греко – Kurir.mk

ВМРО-ДПМНЕ: СДСМ турка штетен закон, спротивно на европската пракса и Извештајот на ГРЕКО ќе му дозволи на Спасовски да унапредува по 3 места без критериуми

Тале Кристо — Mon, 28 Mar 2022 06:33:38 +0000

СДСМ турка штетен закон, спротивно на европската пракса и Извештајот на ГРЕКО ќе му дозволи на Спасовски да унапредува по 3 места без критериуми, велат во партиското соопштение од ВМРО-ДПМНЕ. Измените во Законот за внатрешни работи се спротивни на сите европски практики. Законското решениe се туркаше без опозицијата и без вклученост на ЕУ и ОБСЕ. Никаде во ЕУ не постои закон со кој министерот како автократ ќе има дискрециони овластувања да унапредува и по 3 места без никаков критериум. Со тоа се руши системот на субординација во службата, и се дава можност млади лица без искуство да бидат поставувани на раководни позиции за кои треба знаење, но пред се искуство и минат труд. Спасовски го уништува системот на кариера граден со помош и на ЕУ. Владата треба веднаш да го повлече ова законско решение кое е спротивно со сите современи практики, се вели во соопштението на ВМРО-ДПМНЕ.

ГРЕКО: Пандемијата и понатаму е плодно тло за корупција

Тале Кристо — Thu, 09 Dec 2021 13:06:03 +0000

Владите ширум светот беа принудени да преземат итни и вонредни мерки во врска со пандемијата на коронавирусот, што го зголеми ризикот од корупција, и затоа мора да го почитуваат законот и да дејствуваат транспарентно и одговорно, соопшти антикорупциското тело на Советот на Европа, ГРЕКО (Група држави против корупција). Во изјавата по повод Меѓународниот ден за борба против корупцијата на 9 декември, претседателот на ГРЕКО, Марин Мрчела, предупреди дека ризикот од корупција поврзана со пандемијата останува висок, особено во здравството и мерките што ги преземаат владите за ублажување на економските последици од пандемијата. -Додека владите се соочуваат со последователните бранови на пандемијата Ковид 19 и мора брзо да дејствуваат, тие редовно прибегнуваат кон итни мерки. И покрај исклучителната ситуација, од клучно значење е владите целосно да го почитуваат законот и да ги засноваат своите постапки на принципите на транспарентност, надзор и отчетност, изјави претседателот на ГРЕКО. Мрчела наведе дека, кога станува збор за корупцијата, најчувствителни области се доделувањето на договори за јавни набавки, судирот на интереси и лобирањето. Тој додаде дека насоките за спречување на корупцијата во пандемијата, објавени од ГРЕКО во април 2020 година, се уште се клучни за борбата против корупцијата во јавниот и приватниот сектор. Во тие упатства, ГРЕКО предупреди на формите на корупција кои се особено погодени од пандемијата, како што се јавните набавки, корупцијата поврзана со здравствените институции, корупцијата во истражувањето и развојот на лекови и вакцини, измамите со лажна медицинска и заштитна опрема и лекови. Беше посочена и важноста од посебна заштита на укажувачите, односно лицата кои пријавуваат корупција и посебната улога што во тоа ја имаат медиумите. Во соопштението се вели дека до крајот на оваа година ГРЕКО ќе усвои извештаи за состојбата во областа на корупцијата во владините тела, вклучително и највисоките носители на извршната власт, и за спроведување на законот за 23 од 50 земји-членки.

