грег попович – Kurir.mk

Грег Попович го потпиша најголемиот договор во историјата на НБА-лигата

Бошко Тасиќ — Sun, 09 Jul 2023 06:48:29 +0000

Легендарниот Грег Попович во Сан Антонио е од 1996 година и овој тим го предводеше до пет титули во НБА. Се очекуваше Попович да се пензионира на крајот од минатата сезона, но сепак тој не само што не го стори тоа, туку и го потпиша најголемиот договор во тренерската историја на НБА. Спарс ќе му платат повеќе од 80 милиони евра за петгодишното продолжување на соработката, што е рекордна бројка за тренер во НБА. Пред неколку дена најголемиот тренерски договор во историјата го потпиша Монти Вилијамс, кој шест години доби 78,5 милиони долари од Детроит Пистонс, но неговиот рекорд кратко траеше.

Грег Попович ќе потпише тригодишен договор со Сан Антонио

Бошко Тасиќ — Tue, 20 Jun 2023 04:57:53 +0000

Тренерот на кошаркарите на Сан Антонио спарс, Грег Попович наскоро треба да потпише договор со овој тм до јуни 2026 година. Американските медуми пишуваат дека Попович со новиот договор треба да заработи околу 42 милиони долари. Попович го презема Сан Антонио во 1996 година и со екипата освои пет титули во НБА-лигата и три пати беше прогласен за тренер на годината.

Грег Попович: НБА треба да воведе шутови за 4 и 5 поени и да ја претвори кошарката во циркус

Ивона Петрова — Tue, 10 Jan 2023 08:27:18 +0000

Тренерот на Сан Антонио спарс, Грег Попович, јасно стави до знаење дека не е целосно задоволен од развојните трендови на модерната кошарка. – Очигледно е многу потешко да се игра одбрана ова време кога толку многу луѓе можат да шутираат од зад лакот. Сега бројот на такви шутеви е едноставно огромен, и сè се случува многу брзо. Така се добиваат многу поени. Од ова нема бегање. Просеците растат. Сепак, сè уште можете да играте одбрана на некои позициски напади, но при брз напад, кога луѓето ќе ја рашират одбраната на ниво што можат да го направат во НБА, а исто така земајќи ги предвид и шутерските растојанија, ова станува сериозен предизвик. Како што реков претходно, се надевам дека НБА ќе стигне до точка да воведуваат шутеви од 4 и 5 поени за да ја претворат кошарката во вистински циркус. Тоа ќе биде поинаков спорт. Нема повеќе да биде кошарка, туку само еден куп ср.ња“, изјави Попович. Сезонава на натпреварите во најсилната кошаркарска лига на светот често пати се рушат рекорди по ефикасност.

Попович се запиша во историјата на НБА како тренер со најмногу победи

Ивона Петрова — Sat, 12 Mar 2022 09:51:18 +0000

Тренерот на Сан Антонио, Грег Попович влезе во историјата на НБА, откако неговиот тим ноќеска ја совлада Јута во натпреварот од регуларната сезона во НБА со 104:102. Со оваа победа, главниот тренер на Спарс, Грег Попович, стана водечки тренер на сите времиња во историјата на НБА. Седумдесет и тригодишниот Американец го доби својот 1336-ти првенствен натпревар и го помина Дон Нелсон (1335). Рекордот на победи го држеше Нелсон од април 2010 година. Грег Попович е петкратен НБА шампион, кој го води Сан Антонио од 1996 година. Спарс се единствениот тим во кој кошаркарскиот стручњак работел како главен тренер во НБА.

Грег Попович влегува во историјата

Бошко Тасиќ — Tue, 08 Mar 2022 20:39:55 +0000

Тренерот на Сан Антонио спарс, Грег Попович, засекогаш ќе остане впишан со златни букви во историските кошаркарски книги. Сан Антонио спарс го совлада Лос Анџелес лејкерс со 117:110 на последниот меч, а Попович долго ќе ја памети таа победа. Со овој триумф, се израмни на вечната листа на НБА- лигата со Дон Нелсон и сега тие се тренери што запишале најмногу победи во историјата на НБА-лигата! Ова е негова 1.335. победа во кариерата, па му треба само уште една за и официјално да биде тренер со најмногу победи во историјата на Лигата, се разбира во регуларниот дел од сезоната.

