Греам Потер – Kurir.mk

Раководството на Челзи ја објасни одлуката за отпуштање на тренерот Потер

Тале Кристо — Mon, 03 Apr 2023 06:24:24 +0000

Ко-сопствениците на Челзи, Тод Боели и Бедад Егбали издадоа соопштение во врска со отпуштањето на Греам Потер како главен тренер на тимот. - Во име на целиот клуб, сакаме да му се заблагодариме на Потер за неговата работа во Челзи. Имаме голема почит кон него како тренер и како личност. Секогаш се покажуваше пристојно и професионално, нас ни пречи што се заврши вака. Заедно со навивачите ќе го поддржиме Бруно Салтор, кој ќе стане привремен тренер во пресрет на 10 натпревари во Премиер лигата и четвртфиналето на Лигата на шампионите. Ќе вложиме максимални напори на секој од преостанатите натпревари да ја завршиме сезоната на најдобар можен начин, се вели во текстот на соопштението објавено на официјалната веб-страница на Челзи. Премиерлигашот Челзи вчеравечер објави крај на соработката со тренерот Греам Потер. Четириесет и седумгодишниот Англичанец ги предводеше „сините“ од септември 2022 година.

Потер: Возбуден сум што го добивме Реал, но ние ќе се обидеме да ја освоиме Лигата на шампионите

Дарко Андоновски — Fri, 17 Mar 2023 15:57:55 +0000

Тренерот на Челзи, Греам Потер проговори за претстојните натпревари со Реал Мадрид. На денешната ждрепка за четвртфиналето на Лигата на шампионите, Челзи за ривал го доби шпанскиот фудбалски великан. - Се чувствувам инспириран. Реков дека ќе се обидеме да ја освоиме Лигата на шампионите, а сигурен сум дека истото го планираат и останатите седум екипи. Ќе се фокусираме на Реал Мадрид кога ќе дојде време. Сега не очекува натпревар со Евертон во домашното првенство. Не го познавам лично Анчелоти, но играв против него кога беше тренер на Евертон. Тој е господин. Имам многу почит кон него и неговата кариера. Освојување на Лигата на шампионите, долговечност... неверојатно е, неверојатно, изјави Потер. На првиот меч од четвртфиналната пресметка во ЛШ, Реал ќе биде домаќин на Челзи на 12 април.

Потер: Позитивен ден, освен фактот што не освоиме три бода

Дарко Андоновски — Sat, 21 Jan 2023 17:42:29 +0000

Тренерот на Челзи, Греам Потер ги сумираше впечатоците од натпреварот од 21. коло на шампионатот на Англија против Ливерпул (0:0). – Мислам дека играта беше добра. Задоволен сум од тимот, енергијата, она што се трудевме да го направиме. Секогаш е тешко на „Енфилд“. Во првото полувреме имавме предност, немавме среќа што не постигнавме гол. Во вториот дел противникот ја зграпчи иницијативата. Потоа исправивме нешто и повторно го зедовме натпреварот под контрола, имавме неколку шанси. Генерално, позитивен ден, освен тоа што не освоивем три бода, изјави Потер. Ливерпул се наоѓа на 8. место на табелата во Премиер лигата со 29 бодови на 19 натпревари, додека тимот на Греам Потер е на 10. место со 29 бодови од 20 натпревари.

Потер: Мојата сопруга на одмор размислуваше за тоа колку одлично си поминуваме, а јас размислував за Челзи

Дарко Андоновски — Mon, 26 Dec 2022 09:54:19 +0000

Тренерот на Челзи, Греам Потер, зборуваше за тоа како му поминал одморот. – Заедно со сопругата гледавме во Тихиот Океан, таа размислуваше колку одлично си поминуваме, а јас размислував за Челзи! – ги цитира зборовите на Потер новинарот Фабрицио Романо. Челзи загуби три меча по ред во англискиот шампионат пред паузата на Светското првенство во 2022 година. Тимот е осми во табелата во Премиер лигата со 21 бод во 14 натпревари. Исто така, лондонскиот клуб загуби од Манчестер Сити (0:2) во 1/16 финалниот натпревар од англискиот Лига куп и беше елиминиран од турнирот. Првиот натпревар по паузата Челзи ќе го одигра утре против Бурнмаут.

Потер по поразот од Брајтон: Треба да страдате и да чувствувате болка за да растете и да станете подобри

Ивана Ефремовски — Sat, 29 Oct 2022 17:10:04 +0000

Тренерот на Челзи, Греам Потер зборуваше за поразот од Брајтон. Лондонскиот клуб попладнево во натпревар од 14. коло на Премиер лигата загуби со резултат 1:4. -Големите порази се болни. Брајтон имаше добра партија, особено во првото полувреме. Мора да преземеме одговорност за играта во првото полувреме. Не можевме да го исполниме потребното ниво. Ние не ги искористивме нашите офанзивни можности, а тие ги реализираа шансите. Имавме неколку добри моменти, но за жал не успеавме. Кога губиш, секогаш сфаќаш дека можеш подобро. Треба да страдате и да чувствувате болка за да растете и да станете подобри. Никој не рече дека сме готов производ. Мораме да ја прифатиме денешната болка и да учиме од неа“, рече Потер. За свирежи од навивачите на Брајтон, тренерот кој порано работеше во овој клуб вели: „Немам за што да се извинувам. Мислам дека направив добра работа во клубот и го оставив во добра позиција, но луѓето имаат право на свое мислење“. По денешниот пораз, Челзи остана на 21 бод и во моментов е на петтото место на премиерлигашката табела. (МИА)

Потер: разочарани сме од нерешениот исход со Салцбург

Тале Кристо — Thu, 15 Sep 2022 08:03:19 +0000

Тренерот на Челзи, Греам Потер го коментираше ремито со Салцбург (1:1) во натпреварот од 2. коло од групната фаза на Лигата на шампионите. – Разочарани сме од исходот на натпреварот. Но, момците дадоа максимум. Постигнавме добар гол, но бевме невнимателни малку во вториот дел, плус нивниот голман направи неколку добри одбрани. Не го постигнавме посакуваниот резултат, но немам за што да ги прекорувам моите фудбалери. Доста често го користевме Рахим Стерлинг еден на еден и голот беше резултат од ова, изјави Потер. Челзи по две кола во Е-групата е последен со само еден освоен бод. Милан е лидер со четири, , Динамо има три, Салцбург два. Во 3. коло Челзи на домашен терен ќе игра со Милан, Салцбург ќе се сретне со Динамо Загреб.