Според ГРЕКО функцијата на Николовски за борба против корупцијата е неприфатлива

Магдалена Андонова — Tue, 27 Apr 2021 11:10:22 +0000

ГРЕКО, групата на земји против корупција на Советот на Европа, официјално во својот извештај објавен денеска во Стразбург до Република Македонија и заклучи дека Македонија од 23-те препораки за паттиот круг на евлауација само четири ги спровела на задоволително ниво, девет делумно и десет воопшто не се имплементирани, јави дописник на МИА. Петтиот круг на евалуација на ГРЕКО се однесува на „Спречување на корупција и промовирање на интегритет кај централната власт (лица на кои им се доверени највисоките извршни функции – ЛНИФ) и органите за спроведување на законот (ОСЗ).“ Според ГРЕКО не е прифатливо и не е компатибилно, заменик-премиерот да ја има надлежноста давање на имплементација на Кодексот на однесување кој истовремено има надлежност да истражува и санкционира прекршувања и истовремено треба да обезбеди и доверливо советување и собирање докази за прекршување на Кодексот. Понатаму, ГРЕКО посочува дека постојаното отсуство на проценки на ризикот за интегритет загрижува, како и редовните проценки на влијанието на мерките за интегритет во централната власт.И покрај тоа што во буџетот на Државната комисија за спречување на корупција (ДКСК) се внесени значителни финансиски ресурси, таа сѐ уште не е целосно функционална и не може правилно да ги извршува своите должности според законите кои се на сила во моментот. Во однос на агенциите за спроведување на законот (полицијата), позитивно е што информациите за буџетот, активностите, одлуките, управните постапки и јавните набавки на Бирото за јавна безбедност – една од најтајните владини структури – станаа подостапни на Интернет. ГРЕКО исто така го поздравува опсежното вклучување на полицискиот персонал на различни нивоа, синдикатите и граѓанското општество во изработката на новиот Етички кодекс за полициските сили. Кодексот нуди соодветно практично упатство за очекуваното етичко однесување и регулира прашања како што се судир на интереси, помошно вработување, пријавување на неетичко однесување, итн. Се преземаат подготвителни чекори за воведување на тестирање на интегритетот за лица кои влегуваат во полицијата, како и полициски персонал во текот на целата нивна служба. Надворешниот надзор на полициските сили од страна на Канцеларијата на Народниот правобранител и Основното јавно обвинителство за организиран криминал и корупција изгледа соодветен. Спротивно на тоа, останува да се изврши преглед на ранливостите и ризиците на корупцијата во полицијата и редовна евалуација и проценка на влијанието на годишните антикорупциски програми на полицијата. Што е најважно, оперативната независност на полицијата треба да биде усогласена со стандардите на Советот на Европа за демократско полициско работење и нејзината деполитизација да биде обезбедена во закон и во пракса. Посебна загриженост е значителниот број на судир на интереси и случаи на откривање на средства кои опфаќаат лица кои вршат највисоки извршни функции, обработени од ДКСК. Понатаму, не изгледа дека е спроведена соодветна анализа на практичната примена на санкциите за судир на интереси и други повреди на интегритетот, ниту пак дека овој режим на санкционирање е ревидиран за да се обезбеди дека ги исполнува предусловите за ефективност, пропорционалност и обесхрабрување. Со оглед на горенаведеното, ГРЕКО забележува дека е неопходен понатамошен напредок за да се демонстрира прифатливо ниво на усогласеност со препораките во следните 18 месеци. Согласно на својот Деловник, ГРЕКО го поканува Шефот на Делегацијата на Македонија да достави дополнителни информации во врска со спроведувањето на неисполнетите препораки до 30 Септември 2022 година. ГРЕКО на крајот ги поканува властите на Македонија што е можно поскоро да го одобрат објавувањето на овој Извештај.

Ѓорѓиевски: Греко ја посочува полицијата како најкорумпирана институција поради Заев и Спасовски

Ивана Ефремовски — Fri, 28 Jun 2019 12:18:21 +0000

Владата е криминална, тоа го потврдува ГРЕКО. Македонија е држава каде премиерот е криминалец, а министерот за внатрешни главен заштитник на криминалот. Со Заев и Спасовски Македонија стана дефиниција за заробена држава, обвинува Орце Ѓорѓиевски, член на ИК на ВМРО-ДПМНЕ. -Полицијата е окаратеризирана како најкорумпирана институција во Македонија според извештајот на ГРЕКО, граѓаните наместо заштитник во полицијата гледаат во нејзе криминал и рекетар. Зоран Заев и Оливер Спасовски допринесоа за разнишување на угледот на полицијата во очите на граѓаните и за нејзино претворање во заштитник на криминалот. Полицијата е корумпирана, затоа што Заев и Спасовски наместо да бркаат криминалци преку МВР распишуваат тендерски постапки за делење на милионски бизниси на луѓе блиски до власта. Преку МВР на најсомнителен можен начин беа доделени неколку лиценци за возачки испитни центри на фирми формирани непосредно пред да биде распишан огласот, без никакво претходно искуство, а од игра беа исфрлени фирми со децениско искуство. МВР е корумпирана и затоа што набави возила во висина од 1 милион евра, вредност поголема од нивната малопродажна цена. Заев и Спасовски ја корумпираа МВР на секое ниво. Заев и Спасовски ја претворија МВР во заштитник на криминалот. Господине Заев, поради вас полицијата е нотирана како политизирана институција во извештајот на ГРЕКО. Тоа е затоа што ја уништивте професионалноста, ги санкционирате сите професионалци, за сметка на партиски војници, посочи тој. Ѓорѓиевски посочува: Заев и Спасовски ја претворија полицијата во партиско дувло за да им го штити криминалот и да не постапува по сомнежите за криминал во кој се вмешани речиси функционери на власта. -Две ипол години нема ниту една акција против функционери на власта, иако цела држава бруи дека рекет мава секој партиски функционер од СДСМ, од маалски шериф до челниците на власта. Господине Заев немојте да мислите дека ова ќе продолжи вака. Криминалот ќе биде санкциониран, а вие, како и сите други кои ви помагаат во криминализирањето на Република Македонија ќе одговараат кога ќе се врати правната држава во Република Македонија, порача тој.

