греми награди – Kurir.mk

Славниот пар со непримерно однесување на црвениот тепих: ТИЕ им се препуштија на страстите пред камери (ВИДЕО)

Ивана Ефремовски — Thu, 09 Feb 2023 09:43:31 +0000

Карди Би и Офсет изненадија многу свои фанови со своето однесување на црвениот тепих пред доделувањето на Греми наградите. Парот им се препушти на страстите пред камерите, а се бакнуваа како да се во спалната соба, пред со насмевка да се свртат кон насобраните фотографи. Видеото на кое може да се види овој чин на парот брзо се прошири на социјалните мрежи, а многумина го критикуваа нивното однесување.

Offset & Cardi B having a moment on the red carpet for #Grammys weekend 💘pic.twitter.com/yehW9RBtnQ
— Wave Check🌊 (@thewavecheckk) February 5, 2023

„Одвратно. Зошто не водите љубов дома? Не сте за црвениот тепих“, напиша еден фан. „Оние кои вака покажуваат јавна наклонетост обично се оние кои не сакаат да признаат колку им е лош односот“ - вели друго лице. Сепак, некои луѓе излегоа во одбрана на парот.

Го собори рекордот со „Греми“ наградите, а сега Бијонсе доби прва номинација за „Оскар“

Ивана Ефремовски — Fri, 11 Feb 2022 11:00:35 +0000

Откако лани го собори рекордот за најмногу добиени „Греми“ награди, поп-пејачката Бијонсе годинава ја освои и својата прва номинација за „Оскар“ за најдобра филмска музика. Се работи за песната „Be Alive“, којашто е дел од филмската музика на „Краот Ричард“ – приказна за детството на тениските сестри Серена и Венус Вилијамс и нивниот инспиративен татко Ричард. Извршниот продуцент и ѕвезда на филмот, Вил Смит, кој исто така, е номиниран за најдобра главна машка улога, зборуваше за песната, инспирирана од приказната на херојот кој ги претвори своите ќерки во шампионки. -Спојот на филмот и песната е еден вид магија што е неспоредлива во забавната индустрија. Бев пресреќен кога Бијонсе ја прифати соработката, изјави Смит. Иако ова е нејзина прва номинација за Оскар, Бијонсе неколкупати настапуваше на „Оскарите“ со своите хитови. Таа е номинирана за најдобра оригинална песна, покрај Ван Морисон, Лин-Мануел Миранда, Дајан Ворен и Били Ајлиш и, Финис. Годинашното 94. доделување на Оскарите ќе се емитува на „Еј-би-си“, на 27 март.

Омикрон го одложи доделувањето на Греми

Ивона Петрова — Thu, 06 Jan 2022 15:27:16 +0000

Доделувањето на Греми наградите оваа година ќе биде одложено, но не е закажан нов датум за одржување на свечената церемонија. -По внимателно разгледување и консултирање со градските и државни претставници, Академијата за снимање и Си-Би-Ес одлучија да го одложат годишеното доделување на наградите, се вели во соопштението објавено на официјалната страна на Греми. Се наведува дека здравјето и сигурноста на сите вработени е апсолутен приоритет, а со оглед на појавата на омикрон мутацијата, доделувањето на наградите е ризично. Истото требаше да се одржи на 31 јануари.

Џон Батист со најмногу „Греми“ номинации

Ивона Петрова — Thu, 25 Nov 2021 11:54:39 +0000

Објавена е листата номинирани за наградите „Греми“ за американската музичка индустрија. Најголем број номинации освои Џон Батист – вкупно 11, а меѓу нив се оние за песна на годината („Freedom“) и најдобар албум („We are“). По него, следат Џастин Бибер, Доџа Кат и „Х.Е.Р.“ со по осум номинации. Били Ајлиш и Оливија Родриго добија по седум номинации. За најдобра песна, номинирани се и: „I Still Have Faith In You“ („АББА“), „I Get A Kick Out Of You“ (Тони Бенет и Лејди Гага), „Peaches“ (Џастин Бибер, Даниел Кајзар и Гивеон), „Right On Time“ (Бренди Карли), „Kiss Me More“ (Доџа Кет и СЗА), „Happier Than Ever“ (Били Ајлиш), „Montero“ (Лил Нас Екс), „drivers license“ (Оливија Родриго) и „Leave The Door Open“ („Силк соник“). На годинешното доделување на наградите доминираа Тејлор Свифт и Били Ајлиш, а Бијонсе стана најнаградуваната изведувачка во историјата на овие американски награди. Наредната свеченост е закажана за 31 јануари 2022 година, а ќе се одржи во Лос Анџелес. Тоа ќе биде 64-то доделување.