Грег Попович стана првиот тренер во историјата кој бил 2.000 натпревари на чело на еден тим

Ивона Петрова — Thu, 06 Jan 2022 14:50:55 +0000

Натпреварот од регуларниот дел од сезоната против Бостон (99:97) беше 2 000-ти за тренерот на Сан Антонио, Грег Попович, кој го помина на клупата на Спарс. Тој стана првиот тренер во историјата кој постигнал ваков резултат. Во 26 НБА-сезони, Попович со Сан Антонио има биланс 1 325 победи и 675 порази. Под водство на Попович, Сан Антонио спарс станаа шампиони во НБА пет пати и 22 пати по ред се пласираа во плејофот (1998-2019). По вкупниот број на одиграни натпревари во лигата како главен тренер, Попович е шести во историјата. На првата позиција е Лени Вилкенс, кој има 2 487 натпревари.

Американскиот „дрим-тим“ има нов селектор

Бошко Тасиќ — Fri, 10 Dec 2021 21:04:48 +0000

Стив Кер и официјално е новиот селектор на кошаркарската репрезентација на САД, објавија американските медиуми.

Тој доаѓа на местото на Грег Попович по освоеното злато на неодамнешните Летни олимписки игри (ЛОИ) во Токио, а ќе остане на кормилото на следните две големи натпреварувања, Мундобаскетот во 2023 година и следните ЛОИ во Париз во 2024 година. Во стручниот штаб на Кер ќе се најдат тренерите на Феникс и на Мајами, Монти Вилијамс и Ерик Сполстра, како и долгогодишниот „шеф“ на Универзитетот Гонзага, Марк Фју.

Грег Попович на крајот од сезоната го напушта и Сан Антонио?

Бошко Тасиќ — Sat, 09 Oct 2021 17:25:23 +0000

Грег Попович може да се повлече од тренерската функција во Сан Антонио по завршувањето на сезоната 2021/22, пишува инсајдерот на „Bleacher Report“ Џејк Фишер. Седумдесет и двегодишниот кошаркарски стручњак треба да победи уште 26 натпревари за да го сруши рекордот на Дон Нелсон и да избие на врвот во историјата на НБА по бројот на победи како тренер. Попович сега е на третото место со 1.310 победи, зад Дон Нелсон (1.335) и Лени Вилкенс (1.332). Актуелниот помошник тренер на Бостон, Вил Харди се смета за најверојатен кандидат за наследник на Попович во случај на негово заминување. Поранешните играчи на Спарс, Тим Данкан и Ману Џинобили исто така, претендираат на тренерското место на тимот од Тексас.

Попович нема веќе да е селектор на САД, позната е неговата замена

Бошко Тасиќ — Fri, 01 Oct 2021 20:46:57 +0000

Селекторот на кошаркарската репрезентација на САД, Грег Попович, поднесе оставка од таа позиција. Тренерот на Сан Антонио одлучи да се пензионира, откако освои златен медал на Олимписките игри во Токио, но се уште нема официјална потврда од кошаркарската федерација на оваа земја. Од друга страна, од САД пристигнуваат информации дека директорот на локалната Федерација, Грант Хил, тргнал во потрага по наследник и дека ќе биде назначен до почетокот на сезоната во НБА лигата. Тренерот на Голден стејт, Стив Кер е прв кандидат за слекторското столче, додека во трка е и Ерик Споелстра, предводникот на Мајами.

Селекторот на САД: Никогаш порано не сум почувствувал таква одговорност на патот до златниот медал

Тале Кристо — Sat, 07 Aug 2021 08:20:24 +0000

Селекторот на кошаркарската репрезентација на САД, Грег Попович, призна дека чувствувал голем товар на патот до златниот медал на Олимпијадата во Токио. – Секоја титула во лигата е нешто посебно. Секој тим со кој работите е посебен. Но, да бидам искрен, никогаш порано не сум почувствувал толку голема одговорност. Толку многу луѓе ве следат, вие претставувате земја, други земји исто така се вклучени на турнирот. Неверојатна одговорност. Ова беше со мене неколку години, секој ден, така што сега се чувствувам многу подобро, рече Попович. Седумдесет и двегодишниот кошаркарски стручњак го презеде американскиот тим во 2015 година. Во 2019 година, Американците завршија на седмото место на Светското првенство во Кина. Како тренер на Сан Антонио, Попович пет пати стана шампион во НБА.