Греано вино по рецепт на Џејми Оливер

Дарко Андоновски — Tue, 07 Dec 2021 21:45:17 +0000

Mногумина во зимскиот период сакаат да уживаат во вкусот на греаното вино. Со препознатлив мирис и вкус, стоплува и расположува во студените денови. Ако сакате да си го направите дома, но како вистински професионалец, ние пронајдовме еден рецепт од шеф Џејми Оливер. Тајната е секако во зачините, а Оливер додава дека покрај совршениот баланс на вкусовите, во подготовката треба да се биде трпелив и да се прави со љубов. „Оставете виното полека да се загрева, за да има време сите вкусови да се помешаат со виното на вистински начин“, вели Џејми.. А ова е неговиот рецепт: Состојки: 2 мандарини, 1 лимун, 1 лимета, 200 грама шеќер, 6 цели каранфилчиња, 1 стапче цимет, ловоров лист (2-3), 1 морско оревче (за да се наренда малку), 1 стапче ванила, 2 ѕвездички анасон, 2 литри вино. Подготовка: Изрендајте ја кората на амандарините, лимонот и лиметата на крупни парчиња. Во големо тенџере на средна температура ставете да се в ари шеќерот, додадете ги изрендарите кори и исцедете ги мандарините. Додајте ги каранфилчињата, циметот, ловоровите листови и нарендајте малку морско оревче. Ванилата преполовете ја по вертикала и додајте во тенџерете, а потоа додадете го виното така да го покрие шеќерот. Оставете да се вари додека шеќерот сосема не се стопи, а потоа оставете да проврие и оставете така да се вари уште 4-5 минути, додека не добиете густ сируп. Важно е првин да се направи сируп, затоа што шеќерот и зачините треба добро да се загреат. Ако ги загревате откако сте го додале виното, алкохолот ќе испари сосема. Кога ќе го добиете сирупот, намалете го оганот на тивко и додадете го анасонот и остатокот од виното. Полека загревајте го виното, а после околу пет минути, кога ќе стане вкусно и топло, ставете го во чаши или шолји и послужете.

Пијалак што ќе ве воодушеви! (РЕЦЕПТ ЗА ГРЕАНО ВИНО)

Ристе Здравков — Fri, 08 Oct 2021 07:13:17 +0000

Ако сакате слатки и топли пијалаци, вино и овошје, тогаш ова ќе биде вистинско уживање за вас Можете да го пиете во друштво, со семејството или пријателите и сигурно ќе уживате. Состојки: 1 литар црвено вино 1 пакетче кора од цимет или ќесичка мелен цимет неколку каранфилчиња 150-200 мл вода 5-7 лажички шеќер (или повеќе ако сакате послатко) кора од портокал (по желба) Подготовка: Растопете го шеќерот во вода, додадете цимет, каранфилче, кора од портокал и варете додека не испари околу половина од водата. Истурете го виното и оставете да зоврие. Послужете во топли шолји.

греано вино – Kurir.mk

Греано вино по рецепт на Џејми Оливер

Пијалак што ќе ве воодушеви! (РЕЦЕПТ ЗА ГРЕАНО ВИНО)