Бијонсе со рекорд кај Греми наградите

Ивона Петрова — Mon, 15 Mar 2021 08:26:58 +0000

Американската пејачка Бијонсе постави рекорд кај Греми наградите откако ја освои оваа престижна музичка награда по 28. пат во женските категории. – Многу сум почестена и возбудена, рече Бијонсе, прифаќајќи ја наградата за најдобра изведба во категоријата Ар-ен-би. Поп-пејачката Тејлор Свифт пак, стана првата пејачка на која трипати ѝ е доделено Греми за најдобар албум. Оваа година ја доби наградата за албумот „Folklore“, којшто го сними за време на вонредните ситуации поради пандемијата на коронавирусот. Пред тоа, само пејачите Френк Синатра, Пол Симон и Стиви Вондер беа наградени трипати за најдобар албум на годината. Со својата 28. Греми награда, Бијонсе се изедначи со продуцентот и композитор, легендарниот Квинси Џонс. Само диригентот Џорџо Солти е награден со Греми неколкупати повеќе од нив – вкупно 31 награда.

Бијонсе со девет номинации на Греми наградите

Ивона Петрова — Wed, 25 Nov 2020 07:44:35 +0000

Поп-ѕвездата Бијонсе освои намногу – девет номинации за доделувањето на следните Греми награди. Меѓу нив и за песна на годината, како што објавија организаторите денес. Британската пејачка Дуа Липа, Тејлор Свифт и раперот Роди Рич имаат по шест номинации на 63-то издание на свеченоста. Добитниците ќе бидат објавени на 31 јануари следната година. Американката Свифт и Липа се натпреваруваат за најважната награда – Албум на годината – заедно со Пост Мелоун, Колдплеј, Хаим, Џејкоб Колиер, Блек Пума и „алтернативната ар-ен-би“ пејачка Џене Аико. Бијонсе е присутна во номинациите, главно поради песната „Black Parade“, која ја слави црнечката култура и активизмот, а беше пуштена за време на минатогодишните протести против системскиот расизам и полициската бруталност против Афроамериканците. „Black Parade“ ќе се натпреварува за песна и за спот на годината, заедно со „Don’t Start Now“ на Дуа Липа. Албумот на Тејлор Свифт – „Folklore“ е номиниран за албум на годината, а нејзината „Cardigan“ – за песна на годината. Во категоријата Најдобар нов изведувач се најдоа раперите Меган Ди Сталион и Доџа Кет, како и алтернативната уметница Фиби Бриџерс.

Били Ајлиш доминираше на Греми наградите

Ивона Петрова — Mon, 27 Jan 2020 08:00:25 +0000

Во Лос Анџелес синоќа беа доделени Греми наградите, а церемонијата помина во знакот на смртта на легендарниот кошаркар Коби Брајант. Церемонијата почна со едноминутно молчење за Брајант, а главната програма ја отворија пејачките Лизо и Алиша Киз кои исто така го споменаа големиот спортист. Били Ајлиш доминираше со доделувањето на наградите и зема златни грамофони во четири големи категории. Прво со својот брат Финиас О’Конел доби награда Греми за најдобра песна на годината. Тоа е песната „Bad Guy“ која зборува за насилство врз жените и која ја сними со својот брат во нивната семејна куќа. – Oва е мое прво Греми, не верував дека ова некогаш ќе се случи. Знам дека многу се шегувам, и оти изгледа дека никогаш не сум сериозна, но искрено сакам да кажам дека сум благодарна, рече младата пејачка. „Bad Guy“ беше прогласена и за најдобра снимка на годината (record of the year), што значи дека освен Били, награда добија и сите други кои учествуваа во создавањето на песната. Били Ајлиш исто така доби Греми за најдобар нов уметник на годината, за албум на годината за нејзиниот прв албум „When We All Fall Asleep, Where Do We Go?“, кој беше награден и во категоријата поп вокален албум. Лизо имаше најмногу номинации, а зема три Греми награди. Таа беше номинирана во осум категории, а победи во поп соло настап за изведување на нејзината песна „Truth Hurts“, за традиционален R&B настап, како и за современ албум. Уште еден тинејџер кој ги одбележа овогодишните Греми награди е рапаерот Lil Nas X. Тој на предцеремонијата освои Греми за најдобар музички спот за песната „Old Town Road“, а потоа и златен грамофон за поп дуо или групен настап, заедно со Били Реј Сајрус. Тој зема награда и за најдобар рап албум. Кантри пејачката Тања Такер го доби својот прв Греми на 61-годишна возраст, и тоа за најдобар кантри албум „While I’m Livin“ кој воедно е и прв што го сними по повеќе од десет години пауза во својата музичка кариера. Таа исто така доби награда за најдобра кантри песна „Bring My Flowers Now“. Дуото од филмот „Ѕвездата е родена“ зема Греми за најдобра компилација за визуелни медиуми, односно за песните кои се емитувани во филмот. Лејди Гага и Бредли Купер не се појавија на настанот, па златните грамофони ги земаа нивните соработници, тимот продуценти кои работеа на песните. Комплетниот список на добитници на наградите може да се прочита на следниот линк.