Ѓорѓиевски: Извештајот на ГРЕКО покажува дека владата е вистински режим

Ивана Ефремовски — Thu, 27 Jun 2019 10:21:53 +0000

Извештајот на ГРЕКО покажува дека владата е вистински режим, обвинува Орце Ѓорѓиевски, член на ИК на ВМРО-ДПМНЕ. -Нерасчистени убиства, грабежи, запалени автомобили, луѓе кои се малтретирани од страна на носители на јавна функција се само мал дел од криминалите кои станаа наше секојдневие под власта на Заев и Спасовски. Криминалот го констатираше и ГРЕКО во нивниот овогодишен извештај. Во извештајот на ГРЕКО се потенцира дека се гледа силна потреба да се деполитизира полицијата во Република Македонија. Полицијата повеќе од две години не реагира кога станува збор за функционери од власта.Тие се заштитени и можат да хараат низ државата, вршејќи криминал, вели тој. Ѓорѓиевски оценува дека Спасовски и Заев ја претворија полицијата во дувло на криминалот и корупцијата. -ГРЕКО посочува дека полицијата се смета како една од најкорумпираните институции. Во извештајот се вели дека сообраќајната полиција, граничната полиција, организационите единици одговорни за сузбивање на криминалот и корупцијата, како и јавните набавки се издвојуваат како најподложни на корупција. Имено МВР ја спроведе сомнителната јавна набавка на полициски возила во вредност од 1 милион евра, кои беа платени далеку над продажните цени, а само нешто подоцна го распишаа и огласот за давање лиценци за возачки испитни центри кои завршија во рацете на тазе формирани фирми од страна на лица блиски на власта. Извештајот на ГРЕКО, почитувани, значи дека корупцијата е присутна на речеси секое едно ниво во МВР. Во извештајот се посочува и нетранспарентноста на МВР како и потребата од зголемување на транспарентноста и подобрување на пристапот до информациите. Спасовски и Заев ја уништија службата и со секој поминат ден полицијата станува се поголем заштитник на криминалот и корупцијата. Ова мора да го смениме. Нашите граѓани сакаат и заслужуват полиција која ќе биде служба за зачувување на јавниот ред и мир, и никако поинаку, порачува тој.

