грен слем – Kurir.mk

Поранешниот тренер на Ѓоковиќ: Новак сака да стигне до 30 Грен слем титули

Ивона Петрова — Tue, 12 Jul 2022 08:09:27 +0000

Поранешниот тренер на Новак Ѓоковиќ, Богдан Обрадовиќ, е убеден дека тенисерот има намера да игра уште пет години професионално и на високо ниво со цел да освои 30 Грен слем трофеи. – Разговарав со Новак кога имаше девет години, тогаш првпат се запознавме. Потоа, кога имаше 13 години, почнавме да соработуваме постојано и работевме заедно долги 18 години. Секој пат ми кажуваше, ја знам неговата идеја: сака да стигне до 30. Тоа го сака Новак. Така што, тој ќе игра во следните пет години. Во следните пет години веројатно ќе има 20 шанси да стигне до целта. Ајде да видиме, изјави Обрадовиќ. Пред два дена Ѓоковиќ победи на Вимблдон и го освои 21-от Грен слем трофеј. Повеќе од него има само Рафаел Надал. Шпанецот 22 пати стигнал до титулата на еден од четирите најголеми тениски турнири кои се играат секоја година.

Карантинот во Австралија може да го наруши почетокот на тениската сезона

Ивона Петрова — Wed, 18 Nov 2020 07:32:36 +0000

Владата на Викторија нема да дозволи влез на странски тенисери барем до Божик, пишува „Хералд Сан“. Ова може да ги наруши плановите за започнување на тениската сезона. Претходно, се претпоставуваше дека во средината на декември, до 550 странски играчи и членовите на нивниот тим ќе бидат ставени во „меур“ во Мелбурн. Откако ќе бидат ослободени од карантин, тие ќе можат да учествуваат на турнири пред Австралија опен. Меѓутоа, ако тенисерите пристигнат во Австралија по католички Божик, нивниот карантин ќе заврши со почетокот на Австралија опен и сите прелиминарни турнири ќе бидат нарушени. Австралиската тениска федерација сè уште се надева дека ќе добие олеснување од владата на Викторија, но официјалните лица стравуваат од појава на болест поради доаѓањето на толку многу луѓе од целиот свет. Опциите за одржување други турнири во Австралија по завршувањето на Грен слемот во Мелбурн не се разгледуваат, бидејќи играчите имаат закажано настапи на други места.

Нов термин за „Ролан Гарос“

Ивона Петрова — Fri, 24 Apr 2020 08:51:41 +0000

„Ролан Гарос“ повторно го смени терминот на одржување заради пандемијата од коронавирусот. Гренд-слем турнирот во Париз ќе започне на 27 септември, според францускиот весник Париз. Отвореното првенство на Франција со стандарден термин 18 мај – 7 јуни првично беше преместен од 20 септември до 4 октомври, а според новите информации, турнирот ќе започне една недела подоцна и ќе трае до 11 октомври.

По 1977 година, Федерер најстар полуфиналист на Австралија опен

Ивона Петрова — Tue, 28 Jan 2020 10:34:58 +0000

Роџер Федерер денеска обезбеди учество помеѓу четирите најдобри тенисери на Грен слемот во Мелбурн и најстариот полуфиналист на Австралија опен од 1977 година. Швајцарецот кој утрово го победи во четвртфиналето Американецот Сандгрен со 3-2, се избори за 46. полуфинале на „Гренд слем“. Федерер сега има 38 години и 178 дена. Пред него, во 1977 година, Кен Роузал на 42 годишна возраст влезе меѓу четирите најдобри. Куриозитет на турнирот е и податокот дека Федерер за прв пат во својата кариера до пласман во полуфинале на Грен слем турнир стигна без да се сретне со ниту еден противник од најдобрите 40 на АТП ранг листата. За време на турнирот, тој ги победи: Стив Џонсон (75-ти) Филип Крајиновиќ (41.) Џон Милман (47.) Матон Фучович (67.) Сандгрен (100.).

Ѓоковиќ втор во историјата со по 70 победи на три Грен слема

Ивона Петрова — Wed, 22 Jan 2020 08:23:53 +0000

Српскиот тенисер Новак Ѓоковиќ рано утрово во второто коло на Австралија опен го совлада Тацумо Ито со 3-0, по сетови 6:1, 6:4 и 6:2. За Србинот, ова е 70. натпревар во Мелбурн на кој славеше победа. Австралија опен стана трет Грен слем на кој Србинот извојува 70 победи. Ова е неговата статистика на победени и изгубени натпревари на четири Грен слема: Австралија опен 70-8 (победи-порази) Ролан Гарос 68-14 Вимблдон 72-10 УС опен 72-11. Ѓоковиќ стана вториот играч кој оствари 70 победи на три Грен слема. Пред него тоа го стори само Роџер Федерер, кој има 70 победи на сите четири Грен слема.

Рекордна 350. победа на Грен слем турнирите за Серена Вилијамс

Ивона Петрова — Mon, 20 Jan 2020 09:06:19 +0000

Поранешниот прв светски рекет во женска конкуренција, Серена Вилијамс во првото коло на Австралија опен ноќеска ја совлада 18-годишната Анастасија Потапова со 6:0 и 6:3 за 58 минути. За Американката ова е 350-та победа во натпревари на Грен слем турнири. Вилијамс е женски тениски рекордер во овој индикатор. На второто место е Мартина Навратилова, која победи на 306 натпревари. Серена го направи своето деби на Австралија опен во 1998 година. Таа има победи на мечевите на овој турнир во текот на четири различни децении. Во машка конкуренција Роџер Федерер е рекордер на Грен слем турнирите со 357 победи.

Мареј ќе игра на Австралија опен во 2020 година

Ивона Петрова — Tue, 08 Oct 2019 07:53:17 +0000

Во 2020 година, британскиот тенисер Енди Мареј ќе игра на Грен слемот Австралија опен, објавено е на официјалниот Твитер на турнирот. За Британецот, ова ќе биде прв Грен слем турнир по операцијата на колкот на која претходно тој беше подложен. Последен пат, тој загуби во првото коло и рече дека ова може да биде неговиот последен натпревар во Мелбурн. Триесет и двегодишниот тенисер беше подложен на операција во јануари годинава. Тој се врати во тенисот во јуни на турнир во Лондон, каде победи во игра на двојки со Фелисијано Лопез. На Австралија опен, Мареј играше пет пати во финалето, но никогаш не победи.