Го испеа најголемиот хит во 90-те, два пати банкротираше и се омажи за затвореник – сега се појави во проѕирен фустан со градите на мегдан

Дарко Андоновски — Tue, 12 Feb 2019 21:00:14 +0000

Тони Брекстон никогаш не се плашела да ја покаже својата фигура која пркоси на нејзините години, а завчера на доделувањето на Греми наградите покажа повеќе отколку што планираше. Во целосно проѕирен фустан кој го облекла на голот тело, 52-годишната Тони Брекстон на доделувањето ги украде сите погледи. Пејачката е најпозната по баладата Un-Break My Heart, која излезе пред точно две децении, со својот стајлинг докажа дека е во форма и понатаму. Да потсетиме, во 1997 година пејачката банкротираше, а како што наведе за тоа беше виновна нејзината дискографска куќа која иако во светот се продаваа нејзините албуми во милиони примероци, на неа и даде само чек од 2.000 долари кој не можеше да ги покрие сметките. После тоа пејачката по втор пат доживува банкрот, а во 2018 година се верила со Тони Бердман, кој е момче кое инаку ограбувало продавници и продавало хероин поради што било уапсено. Подоцна во затвор лежел 3 години, а едно време лежел и во дом за незгрижени деца како бездомник.

Женска доминација на доделувањето на Греми: Погледнете кои дами беа наградени

Ивана Ефремовски — Mon, 11 Feb 2019 08:02:11 +0000

Ноќеска во Лос Анџелесе беа доделени најпрестижните музички награди Греми на кои најголеми победници се Карди Би, Маскгрејвс и Лејди Гага. Карди Б (26) влезе во историјата со тоа што стана прва жена која освоила Греми за најдобар рап албум „Invasion Of Privacy“, а беше и на чело на листата најинтересно облечени жени на црвениот тепих. Во чекор ја следеше 30-годишната кантавторка Кејси Масгрејвс која ја освои најважната награда – за албум на годинава за „Golden Hour“, а на крајот си замина со четири златни грамофони. Трета најважна женска добитничка на вечерта беше Лејди Гага која освои награда во категориите најдобар поп дует за песната „Shallow“ која ја испеа со Бредли Купер во филмот „Ѕвездата е родена“, најдобра соло изведба за песната „Where Do You Think You’re Goin’?“ и најдобра песна напишана за визуелни медиуми. Следуваат уште неколку добитници на Греми во популарни категории. Песна на годината – Доналд Гловер и Лудвиг Горансон „This is America“ Најдобар нов изведувач – Дуа Липа Најдобар поп албум – Аријана Гранде „Sweetener“ Најдобра денс песна – Силк Сити, Дуа Липа, Дипло и Марк Ронсон „Electricity“ Најдобра рап песна – Дрејк „God’s Plan“ Најдобра рап изведба – Кендрик Ламар, Џеј Рок, Фјучр и Џејмс Блејк „King’s Dead“ Најдобар R&B албум – H.E.R. “H.E.R.” Најдобра R&B песна – Ларанс Допсон, Џоел Џејмс, Ела Маи и Дижон МекФарлан „Boo’d Up“ Најдобар рок албум – Грета Ван Флит „From The Fires“ Најдобра рок песна – Џек Антоноф и Ани Кларк „Masseduction“.

Раперот Кендрик Ламар „крал“ на Греми наградите со осум номинации

Ивана Ефремовски — Sat, 08 Dec 2018 08:56:28 +0000

Американскиот рапер Кендрик Ламар доби осум номинации за музичките Греми награди, меѓу кои и номинации за најдобар албум и песна на годината.

Медиумите оценуваат дека Ламар станал „крал на Греми наградите” и оти неговиот албум, кој е дел од филмот „”Црн Пантер” му ги донел номинациите. Веднаш зад Ламар, е канадскиот рапер Дрејк со седум номинации. Церемонијата на врачување на наградите ќе се одржи на 10 февруари 2019 година во Лос Анџелес. (МИА)