ГРЕКО: Корупција, криминал и политизација на полицијата

Ивана Ефремовски — Wed, 26 Jun 2019 12:54:46 +0000

ГРЕКО го објави извештајот за евалуација на Република Македонија – Петти круг. ГРЕКО упатува вкупно 23 препораки на Република Македонија, од кои 9 се однесуваат на централната власт, а 14 се однесуваат на органите за спроведување на законот, односно Министерството за внатрешни работи. Петтиот круг евалуација на ГРЕКО почна на почетокот на 2017 година. Промената на власта во земјава е на 01.06.2017 година, а теренската посета почна во октомври 2018-тагодина. Петтиот круг на евалуација е на тема: „Спречување на корупција и промовирање на интегритет кај централната власт (највисоките извршни функции) и органите за спроведување на законот“ и започна во 2017 година, со доставувањето на евалуацискиот прашалник за овој круг од страна на ГРЕКО. Шеф на делегацијата на Република Македонија во ГРЕКО е Ана Павлова Данева. Таа е професор по управно право, управно процесно право и е поранешен потпретседател на СДСМ. До сега, во сите изминати периоди, нашите преставници во ГРЕКО беа кривичари: Слаѓана Тасева, Никола Тупанчевски, Анета Аранудовска. Секој од нив беше партиско решение, избрано од СДСМ, а не соодветен кадар за функцијата. Во извршното резиме е наведено дека корупцијата се смета за сериозен проблем во земјава. Во институционална рамка се спомнува: Законот за лобирање, но законот не се применува. Се наведува и дека има недостаток на транспарентност, а формираа министерство за тоа, со акцент на посебните советници и надворешните соработници. Исто така, се акцентира политизацијата на полицијата. Какви се препораките? Во точка 39 се наведува препораката 1 која гласи: „ГРЕКО препорачува да во однос на вработувањето на лица ангажирани врз основ на дискреционо право на функционери од централната власт со цел да даваат совети на функционерите или да вршат слични функции, треба да се воведат правила за неспоивост и да се воведе ветинг врз основа на правилата за интегритет; и (ii) имињата и договорните бенефиции (плати итн.) на оние кои се ангажирани за овие позиции да се направат лесно достапни на интернет и, кога се работи за ангажман со скратено работно време/или ад-хок ангажман, да бидат вклучени и податоци за нивната главна работна задача/активности. (или недостасува транспарентност и правилата на игра се нецелосни). Точката 46 има препорака: ГРЕКО препорачува систематски дa се спроведува проценка на ризик на интегритетот кај централната власт што ќе ги опфаќа сите функционери и лични советници и надворешни соработници, како што е соодветно; да се воведат соодветни корективни мерки и да се обезбедат соодветни ресурси на единиците за внатрешна контрола и на органите одговорни за методолошки совети во оваа област; и (iii) редовно да се евалуира влијанието и ефектите од мерките за интегритет во централната власт (на пример, изјави за интереси и имот) и да се објават резултатите. Во2019-та година проблем е работата на Државниот завод за ревизија бидејки место да објавуваат Ревизорски Извештаи за 2018 година, тие се уште се занимаваа со 2017 година во која одговорните лица беа и од претходната и од актуелната власт. Се политизира една поранешна квалитетна институција. Со спорото работење се штити актуелната власт од криминалот по министерствата. „Се охрабруваат властите да го намалат бројот на категории на вработени во централната власт поради конфузијата предизвикана од мноштвото паралелни правни рамки кои може да отежнат да се идентификува кои правила важат во поединечни случаи, (прашањето е што работи Министерство за информатичко општество и администрација повеќе од 2 години, ова е директна критика за МИОА)„, стои во точка број 50. Во точка 59, ГРЕКО во исто време, нотира некои недостатоци, како на пример дека не е опфатена интеракцијата на јавните службеници со трети страни, вклучувајќи ги и лобисти. Требало да им кажат дека законот за лобирање не се применува, генералниот секретар на Собрание на Република Македонија Цветанка Иванова дали им кажа колку лобисти се регистрирани кај неа? Еден, два или нула? Потенцирано е дека Комисијата за слободен пристап била без кворум, односно не работела велчи 6 месеци. Предмети се трупале, правото не се остварувало, а забелешка, или констатација за тоа нема. Констатацијата нивна е дека „нешто не е во ред“. ГРЕКО, понатаму, препорачува, согласно Законот за лобирање, да се воведат правила со кои се уредува интеракцијата на лицата на кои им се доверени највисоки извршни функции со лобистите и трети лица кои сакаат да влијаат на процесот на јавно донесување на одлуки и редовно информирање за таквите контакти, вклучувајќи го и предметот за кој се разговара и идентитетот на лицата кои учествуваат и/или се претставени на овие состаноци. ГРЕКО препорачува оперативната независност на полицијата vis-à-vis Министерството за внатрешни работи значително да се зајакне и да се спроведуваво пракса (ii) да се превземат релевантни мерки со цел да се обезбеди должностите напоединечнитеполициски службеници да бидат во согласност со постоечките правила за интегритет и непристрасност, со цел да ги извршуваат своите функции политички неутралново пракса. Оценува дека полицијата е политизирана. Во точка 122, ГРЕКО препорачувада се зголем и транспарентноста на полицијата со подобрување на пристапот до информации, меѓу другото, со тоа што извештаите за резултатите од нејзините активности и донесувањето одлуки, полициските буџети, административната постапка, вклучително и извештаите за јавните набавки, статистичките податоци, правилници и слични информации да бидат јавно достапни, по можност он-лајн. ГРЕКО го признава универзалниот пристап до информации, со било какво ограничување кое претставува исклучок, како предмет на јасно утврдени правила и со можност за преглед/испитување. Директно се бара зголемување на траспарентноста на МВР. Највисоката бруто годишна плата на полициските службеници во 2018 година беше 1.725.051,00 денари/ 28.040 ЕУР. Генерално, евалуацијата е покриена преку согледување на практичната примена на законските решенија за Влада, ДКСК и МВР. Некои работи се изоставени и некои прашања не се целосно опфатени. Заклучокот е единствен, ГРЕКО констатира корупција, криминал и политизација на полицијата.

