грем потер – Kurir.mk

Потер: Не сум сигурен како се чувствувам,емоциите се измешани

Бошко Тасиќ — Wed, 08 Mar 2023 05:47:22 +0000

Челси под водство на Грем Потер конечно оствари голема победа откако сините на Стемфорд Бриџ го елиминираа тимот на Борусија Дортмунд и се пласираа во четвртфиналето од Лигата на шампионите. Врз Потер има голем притисок по серијата лоши резултати, се чини дека по победите над Лидс и особено сега над Борусија Дортмунд, може малку да здивне. „Не сум сигурен како се чувствувам, да бидам искрен. Има многу емоции во моето тело. Можете да замислите, беше тензично на крајот, но мислам дека моите момци беа фантастични. Одиграа многу добро, креиравме некои добри шанси и среќен сум за нив, тие ја донесоа победата. Ова е одлично за сите тука“, изјави Потер. „Чувството во соблекувалната беше фантастично. Сите беа среќни. Бевме во тежок период и јасно е дека ова натпреварување многу ни значи. Сакавме да одиме понатаму и успеавме да се пласираме меѓу осумте најдобри. Ова е подлога да продолжиме добро и понатаму“.

Потер откри дека добива смртни закани за него и за неговото семејство

Бошко Тасиќ — Sat, 25 Feb 2023 05:19:36 +0000

Фановите на Челси ги преминале сите граници, му посакувале смрт на нивниот тренер Грем Потер и на неговите деца. Челси изгледа очајно под водство на Грем Потер, кој се уште добива поддршка од раководството на клубот, но ја има загубено кај голем дел од навивачите.Но, некои фановите на Челси ја надминале пристојната граница на критика и отишле во насока со која треба да се занимава и полицијата. „Колку што имам поддршка, имам и не многу убави мејлови во кои пишува дека посакуваат да умрам јас и моите деца, па јасно е дека не е задоволство кога ќе добиете таква порака“, открива Потер. „Сакам да бидам успешен тука. Глупости се обвинувања дека не ми е грижа. Од каде дојде тоа? Кои се фактите за тоа?“.Кога одите на работа и некој ве навредува, нема да ви биде убаво. Можете да одговорите на два начини. Можам да кажам дека не ми е грижа, но знаете дека лажам. На сите им е грижа што мислат луѓето“. Прашајте го моето семејство каков ми е животот сега и нивниот. Воопшто не е убаво. Разбирам дека навивачите одат дома и се нервозни бидејќи нивниот тим не победил, но ве уверувам, дека мојот живот во изминатите три, четири месеци беше прилично просечен, со исклучок на фактот дека сум навистина благодарен за ова искуство. Смртните закани ги ставам на страна, и тоа беше изолиран инцидент кој може да дојде од било каде. Не му давам тежина, но секако дека не е пријатно ниту за мене, ниту за моето семејство. Треба да ги прифатите критиките, да ги прифатите свирежите кога ќе загубите натпревар, прифаќате што и да дојде. Но се разбира дека има граница, но јас не сум првиот човек во животот за кој е помината таа граница.

Потер: Кога имате скапи засилувања, секогаш ќе се дискутира за нивниот квалитет

Бошко Тасиќ — Sun, 05 Feb 2023 07:03:42 +0000

Менаџерот на Челзи Грем Потер сепак не беше така критичен кон своите фудбалери. „Имавме добра атмосфера. Играчите вредно играа еден за друг против организиран тим како Фулам. Дел од нашите нашите фудбалери се вратија по повреди, дел се нови, па ни треба време да се воиграме. Чувствувам дека имаме многу силна група на играчи. За нас е важно да се подобриме. Новите играчи се прилагодуваат на нова земја и нова лига. Не е едноставно. Кога се плаќаат големи пари за играчите, секогаш ќе се поставуваат прашања за нивниот квалитет“, изјави Потер. Челзи е на деветти во Премиер лигата со 30 бода, а Фулам се искачи на шестата позиција на првенствената табела со 32 бода.

Тод Боели веќе го знае наследникот на Грем Потер

Ристе Здравков — Wed, 11 Jan 2023 13:49:29 +0000

Првата голема тренерска задача на Грем Потер може да заврши неславно откако по катастрофалните резултати газдата на Челси, Тод Боели размислува и за втора тренерска смена во една сезона. Евентуален неуспех против градскиот ривал Фулам во мечот кој ќе биде одигран во четврток најверојатно ќе значи и крај на неколку месечната авантура на младиот англиски стратег на „Стемфорд Бриџ“, а во тој случај погледот ќе биде насочен единствено кон Маурисио Покетино. Аргентинскиот стратег е без ангажман од јули кога беше отпуштен од клупата на ПСЖ, а ангажман во Челси би значело и враќање во Лондон каде претходно го преводеше Тотенхем од 2014 до 2019 година.