +0000

Во текот на ноќта и во раните утрински часови, мирна е ситуацијата на грчко-турската граница, по вчерашните инциденти, што со прекини траеја речиси цел ден, јави дописничката на МИА од Атина. Според медиумите во Грција, освен со солзавец и разни предмети, од турска страна, во петокот имало обид и со оклопно возило да се пробие оградата поставена од грчка страна. За конкретниот случај, објавено е и видео. За оцена на ситуацијата на Еврос и на островите, премиерот на Грција, Кирјакос Мицотакис, вчера одржа состанок на кој присуствуваа министрите за цивилна заштита, за одбрана, поморство и заменици, началникот на Генералштабот на грчката армија, началникот на крајбрежната служба. – За време на состанокот, беше констатирана успешната акција за спречување од грчката полиција, војската и крајбрежната служба против обидите за организиран илегален влез во земјата и се разговараше за дополнителниот план за чување на границите, соопштија од кабинетот на Мицотакис.

Од вчера спречени 2.867 обиди за нелегален влез во Грција, уапсени осум лица

Ивона Петрова — Fri, 06 Mar 2020 09:42:46 +0000

Во изминатите 24 часа, од шест часот вчера, до шест часот утрово биле спречени 2.867 обиди за нелегален влез во Грција на грчко – турската граница. Како што јави дописничката на МИА од Атина, податоците ги соопштија извори од грчката Влада. Паралелно, во истиот временски период биле уапсени осум лица, седум од Авганистан и еден од Сирија.

Повторно инциденти на грчко-турската граница кај Еврос

Ивона Петрова — Fri, 06 Mar 2020 07:31:10 +0000

Солзавец и шок бомби рано утрово биле фрлени од турска на грчка страна на граничниот премин кај Еврос, а грчката полиција одговорила со водени топови, објавија грчките медиуми, јави дописничката на МИА од Атина. По вчерашниот мирен ден, денеска повторно продолжија инцидентите, а и понатаму, остануваат групи бегалци и мигранти на турска територија и покрај затворената граница. Како што вчера објави МИА, според грчки владини извори, од саботата во шест часот наутро заклучно со вчера попладне до 18 часот, нелегален влез во Грција од Турција, бил спречен во 36.649 случаи, а уапсени се вкупно 252 лица. Според истите информации, повеќето уапсени лица се од Авганистан (64 отсто), 19 проценти се од Пакистан, пет отсто од Турција, од Сирија се четири проценти, 2,6 отсто од Сомалија, а останатите 5,4 отсто од Ирак, Иран, Мароко, Етиопија, Бангладеш и Египет.

Хрватска испраќа полициски патролни бродови на грчко-турската граница

Ивона Петрова — Wed, 04 Mar 2020 11:10:59 +0000

Хрватската полиција ќе испрати уште еден полициски патролен брод во Егејското море, како помош за грчката крајбрежна стража во справувањето со новиот бран мигранти. Како што јави дописникот на МИА, хрватските власти се решиле на ваков чекор по последната ескалација на состојбата на границата и очигледната помош што и е потребна на Грција. Началникот на хрватската полиција Никола Милин изјави дека во оваа фаза тие се сконцентрирани во обидите директно да им помогнат на грчките гранични служби. – Ние веќе имаме 18 полицајци на грчко-турската граница. Ова е практично границата на Европската унија и ние активно ја следиме ситуацијата. Одлучивме во Грција да пратиме уште едно пловило, а друго веќе извесен период таму патролира, изјави Милин. Хрватскиот министер за внатрешни работи, пак, изјави дека засега ситуацијата на хрватските граници е нормална и не се регистриран зголемен број на случаи за илегален премин.

Повторно инциденти на грчко – турската граница

Ивона Петрова — Wed, 04 Mar 2020 08:12:52 +0000

Група бегалци и мигранти, собрани на турската страна од, веќе затворената, граница со Грција, со разни предмети ја нападнала грчката полиција во обид нелегално да влезат во земјата, објавија медиумите кај јужниот сосед, кои говорат за солзавец фрлен од турската кон грчката страна, јави дописничката на МИА од Атина. Според информациите во медиуми, инцидентите почнале кусо пред девет часот утрово, а грчката полиција на солзавецот од турска страна, одговорила исто така со солзавец. Во текот на вчерашниот ден, ситуацијата на грчко – турската граница беше релативно мирна, веројатно поради посетата на премиерот на Грција заедно со првите луѓе на европските институции.