Шпекбахер: Наодите на ГРЕКО ќе бидат земени предвид во годишниот извештај на ЕК

Предраг Кукиќ — Mon, 13 Aug 2018 14:25:29 +0000

Кристоф Шпекбахер, виши правен советник во ГРЕКО, за МИА порачува дека заклучоците од извештајот на Групата за борбата против корупцијата ќе бидат земени предвид во следниот извештај на Европската Комисија за напредокот во Македонија, и дека следниот рок за државата за исполнување на препораките е 30 јуни 2019. - До денеска се имплементирани само шест препораки, што значи дека тринаесет сѐ уште не се. Јасно е дека ова е глобално незадоволувачки. Следниот рок за земјата да го извести ГРЕКО за напредокот е 30 јуни 2019. Тоа е помалку од 12 месеци од сега и времето бргу ќе мине, вели Шпекбахер за МИА. Највисокиот приоритет, не само за Владата, бидејќи некои од овие реформи треба да бидат направени од самиот Парламент, е да го забрза чекорот на реформите. Она што и недостасува на Македонија, вели тој, е “промена на однесувањето“. - Потребна е промена на однесувањето кон законодавството. “Поранешната југословенска Република Македонија“ добива многу помош и поддршка од европските партнерски земји и европските и меѓународните организации и веќе ја покажала својата способност да етаблира добра законска рамка. Меѓутоа, законите, регулативите и правилата за однесување ќе останат само лист хартија без ефективна имплементација. Како што ГРЕКО укажа многу останува да се направи за да се едуцираат пратениците, судиите и обвинителите за интегритет и конфликти на интереси, да се обезбеди подобра имплементација на законската рамка и да се подобри јавниот имиџ на оваа категорија функционери, и со тоа довербата на граѓаните во законодавната власт и судството, вели советникот за МИА. Шпекбахер потсетува дека наодите на ГРЕКО ќе бидат земени предвид од страна на Европската Комисија во годишниот извештај за напредокот на земјата идната година, како што тоа веќе било случај во 2018 година. Запрашан зошто е толку “разочарувачки“ напредокот во Македонија во борбата против корупција, советникот вели дека тоа “делумно“ се должи на долгата политичка криза во земјата, и потсетува дека Владата не е “единствено“ одговорна. - Треба да се укаже дека препораките инволвираат бројни актери одговорни за имплементацијата на реформите, вклучително и Собранието, самостојните судски тела, Јавниот обвинител, и сето ова бара висок степен на координација, објаснува тој. Извештајот го покрива периодот од декември 2016 до јуни 2018, објаснува Шпекбахер. Според анкетите на јавното мислење, корупцијата, заедно со невработеноста и сиромаштијата, се најголемите проблеми со кои се соочува Македонија, вели тој. -Многу пост-комунистички земји се соочуваат со сличен феномен. Ова не е изолиран случај кога станува збор за имплементацијата на препораките на ГРЕКО. Како и во повеќето европски земји, како што покажува Евробарометарот на Европската Комисија, Парламентот и политичките партии се на врвот на институциите со најнизок степен на доверба. -Меѓутоа, за разлика од многу европски држави каде судството има висок степен на доверба, македонското судство има слично ниска стапка на доверба како и Парламентот и ова е доста проблематично од аспект на владеењето на правото, вели советникот за МИА. Извештајот на ГРЕКО за напредок во борбата против корупцијата во Македонија, беше објавен минатата недела и во него беше посочено дека само шест од деветнаесет препораки се имплементирани. (МИА)

„The New York Times“: Според ВМРО-ДПМНЕ, државата не може да влезе во ЕУ и НАТО со криминал и корупција

Курир — Sun, 12 Aug 2018 10:35:27 +0000

„Целосно разорачувачка“ е борбата против корупција во Македонија, велат од Групата на земји против корупцијата (ГРЕКО) при Советот на Европа, и ги повикуваат македонските власти да преземат активности, пишува влијателниот американски весник „The New York Times“ „Без видлив напредок“ по препораките дадени уште пред четири години за спречување на корупција кај пратениците, судиите и обвинителите, се вели во Извештајот на ГРЕКО, излезен во четвртокот. Според ГРЕКО, само 6 од 19 препораки за борба против корупцијата се имплементирани задоволително. Препораките кои се однесуваат за спречување на корупцијата кај извршната власт, не се применети воопшто. Извештајот нотира минимален напредок кај борбата против корупцијата во судството. ГРЕКО забележува дека се креирани нови советодавни и супервизорски тела за судиите и обвинителите. Сепак придобивките од овие тела повторно ќе се евалуираат, откако ќе се добијат повеќе информации за нивната работа. Во извештајот се заклучува дека сегашното многу ниско ниво на усогласеност со препораките е "глобално незадоволително" за Македонија. -Македонската главна опозициска партија ВМРО-ДПМНЕ во петокот остро ја критикуваше левичарската влада како одговор на извештајот. Таа рече дека премиерот Зоран Заев треба да знае дека земјата "нема да влезе во НАТО и во ЕУ", освен ако не се справува со криминалот и корупцијата, пишува „The New York Times“. Откако Македонија потпиша договор со Грција за решавање на деценискиот спор за името на Македонија, Европската унија посочи дека Скопје може да го започне процесот на пристапување, но ги повика властите да постигнат резултати во реформите, особено во борбата против корупцијата.

Евроинтеграциите тапкаат во место, Греко констатираше целосен крах на институциите

Предраг Кукиќ — Thu, 09 Aug 2018 10:30:44 +0000

Евроинтеграциите на земјава тапкаат во место. ГРЕКО, телото за борба против корупција на Советот на Европа, во својот најнов извештај за Македонија оценува дека “нема опиплив напредок“ во оваа област. Телото смета дека резултатите во Македонија се “очигледно разочарувачки“ и ги повикува властите да преземат конкретни мерки во однос на препораките дадени пред четири и пол години. Само шест од деветнаесет препораки се имплементирани, вели Советот на Европа. -Во однос на пратениците ниедна од препораките не е имплементирани ниту делумно, освен кодексот за пратениците. Што се однесува во судиите и обвинителите, извештајот констатира дека земјата направила ограничен напредок, се вели во соопштението ГРЕКО го истакнува усвојувањето на амандманите за законот за Судскиот Совет. Телото ги посочува и контроверзните поврзани за Државната Комисија за спречување на корупцијата и недостатокот на напредок во изјавите за имоти и интереси. -ГРЕКО заклучува дека ниското ниво на усогласеност со препораките е “глобално незадоволително“ и бара од шефот на делегацијата за Македонија да презентира нов извештај за напредокот во имплементацијата на препораките што е можно побрзо, најдоцна до 30 јуни 2019. Целиот извештај можете да го прочитате на следниот линк: https://rm.coe.int/fourth-evaluation-round-corruption-prevention-in-respect-of-members-of/16808cc85f

Мицкоски: За прв пат има извештај на ГРЕКО кој е негативен поради корупцијата во судството

Ивана Ефремовски — Thu, 05 Jul 2018 19:34:00 +0000

Има извештај од ГРЕКО на нивната седница Македонија добива незадоволителна оценка за реформите во судството од аспект на превенција на корупција во јавните установи, во Парламентот, во обвинителството, помеѓу судиите. Истиот извештај го има и на нивната веб страна, изјави претседателот на ВМРО-ДПМНЕ, Христијан Мицкоски во емисијата „Топ Тема“ на Телма телевизија.

- ГРЕКО за прв пат откако Македонија е членка на таа организација дава незадоволителна оценка и никому ништо. Ние веќе навикнавме на лоша ситуација во економија, немање реформи во образование, во социјалата здравството, вели Мицкоски.

Тој потенцираше дека состанокот на ГРЕКО е во мај или јуни оваа година го опфаќа периодот од една година кога оваа влада е избрана и она што е раритет во случајот што за прв пат од 2000 година за прв пат имаме ваков извештај.

Мицкоски истакна дека не постои друга земја каде премиерот води тело за реформи во судството, а членовите од комисијата кој дадоа оставки изјавија дека не прифаќаат да фингираат реформи туку ако сакаме да го реформираме судството прифаќаат суштински реформи, а тоа што им се сервираше беше далеку од тоа.

- И тогаш се појавува јунакот и вика јас ќе застанам на чело на ова тело и ќе го реформирам. И резултатот на тоа е во извештај. Од ГРЕКО викаат не само што не го реформиравте, туку го уназадивте, нагласи Мицкоски.